Apocalipsis 9:21 - La'aqtaqa Ñim Lo'onatac 'Enauacna 2013

²¹ Nataqa'en ne'ena shiỹaxauapi saishet da ỹaxaañi da lalaataxanaxac, qataq saishet da ỹaxaañi da ldanaxanaxac; nataqa'en saishet da ỹaxaañi da lcachaxac, qataq da ncachetague' aca sa lhua.

Nuevo Testamento Toba Sur

²¹ Nataq'en sa ishit da ÿaxaañi da dalaataxan, qataq da l'enaxanaxac, qataq da nquishishaxac, qataq da lcachaxac.

Nuevo Testamento Toba Sombrero Negro

²¹ Nach'e ena'am da'me ja jetaque yaĝadiñi da'me lalataĝanaĝa'j uotaĝa da'me napine'j uotaĝa da'me lequejeguetaĝa'j uotaĝa da'me lecachaĝa'j.

Apocalipsis 9:21 Referans Kwoze

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Apocalipsis 17:5

Qaq asomaye nanettalec na latap so ne'enaxat maye saqcha'a ca naigui. 'Eeta': «Nam ỹataqta 'amaqtaqaic Babilonia, nachana ana late'e ana quisheguetaxaipi qataq 'enauac nam qauem maye nqaigaxat maye huetalec ana 'alhua.»

2 Corintios 12:21

Qataq da seuennataxaatac, nache ỹataqta huo'o da icolanaxa da qom ivita da qami' ñamaqtegalo, nache Ñim Lo'onatac 'Enauacna ishet da ỹo'ot ca ỹa'aloxo cam ishet da aỹem nnoinaqchet, cha'aye qalota da qoñiita na saishet da ỹaxanec da lle'etaxaloxo qataq da ỹo'ottac da qauem, nachaqrata da ỹo'ottac dam sa qaishetapec, cha'aye huo'o na ñaq quetalec da ỹo'ottac da sa qaỹashen lataxac da qanayeetapeeguet aca sa nhua.

Apocalipsis 17:2

Qaq na nta'alpi maye ilotague' nam huetalec ana 'alhua, nquishestague' añimaye qataq huaxaiguet da yaqto' ỹo'oxoren nam qanatameetacotpi maye saq 'en, qaq nache 'eetec nataqa'en na laỹepi shiỹaxauapi maye huetalec ana 'alhua.»

Apocalipsis 18:3

Cha'aye 'enauac nam ỹotta'a't shiỹaxauapi ỹataqta quetegue da lataxac qataq ỹo'oxoreetac nam qanatameetacotpi maye saq 'en. Nataqa'en ỹo'ot damaye nam nta'alpi maye huetalec ana 'alhua. Qataq 'enauac nam nmenaxaicpi maye huetalec ana 'alhua ỹataqta ivira'a da sallaxanecpi, cha'aye nmene' co'ollaxa yemaye da yaqto' ỹo'ot na qalota lqopitaxanaqtaic maye qauem.»

Isaías 47:9

Qalaxaye nque'elaxatta da huaigui ca 'oonolec na'a'q da 'am nvita qome ca qauem, nache 'am pa'ai qome qataq qaica ca 'aỹa'alaqpi, na'aictaxa nam qalota 'araconaxanaxacpi qataq nam saqaivi da qanaloqten 'aye'eyaqnataxanaxacpi.

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Apocalipsis 14:8

Qaq ca'attaueegue so lỹa namaxashec piguem le'ec nataqa'en detaqtac, 'eeta': «Mashe noxonec ye lta'araic nỹecpi le'enaxat Babilonia, mashe sogote da qailaxachigui yemaye, cha'aye yemaye ỹapaxaguenec 'enauac nam ỹotta'a't shiỹaxauapi da lasouaxashet, qataq da ỹalaxaguet naqa'en nam qanatameetacotpi maye saq 'en.»

Gálatas 5:20

qataq natameetacot na ne'enaqtacpi, qataq napaxagueetega da laconaxanaxac qataq nquiỹa na laỹepi. Maiche deloctega't, ca'alaxanaxaicpi, qataq sa qaỹaña da layeloxo. Napagaqaanaxaicpi, ncotaxaicpi qataq colaxagui naqa'en na shiỹaxauapi.

Isaías 57:3

Ña qanquiquiiuo qami' maye qami' llalaqpi da ñi'iyaqnataxanaxac, maye qauachegoqoiguet nam ncachetague' ana sa lhua qataq aca quisheguetaxai:

Isaías 47:12

Qaq nache qoqueto'ot qome da 'aye'eyaqnataxanaxac qataq dam 'araconaxanaxac maye 'anapaxagueetega co'ollaq ñaq 'am qa'añole, shapegueto' da huo'o ca naigui, qataq shapegueto' da 'auañoxot na shiỹaxauapi da 'am ñi'iỹa.

Apocalipsis 19:2

Cha'aye Ñim Lo'onatac 'Enauacna saishet da depe'enaxan da huo'o ye nmit qataq ipagaqchiichigui da 'eesa lataxac. Ỹauo'o da nhuaxanaguec añi ỹataqta lta'araic da lquisheguetaxac maye ỹapaxaguenec 'enauac na huetalec ana 'alhua, da natamnot nam qanatameetacotpi maye saq 'en. Qataq qaỹo'ot da nhuaxanaguec, souaxat da ỹalauat nam lo'onataxanaxanecpi Ñimaye.»

Apocalipsis 13:15

Qaq Ñim Lo'onatac 'Enauacna ỹami' se'eso lỹa shiguiỹac leguemaxaic da ishet da ỹami' da lca'alaxa se'eso ne'enaqtac maye lqui'i som hua'auchiguiñi shiguiỹac leguemaxaic da yaqto' ishet da detaqa. Qaq 'enauac nam saishet da ỹo'oxoren se'eso ne'enaqtac maye lqui'i som hua'auchiguiñi shiguiỹac leguemaxaic qoỹaneguet da nalaataguec.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Daniel 11:33

Qaq ca ỹaanaxanaxaicpi qalota qome ca ỹapaxaguen shiỹaxauapi, qalaxaye ime nache qaỹalauat camayepi, nache qaỹavigaxat, qataq qaiuotaxanec cam hueto'ot logoxoshetpi, qataq huo'o ca qaỹauega ca ỹaqa'a 'alhua da yaqto' nlatacpi. Qaq camaye, saqaỹauec qome.

Apocalipsis 13:13

Nataqa'en somaye ỹo'ot nam saq qaỹauanapega da ỹauachigui naqa'en na shiỹaxauapi, qataq ivira'a da chegoqo'ot naqa'en na piguem na norec da talec ana 'alhua.

Apocalipsis 13:7

Nataqa'en qaỹasheetem se'eso shiguiỹac leguemaxaic da iloquiaxan 'enauac nam lalamaxatpi Ñim Lo'onatac 'Enauacna, qataq ivitta'a da 'enauac loxonec. Qataq qoỹami' da la'añaxac da yaqto' maiche ỹoiqueetac 'enauac nam ỹotta'a't shiỹaxauapi maye ỹotta'a't na la'aqtacpi qataq ỹotta'a't na netañapi ana 'alhua.

Apocalipsis 9:20

Qaq nam no'onañi shiỹaxauapi maye saishet da ilem so norec qataq so lmala'q qataq so 'eeta'am na quiquiaxaraic namayepi ñaq 'eetalec, saishet da ỹaxaañi da ỹo'ottac na qauem, qataq saishet da ỹaxaañi da ỹo'oxoreetac nam saq cha'api qauemaicpi, qataq nam lqui'ipi nam qanatameetacotpi maye saq 'en. Nachaqrata da nache queto'ot da ỹo'oxoreetac nam nqui'ipi maye saq 'en maye chegaqaigui na coma', qataq huo'o na 'epaq qataq huo'o na chegaqaigui na lcat le'enaxat oro qataq na lcat plata qataq na bronce. Ne'ena ne'enaqtacpi sanauaañi, qataq saishet da hua'aqa, qataq saishet da queuoỹapigui'.

Apocalipsis 17:4

Qaq asa'aso 'alo da lo'oxoỹaxac naua alogo, qalaq naueralec da ltogaxa qataq togaxaraic. Qataq na no'otaxatpi ndotec na chegaqaigui na oro qataq na no'on coma' qataq ana perla. Qaq asomaye na lhuaq aloiguishec nasoqta'a aso ỹomaxaqui maye chegaqaigui na oro nlaqchigui na lataxa. Qaq se'eso lataxa naigui na qalota ỹo'ottac qauem qataq da ỹo'oxoreetac nam qanatameetacotpi maye saq 'en.