Apocalipsis 9:8 - La'aqtaqa Ñim Lo'onatac 'Enauacna 2013

⁸ Qaq na laue, qalaq 'eeta'am na laue ana 'alo. Qaq naua lhue, qalaq 'eeta'am ana lhue lapiataxanaqte na quiyoc lỹa.

Nuevo Testamento Toba Sur

⁸ Qaq na laue, qalaq 'eeta'am na laue ana 'alo. Qaq naua lhue, qalaq 'eeta'am ana lhue na león.

Nuevo Testamento Toba Sombrero Negro

⁸ Jena'me layoĝot ena'am ta'le yauo layoĝot, choqonaa'me lodaitel ena'am ta'le jauaĝaic lodaitel,

Apocalipsis 9:8 Referans Kwoze

Joel 1:6

Cha'aye na qalota qataq 'añaxaicpi shiỹaxauapi imattalec na ña'alhua, qaq naua lhue qalaq 'eeta'am naua lhue na llon, qataq naua lhue lapiataxanaqtel qalaq 'eeta'ama naua lapiataxanaqtel ana lloona.

1 Pedro 3:3

Qami' saishet da qaupi'itaxañiitega da nachera dam yo'oqchigui napicnaxac añi 'oonole maye ileguemaxatapigui, huo'otaq ana 'otaqte maye chegaqaigui na lcat oro, huo'otaq ana npoto maye qaica ca 'ena'am da lyac da nachena nam qami' ỹaueegueta da qami' 'onaxail. Da qaryaqui saishet da chegoqchigui da yo'oqchigui qano'otaxaqui, nachaqnata nam huetaigui añi qarquiyaqchi. Qaq ỹoqo'oye qami' iuen da qavi'imaqaitac qataq qami' huotaxanaqtaqail. Qaq de'era nyac saishet da imeuo, qataq damaye ỹataqta lta'araic naqa'en da naigui Ñim Lo'onatac 'Enauacna.

1 Timoteo 2:9

Nataqa'en sauotaique da na 'alpi maye 'amqaanataxanaxaipi da ỹataqta ỹaỹamaxatta da no'otaxac, qataq ỹaỹaten da ntel-la't, saishet da ño'oxonnaxai. Yaqto' da no'otaxat nachera da ỹaỹamaqchiguiñi lataxac. Saishet da nachera da yo'oqchigui da huo'otaq ỹo'ot na laue, huo'otaq ca 'otaxat chegaqaigui na oro huo'otaq perla, huo'otaq ỹauo'o aca lapoto anam qaỹoqteua'a.

Isaías 3:24

Qaq na coraxat qalaq nmeneguet qome ca ỹotta'a't nalolaxapi, qaq na saataxaquipi qalaq nmeneguet ca nañecpi, qaq na no'on qoue qalaq nmeneguet qome da qui'it na nqaic, qaq ana no'on npotopi qalaq nmeneguet ca sansatta nogoxot, qaq da lyac da no'ogoỹaxac qalaq nmeneguet qome ca lque'emaxa souaxat ca lcat dapaqa.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

2 Reyes 9:30

Qaq co'ollaq ime de'era, nache so Jehú, taỹa ye Jezrel. Qaq aso Jezabel co'ollaq la'axaỹaxac de'era, nache asomaye ỹa'ame'n naua la'ai'tel, qataq ỹo'ot so llo'oxoraxat na laue, ime nache dalletaviigui so nalloxoqui so nỹec.

Romanos 9:29

Qaq nacheso ỹoltaxa so Isaías da la'aqtac de'era, 'eeta': «Ñim Lo'onatac 'Enauacna maye qaica ca ỹaqalanapec, da huo'otaq saishet da nca'alaxatec se'eso saq 'amaqtaq, nache naguictaxa, nache shenaqta'am so nỹecpi ye Sodoma qataq ye Gomorra.»