Apocalipsis 9:4 - La'aqtaqa Ñim Lo'onatac 'Enauacna 2013

⁴ Ime, nache Ñim Lo'onatac 'Enauacna ỹamaxalec asomayepi da nachaqnata nam qaica ca la'anaxat na latap aso la'anaxanaqte Ñimaye da ique'emaqchet, qalaxaye saishet da huo'o ca 'ena'ac ana 'alhua qataq ana 'epaqpi qataq ana nañiguishepi.

Nuevo Testamento Toba Sur

⁴ Nachi qaÿamaxalec asomayi da sa ishit da huo'o ca 'en'ac na 'auaqpi mayi huetalec ana 'alhua qataq ana qo'ipaq, huo'otaq camachicague't dadala, chaqnata nam shiÿaxauapi mayi sa ishit da huetalec na latap aca l'anaxanaqte ñi Dios.

Nuevo Testamento Toba Sombrero Negro

⁴ Qama'le qoyamaĝalo'te da'me ja 'naĝa't jena'me lolelaĝa jena'me aleua uotaĝa jogaa'me uo'oe jo'ne dadala'y uotaĝa jogaa'me ep'a, dite jogaa'me jiyaĝa'u jo'ne ja netayelo naa'me nepel jaga'me 'lanaĝanaqate joñe'me Dios.

Apocalipsis 9:4 Referans Kwoze

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Apocalipsis 14:1

Qaq can ime, nache qaltaq ñamatasheguem, nache sela'a So Qagueta Llalec petalec añi qaỹoqotcheguemec 'alhua le'enaxat Sión. Qaq Somaye nache hueta'aguet som ciento cuarenta y cuatro mil shiỹaxauapi maye quetague' Somaye, som qoỹettalec na latap da le'enaxat som Qagueta Llalec qataq da le'enaxat Ñim Lo'onatac 'Enauacna maye Lta'a.

Apocalipsis 8:7

Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Apocalipsis 6:6

Nache sa'axaỹa so na'aqtac chemaxangui na laiñi soua cuatro shiguiỹa'c maye nca'altraue'c, 'eeta': «Añi lasheue ca 'onataxanaxaic ye 'oonolec na'a'q, nalotalec da qaisheenaxana ca un kilos na trigo huo'otaq ca un kilos na cebada. ¡Qalaxaye saishet qome da huo'o ca qona'ac na aceite qataq na lataxa!»

Ezequiel 9:6

Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»

Éxodo 12:23

Yaqto' Ñim Nataxala' qom anac da ỹalauat na Egipto le'ecpi, nache da ilalec ca ntago'q naua laso'omi, nache napactalec que'eca nỹec. Qaq saishet da ỹasheetem da inoxoneuo ca nleuaxa naua qarma'achilli'.

Efesios 4:30

Qataq saishet qome da qauaquicoqchichi So Saqcha'a Na'añaxac Qui'itta maye chegoqo'ot Ñim Lo'onatac 'Enauacna. Cha'aye somaye nacheso so chegoqchigui da qami' qaỹa'a'n, da yaqto' qami' lalamaqa'ate Ñim Lo'onatac 'Enauacna, yaqto' qami' ỹataqtegueta naqa'en Ñimaye, qom ivita que'eca na'a'q qom ỹoqta ima da qami' isoueeguesopa da ñe'etaxaloxo.

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Salmos 76:10

Da lalemataic ca shiỹaxaua qalaq nmeneguet da 'año'oxonnataguec, ivira'a ca saq 'amaqtaq lalemataic qalaq ỹo'ot da 'ayo'oxoyec.

Da na'aqtaguec so Job 1:12

Nache Ñim Nataxala' 'enapego' so Pa'aguenataxanaxaic, 'eeta': «Hua', ỹaỹamaqchiguiñi, maiche 'oiqueetac qome ca qoneta'ac 'enauac na hueto'otpi ca Job, qalaxaye saishet qome da huo'o ca 'auo'otec sa ỹaỹamaxañi da nachaalataxac camaye.» Huaña nache so Pa'aguenataxanaxaic, ca'ai Ñim Nataxala'.

Da na'aqtaguec so Job 1:10

Cha'aye 'Am ỹataqta sa 'auashen da huo'o ca ipoteua'a ñimaye, qataq na llalaqpi, qataq 'enauac nam hueto'otpi na'atetpi. Qataq ỹataqta 'auchoxonnec 'enauac na ỹo'otpi, qaq ỹoqo'oye ñimaye ỹataqta napacalec da lsallaxa 'enauac na netalec yi'iye 'alhua.

Da na'aqtaguec so Job 2:6

Nache Ñim Nataxala' 'enapego' so Pa'aguenataxanaxaic, 'eeta': «Aja', ỹaỹamaqchiguiñi, maiche 'oiqueetac cam qoneta'ac, qalaxaye saishet qome da 'anqat da nachaalataxac.»

Apocalipsis 7:1

Qaq can ime de'era, nache sela'alo soua cuatro namaxa'she piguem lashe', nachattrañi. Qaq ñi 'oonolec soomaye hueta'alo naua cuatro lleco na la'at. Soomaye nlletrañi naua la'a'che, da yaqto' saishet da ỹasheerelec ana 'alhua, qataq aso auaxai, qataq ana 'epaqpi. Se'esoua cuatro namaxa'she piguem lashe' ỹaconegueta da la'añaxa'c da yaqto' huo'o ca 'ena'ac ana 'alhua qataq aso auaxai. Nataqa'en sela'a so lỹa namaxashec piguem le'ec chegaqa'ague da yo'oxoñi somaye nasoqta'a aso la'anaxanaqte Ñim Lo'onatac 'Enauacna maye chochaq tatec da lca'alaxa. Qaq asa'aso na'anaxanaqte nachaso aso qaỹa'anaxana da qaỹa'an 'enauac na lalamaxatpi Ñim Lo'onatac 'Enauacna, da yaqto' npaxattalec. Nache se'eso namaxashec piguem le'ec ỹataqta na'axannec da la'aqtac da 'enapegalo soua lỹa't cuatro namaxa'she, 'eeta': «¡Saishet da huo'o ca qoñiỹa'ac ana 'alhua qataq aso auaxai qataq ana 'epaqpi, cheta'ague qom semataq da sauoqo'o ca la'anaxat na latap nam do'onataxaatacotpi Ñim Lo'onatac 'Enauacna!»