Cantares 1:12 - La'aqtaqa Ñim Lo'onatac 'Enauacna 2013

¹² So nta'a da ñaq hua'aqtalec so la'axasoxola', nache na ñecoraxat huaỹoxon da ama laitaỹaxac.

Cantares 1:12 Referans Kwoze

Juan 12:3

Nache aso María maye lqaỹa't soomaye, asomaye ndouo so ivi' na medio litro na coraxat maye le'enaxat nardo. Somaye ỹataqta late'erai añi lasheue, nache icoreleguete naua lapia'ate So Jesús. Ime, nache deqaxaỹaqtaxana na laue. Qaq 'enauac se'eso nỹec ỹataqta ỹe'eguelaxaigui na laita so coraxat.

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

Marcos 14:3

So Jesús hueta'a ye nỹecpi ye Betania, netaña ca lma' so Simón maye nchega na lo'oc co'ollaxa. Qaq Somaye co'ollaq ñaq deque'etac, nache nvireuo aso 'alo nasoqta'a aso laỹe' so coraxat maye ỹataqta qaỹoqteua'a. Nache nquigueua'a So Jesús, ime, nache ilaxat aso laỹe' so coraxat, nache icorelec na lqaic So Jesús.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Mateo 22:11

Qaq co'ollaq pa'auo so nta'a da demeenaxaneua'a som ncoyeguenatacpi, nache ila'a so 'oonolec da saishet da ỹaatrañi naua anogo maye lataxaua da qaỹalegueua'a de'era naponaxac,

Mateo 22:4

Nache so nta'a qaltaq ỹauo'o so ỹamaq laỹepi lamaxashecpi, nache ỹache naqa'en da la'aqtac, 'eeta': ‹Da nallec mashe imeta. Mashe samaxasoxoolec da qaỹalauat som ỹataqta no'on ilo huaca llalec. ¡Qauanaiua'a da naronaxac!›

Cantares 7:5

Na 'arqaic qalaq 'eeta'am ñaqa'en añi qasoxonaxa Carmelo. Na 'araue qashelec qataq tocalec da lo'oxoỹaxac, ana 'anamogue nache 'eeta'am da lcoñetegueshec ca nta'a.

Salmos 45:1

Ỹataqta 'onaxaiqa naua na'aqtaqa maye huetaiguilo da ñetoonaxac, ñi ỹachaxat qalaq, 'eeta'am ca leraxanaxat ca ỹaỹaten da leraxanaxac. Qaq nagui ñanoldec naua so'onaxaataueguelo ỹa'aqtaqa da sanema ñi nta'a.

Cantares 1:11

¡Samaxasoxoolec qome da qaỹo'o't caua 'arshete oro, maye qalapaxalec na lcat plata!