Apocalipsis 9:3 - La'aqtaqa Ñim Lo'onatac 'Enauacna 2013

³ Nache se'eso lmala'q chegoqtoigui aso shiiquioxoipi, nache huaỹolec ana 'alhua ỹataqta imata, qataq qoỹami' da la'añaxac yaqto' da isoc ca shiỹaxaua qalaq 'eeta'am na pe'elaqtoic na lshenataxanaxa.

Nuevo Testamento Toba Sur

³ Nachi se'eso lmala'q chigoqtoigui aso shiiquioxoi, nachi huaÿolec ana 'alhua. Nachi asa'aso shiiquioxoi qoÿanem da lshinataxanaxa mayi 'eeta'am da l'añaxac na pelaqtoit mayi huetalec ana 'alhua.

Nuevo Testamento Toba Sombrero Negro

³ Chane'eja jajo'me nemala' nach'ajo 'me chiyoqodaue naa'me qojequioĝoil jo'ne laguelegue yema jena'me aleua, qama'le qoyanema da'me ledonataĝanaĝa'j jo'ne ena'am da'me 'lañaĝac na'me noĝopic.

Apocalipsis 9:3 Referans Kwoze

Apocalipsis 9:5

Ñim Lo'onatac 'Enauacna ỹasheetem da ique'emaqchet na shiỹaxauapi, ivittre'c caua cinco ca'agoxoiqa. Qalaxaye saishet da ỹashenem da huo'o ca ỹalauat. Qaq na lque'emaxapi na shiỹaxauapi ỹataqta lta'araic da lqui'ic, 'eeta'am da lqui'ic da huo'o na isoc na pe'elaqtoic.

Joel 1:4

Nam no'onaxatañi na qoche'lpi, nache chec na pelgaxanaqpi, qaq nam no'onaxatañi namayepi, nache chec na pelgaxanaq llalaqpi, qaq nam no'onaxatañi na pelgaxanaq llalaqpi, namayepi ỹataqta ỹauta ana shiiquioxoipi.

Joel 2:25

Qaq aỹem qami' she'eguelaxatema qome som deqat ala na nañiguishe, maye chec co'ollaxa na qoche'l, pelgaxanaq qataq ana shiiquioxoipi, maye ỹamaxashecpi da qami' ñamaxalo co'ollaxa.

Deuteronómio 8:15

qataq qoquiitalec nataqa'en ye toolec 'alhua maye chaqaic qataq qalochiguiñi, qataq nlaqtelec na 'araxanaq maye qanlem na lshenataxanaxa, qataq na pe'elaqtoic, qataq qaica na 'etaxat. Qalaxaye Ñimaye qami' ỹanema so 'etaxat ỹachegoxotaigui aso coma' da yaqto' qami' nỹomaxa'n,

1 Reyes 12:11

Qaq somaye da qami' ỹamaxaleguete co'ollaxa na ỹataqta qapa'atta no'onatacpi, qaq aỹem nagui, ñequigaxattec qome da ỹataqta qapa'atta da lsallaxa ca qami' sacheleguete. Qataq da so ita'a qami' iroleguete co'ollaxa so nañec da qami' ỹalashe'n, qalaxaye aỹem, qami' seroleguete qome ca nalashenaxanaxat maye neta'aguet na lsheenec ca lcat.

Jueces 7:12

Qaq so madianiitapi, qataq so amaleciitapi, qataq so shiỹaxauapi maye chegaqa'ague da pa'aỹa'ague da nala' lliguisheguem ỹataqta laguelec co'ollaxa se'eso ca'amegue, 'eeta'am aca qalota shiiquioxoipi. Qataq aso lalo cameellopi qalaq ỹataqta qalota, 'eeta'am na coma' lsoche maye huaña na loigue aso auaxai.

Lucas 10:19

Aỹem qami' sanema da na'añaxac, da yaqto' na na'araxanaqpi qataq na pe'elaqtoicpi saishet da qami' ique'emaqche't, qataq da yaqto' qanaviqui so pa'aguenataxanaxaic maye qami' ipa'agueeta'ape.

Nahúm 3:17

Qaq na 'arauanaxanaxanecpi qalaq 'eeta'am ana shiiquioxoi, qataq nam ilotague' na 'analleppi 'eeta'am aca napal shiiquioxoipi, da nvi' na latomaxa nache lapono'ot na lpaqtaxat na nỹecpi, qaq da nnoxoosheguem añi nala' nache jec, qalaq qaica ca ỹaỹaten cam taigue.

Nahúm 3:15

Qalaxaye nache huaña qome da 'am ỹavigaxatta ca norec, qataq ca ỹeelonec 'eeta'am qome aca shiiquioxoi da ỹataqta 'am nlaxatchiguiñi. ¡Qaq na'aictaxa da 'anquictauec da qoneta'am ana shiiquioxoipi! ¡Qataq da qoneta'am na pelgaxanaqpi!

Ezequiel 2:6

'Am shiỹaxaua, saishet qome da 'añe'eỹa namayepi, qataq naua la'aqtac maye 'am ỹasaxaleguete, na'aictaxa da 'eco' 'am coleesop ana ỹaxat, huo'otaq da 'eco' qonetangui na pe'elaqtoicpi. Saishet da 'añe'eỹa nam la'aqtacpi, qataq saishet da 'am icolanaqchet da lasheguiỹaxac na'aictaxa da ỹataqta chaqaic.

Isaías 33:4

nache na npa'aguenaxauapi 'eeta'am qome aca qalota shiiquioxoipi, da nqo'ona namayepi da deuotaxanec da lsallaxa.

2 Crónicas 10:11

Qaq da so ita'a da qami' ỹacheleguete co'ollaxa na no'onatacpi maye qapa'atta, nache aỹem ñequigaxattec qome da lsallaxa ca qami' sanema, qaq da huo'otaq qami' iroleguete co'ollaxa ca lalashenaxanaxat, qaq aỹem qalaq qami' seroleguete qome ca nalashenaxanaxat maye lca'ache naua lsheeneqa.

2 Crónicas 10:14

nacherata da quetelec nam lqataxacpi so nsoxoppi, nache somaye, 'eeta': Da so ita'a qami' ỹacheleguete co'ollaxa na qapa'atta no'onatac, qaq aỹem ñequigaxattec qome da lsallaxa ca qami' sacheleguete, qaq da so ita'a qami' iroleguete co'ollaxa ca nalashenaxanaxat, qaq aỹem qalaxaye qami' seroleguete ca nalashenaxanaxat maye lca'ache naua lsheeneqa.

Apocalipsis 9:7

Qaq asa'aso shiiquioxoipi, 'eeta'am da lataxac na caaỹo maye alaataxala', ỹataqta lhuotta da taỹa ca loquiaxac. Qaq na lqaic netagui ana 'eeta'am ana naro'o na nta'a maye chegaqaigui na oro, qaq na lashec qalaq 'eeta'am na lashec na shiỹaxaua.