Apocalipsis 9:16 - La'aqtaqa Ñim Lo'onatac 'Enauacna 2013

¹⁶ Ime, qaq sa'axaỹa ye lcata so alleppi maye nalaataxala' na caaỹo, qaq ivi' na doscientos millones.

Nuevo Testamento Toba Sur

¹⁶ Qaq sa'axaÿa so lcata so nallippi soomayi mayi netalec na caipi, qaq ivi' na doscientos millones.

Nuevo Testamento Toba Sombrero Negro

¹⁶ Qama'le jomachilegue jena'me liñi joga'me coico laje'pi jo'ne netalo'te ga'me pegaĝadipi: nalo'taguet doscientos milliones.

Apocalipsis 9:16 Referans Kwoze

Apocalipsis 7:4

Ime, qaq aỹem sa'axaỹa da qanasaqtauec na le'enaqa'ate soua doce llalqa so Israel soomaye nachesoua soua Judá, Rubén, Gad, Aser, Neftalí, Manasés, Simeón, Leví, Isacar, Zabulón, José, qataq so Benjamín. Qaq ñi 'oonolec se'esoua doce ñalqa, nache qaỹa'an so doce mil nam chegoxoguet soomaye, yaqto' da ima'a't, nache ivi' ciento cuarenta y cuatro mil.

Salmos 68:17

Ñim Lo'onatac 'Enauacna ỹataqta qalota ana laigonapi maye nalaataxaquipi, qaq nache chegoqchiguiña añi qasoxonaxa Sinaí da netangui anamayepi da naỹa añi lalamaqte atamnaxaqui.

Daniel 7:10

qaq nache chegoqtegueua'a somaye so la'auaxac na norec. Qataq do'onataxaatacot somaye som qalota maye sa qaivi' da naloqten. Qaq so qanayecot so ntaxaỹaxac nache qaỹauachigui aso nerepi.

Ezequiel 38:4

Aỹem 'am she'eguelaxat qome, shemaqtagui na 'ap aca qoina, 'am so'orauec qome, qataq na 'analleppi, qataq na netalec naxa na caipi maye ỹaatrañi naua no'oñi anogo. Nam qalota alleppi maye na'atchigui naxa na lainecpi, qataq ana lpaqtaxanaqtepi maye ỹotta'a't da lataxac.

Apocalipsis 5:11

Ime, qaq aỹem sa'axaỹa da l-lamaxa so qalota namaxashecpi piguem le'ecpi. Somayepi ỹataqta qaica ca ivi' da naloqten, coleesop aso so'onaxaqui, qataq soua cuatro shiguiỹa'c maye nca'altraue'c qataq soua veinticuatro nqueroxonqa.

Daniel 11:40

Qaq qom ivita que'eca loga't, nache ca nta'a maye lma' da taguiñi, iloquiaxan ca nta'a maye lma' da sheu', qalaxaye que'eca nta'a maye lma' da sheu', ca'ata'aguet qome camaye, nache 'eeta'am ca la'at lta'araic da iloquiaxan ca nta'a maye lma' da taguiñi, nache aca nnaigonapi maye alaataxaquipi imattalec qome que'eca 'alhua, qataq ca qalota nalleppi maye netalec na caipi, qataq aca qalota notaxaquipi da quiguingui na 'etaxat.

Ezequiel 23:6

maye ỹaatrañi naua alogo tocaleguete, qaq 'enauac somayepi nataxala'pi qataq nta'alpi, nsoxoppi maye ỹataqta 'onaxaicpi da netalec so caipi,