Cantares 1:16 - La'aqtaqa Ñim Lo'onatac 'Enauacna 2013

¹⁶ ¡Ỹataqta 'am 'onaxaicolec, 'am ỹauotaxat, ỹataqta 'am 'onaxaicolec! ¡Na darala 'auaqpi nache qaracanec!

Cantares 1:16 Referans Kwoze

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Salmos 45:2

Da 'aryacỹaxac ỹataqta napacalec na laỹe ỹalleppi, qaq na 'ap qalaq chegaqaiguilo naua no'oñi na'aqtaqa, ỹoqo'oye Ñim Lo'onatac 'Enauacna nache 'eetai' da 'am huetalec naqa'en da lchoxonnataxanaxa.

Zacarías 9:17

Qaq ỹataqta sano'onolec, qataq ỹataqta 'onaxaic qome yi'iye 'alhua. Cha'aye souaxat da ỹataqta qalota na trigo, qataq na lataxa, nache nam nsoxoppi, qataq na qa'ampi, ỹataqta 'onaxaic da lañaxataxac.

Cantares 3:7

¡Nachena na nta'a Salomón netangui ana nso'onaxaqui maye qanallaguisheeta! Coleesop na sesenta nalleppi ndotec na ỹataqta la'añaxanec na Israel le'ecpi.

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.

Cantares 1:15

¡Ỹataqta 'am 'onaxaale, 'am ỹoqopitaqte, ỹataqta 'am 'onaxaale! ¡Naua 'ara'ai'tolqa ỹataqta 'onaxaiqa 'eeta'ama caua qoto'olqa!

Cantares 2:9

Na ỹauotaxat 'eeta'am ana ñi'imshe, qataq na chegaxango llalec. ¡'Ena mashe hueta'a na pa'aueegue da laỹe' na qarma'. Nalletauoigui na nalloxoqui, choche nalletapegueuo!

Cantares 5:2

Aỹem so'ocheta, qalaxaye añi iquiyaqte saishet da do'oche. 'Eco' sa'aqtega so ỹauotaxat da deỹaxaatac, 'eeta': «¡Aỹem 'auauateguet, 'am ỹoqopitaqte ỹaqaỹole, 'am qoto'ole maye nalochiguiñi! ¡Ten na 'aỹa mashe ỹapapiaxatta na ỹaqaic! ¡Na 'aỹa maye anactañi da pe qalaq mashe queueegue na ỹaue nache ñettañi!»

Cantares 5:5

Huaña, nache soosheguem da sauateguet se'eso ỹauotaxat. Qaq naua ihuaxaye qataq naua ỹaxaata ñettrañi na mirra, nache ana llo'oxo taleguete so lvinaxat so lasom.

Cantares 7:6

'Am 'onaxaale, qaica ca 'ena'am da 'aryacỹaxac ỹataqta qaica ca 'ena'am da 'arauotaxanaqtaic.