Apocalipsis 9:6 - La'aqtaqa Ñim Lo'onatac 'Enauacna 2013

⁶ Qaq qom qanayeetaiguilo que'ecaua cinco ca'agoxoiqa, nache na shiỹaxauapi maye qaisoc co'ollaxa, ỹataqta huo'o da lyaxa da nache ileu, qalaxaye saishet da ileu. Cha'aye da nleuaxa qalaq 'eeta'am da dataueeguesop namayepi.

Nuevo Testamento Toba Sur

⁶ Nachi que'eca na'a'q na shiÿaxauapi nmittaique qome da l-leuaxa, qalaxayi sa ishit da ÿanata. Qaq nai'ctaxa da nshitaique da ileu, qalaxayi da nleuaxa ca'ai qome namayipi.

Nuevo Testamento Toba Sombrero Negro

⁶ Chane'eja nach'egaua jogaa'me noloqo'ote da'me mach'e yelotedaque da'me leleuaĝa jogaa'me jiyaĝa'u, qalaĝaja ja yauata; te'me yauote da'me lamai'j ta'le yele'u, qalaĝaja ena'am ta'le da'me neleuaĝac cha'li ca'ae jogaa'me.

Apocalipsis 9:6 Referans Kwoze

Jeremías 8:3

Qaq cam lca'alaxaic qome ne'ena shiỹaxauapi maye qauemaicpi, da maiche cam hueta'ague, qom ime da selagaxattac nache namayepi iyaqa'a da ileu qaq saq 'ena'am da nca'altauec. Qaq 'era da ỹa'aqtac Aỹem Nataxala', maye Qaica ca Saqalanapec.

Lucas 23:30

Huaña qome, nache na shiỹaxauapi 'enapega ana qaỹoqotcheguemec 'alhuapi, 'eeta': «Ña qomi' qaupataqaiyiñi.» Qataq 'enapega ana comarelecpi, 'eeta': «Ña qomi' qo'oxochiiyiñi.»

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!

Isaías 2:19

Qom ivita da nachaañi Ñim Nataxala', da imattalec naqa'en ana 'alhua da lchec, nache na shiỹaxauapi nqañoxotoigui qome na lauacpi ana coma'pi qataq na lpoxoỹaxapi ana 'alhua, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye.

Oseas 10:8

Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

2 Samuel 1:9

Nache somaye aỹem 'enapega, 'eeta': Ñaq aỹem 'anquigueua'a, nache aỹem 'aualauat, cha'aye mashe seleetapigui', qalaxaye saishet da ỹoqta seleu.