Cantares 1:10 - La'aqtaqa Ñim Lo'onatac 'Enauacna 2013

¹⁰ ¡Ỹataqta 'onaxail naua 'aramelque da 'aỹa'aatrañi naua 'arshete! ¡Ỹataqta 'onaxaic na 'arqosot da 'aỹa'aatañi ana 'arqolapi maye chegaqaigui na conec!

Cantares 1:10 Referans Kwoze

Cantares 5:13

Naua lamelque qalaq 'eeta'ama ca nañiguishe lma' maye ama da laitaỹaxac ana lauoxo. Da lamaic na alap 'eeta'am da lamaic na laita ana lauoxo da nlaqtelec ana mirra.

Génesis 24:47

Qaq ime, nache senat añimaye, sheeta': ¿Chaq negue't ca 'am llale? Nache añimaye aỹem ỹasateguet, 'eeta': Qomye aỹem llale so Betuel, som llalec so Najor qataq aso Milca. Qaq huaña, nache sanagui na lmic añimaye aso chiguishaqte, qataq sanaguilo naua lhua'q soua dos nhuaxa'she,

Cantares 4:9

'Am ỹaqaỹole, maye 'am ñauonaxaua, ỹataqta 'anaueguela't añi iquiyaqte, so choche 'oonolec da aỹem 'auamata'a, qataq can choche sela'a so lquet aso 'arqola.

Proverbios 1:9

cha'aye 'eeta'ama ca 'onaxaic 'ano'otaxat: 'eeta'am aca ỹataqta 'onaxai nqola, huo'otaq ca 'onaxaic llo'oxoraxat na 'arqaic.

Números 31:50

Ỹoqo'oye ñi 'oonolec qomi' sanaxauo 'enauac nam saconaxa co'ollaxa: oro, nhuaxashecpi, chiguishaqtepi, nshetepi, nqolacpi qataq na laỹe 'otaxatpi da sanqot Ñim Nataxala' da qarachetaqtaxanaxat da yaqto' qaỹapalaxat na qarasouaxashetpi.»

Génesis 41:42

nache so faraón nqat aso nchiguishaqte maye la'anaxanaqte maye netagui ana llaxaata, nache ỹanagui ana llaxaata so José. Ime, nache damaxasoxoolec da qoỹanaxanaxanguilo soua anogo maye chegaqaiguilo na lino, qataq qanqolanaxanaxaaña so nqolac oro.

Génesis 24:22

Qaq co'ollaq ime da nỹomaxa'c soua cameello, nache so namaxashec nqatsheguem aso chiguishaqte maye ivi' seis gramos, nache ỹanagui na lmic asomaye. Qaq nataqa'en ỹanema soua dos nhuaxa'she oro maye napactelec ye cien gramos ye lsallaqa',

Isaías 61:10

Aỹem ỹataqta lta'araic da ñetootapeguec Ñim Nataxala', da ñachaalataxac qalaq nlaqchigui da ntonaxac souaxat Ñim Ñatamnaxala', cha'aye Ñimaye aỹem ỹanaxanaxangui da nca'alaxa qataq aỹem napogonaxaaña da nalochiguiñi lataxac, Aỹem no'otaxanaxan sheeta'am ca auonaxaua qataq ỹauo'o ana ño'otaqtepi sheeta'am naqa'en aca auonaxaua.

Génesis 24:53

Qaq ime, nache nqatsheguem so ỹotta'a't nogoxoshetpi, plata, oro, qataq aso npotopi, nache ỹanem aso Rebeca. Qaq nataqa'en ỹauo'o so nme, so lqaỹa qataq aso late'e asomaye.

Cantares 1:11

¡Samaxasoxoolec qome da qaỹo'o't caua 'arshete oro, maye qalapaxalec na lcat plata!