Apocalipsis 9:14 - La'aqtaqa Ñim Lo'onatac 'Enauacna 2013

¹⁴ Qaq se'eso na'aqtac 'enapega se'eso namaxashec piguem le'ec maye ỹashettapigui aso lasheere, 'eeta': «'Asore'c qome ñeua cuatro namaxa'she piguem lashe' maye qaicoñettai'salo, huetra'a ye loigue aso tala late'erai le'enaxat Éufrates.»

Nuevo Testamento Toba Sur

¹⁴ Nachi se'eso n'aqtac 'enapega se'eso namaxashic mayi ÿashittapigui aso nashiide, 'eeta': –'Ausodeec qome ñiua cuatro namaxa'shi piguem lashi' mayi qaicoñittai'salo, ñim netraña yi loigue aso tala l'enaxat Éufrates.

Nuevo Testamento Toba Sombrero Negro

¹⁴ Qama'le da'me dojo' 'naqatac qoyanem joñe'me piyem le'ec jo'ne sexto jo'ne nach'eñe 'me ue'tajop jaga'me najeede, enaac: “Auejodegue jogaa'me cuatro piyem laje' jo'ne necoñetae's 'me neteda'ña ga'me ñache lat'edai jo'ne lenaĝat da'me Éufrates.”

Apocalipsis 9:14 Referans Kwoze

Apocalipsis 16:12

Qataq jec so lỹa namaxashec piguem le'ec da icorelec so huetagui aso ỹomaxaqui so lta'araic tala le'enaxat Éufrates. Huaña, nache 'em na le'ec 'etaxat se'eso tala da yaqto' so nta'alpi maye chegaqa'ague da nala' lliguisheguem, ishet da ỹa'axasoxoolec somaye.

Apocalipsis 9:15

Huaña, nache se'eso namaxashec piguem le'ec isore'c soua cuatro namaxa'she, da yaqto' ỹalauat so 'oonolec naua tres lpa'axaco nam shiỹaxauapi, cha'aye Ñim Lo'onatac 'Enauacna, maiche iqataxanai'salo qataq mashe ivita ye laloqo' qataq na'a'q qataq ca'agoxoic qataq vi'i da isore'c.

Jeremías 51:63

Qaq qom ime da 'autaxaỹaxan ana'ana nere, nache 'aucoñereguet qome ca coma', nache 'auasaxangui so tala Éufrates,

2 Samuel 8:3

Qaq David nataqa'en loxonec co'ollaxa so Hadad Ezer, som llalec so Rejob, maye nta'a ye Soba, co'ollaq somaye taỹa'a da yaqto' ñe'eguelaxaala't ye 'alhua maye sa qaỹapeque ye tala Éufrates.

Génesis 2:14

Qataq so lỹa tala qalaq le'enaxat Tigris, maye nacheso som connegue da nala' lliguisheguem yem 'alhua maye le'enaxat Asiria, qaq so lỹa tala qalaq nacheso so le'enaxat Éufrates.

Apocalipsis 8:6

Ime, nache soua siete namaxa'she piguem lashe', naỹamaxaayiñi da yaqto' ỹashiiyiguilo soua lasheerel.

Apocalipsis 7:1

Qaq can ime de'era, nache sela'alo soua cuatro namaxa'she piguem lashe', nachattrañi. Qaq ñi 'oonolec soomaye hueta'alo naua cuatro lleco na la'at. Soomaye nlletrañi naua la'a'che, da yaqto' saishet da ỹasheerelec ana 'alhua, qataq aso auaxai, qataq ana 'epaqpi. Se'esoua cuatro namaxa'she piguem lashe' ỹaconegueta da la'añaxa'c da yaqto' huo'o ca 'ena'ac ana 'alhua qataq aso auaxai. Nataqa'en sela'a so lỹa namaxashec piguem le'ec chegaqa'ague da yo'oxoñi somaye nasoqta'a aso la'anaxanaqte Ñim Lo'onatac 'Enauacna maye chochaq tatec da lca'alaxa. Qaq asa'aso na'anaxanaqte nachaso aso qaỹa'anaxana da qaỹa'an 'enauac na lalamaxatpi Ñim Lo'onatac 'Enauacna, da yaqto' npaxattalec. Nache se'eso namaxashec piguem le'ec ỹataqta na'axannec da la'aqtac da 'enapegalo soua lỹa't cuatro namaxa'she, 'eeta': «¡Saishet da huo'o ca qoñiỹa'ac ana 'alhua qataq aso auaxai qataq ana 'epaqpi, cheta'ague qom semataq da sauoqo'o ca la'anaxat na latap nam do'onataxaatacotpi Ñim Lo'onatac 'Enauacna!»

Apocalipsis 8:2

Ime, nache sauaachigui se'esoua siete namaxa'she piguem lashe' da qoỹami' ñi 'oonolec ana nasheere, qaq soomaye nachattrañi datataua'alo Ñim Lo'onatac 'Enauacna.

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Deuteronómio 1:7

Qaq ỹoqo'oye qoqui qome, qanqo'oñiỹa aye qasoxonaxapi maye lalamaqte na amorreopi, qataq na lauoreua 'alhuapi ye Arabá, qasoxonaxapi, qataq ye nalochiguiñi 'alhua ye Néguev, qataq naua loiguiye aso auaxai, qataq ye na'alhua na cananeopi qataq ye Líbano, nache ivitta'a ye lta'araic tala Éufrates.

Josué 1:4

Nache qami' sanema qome ye 'alhua maye chegoqchiguiña ye toolec 'alhua, qataq aye qasoxonaxapi maye huaña ye Líbano, qataq ivitta'a so auaxai lche le'enaxat Éufrates, qataq imauec ye na'alhua ye hitiitapi, nache ivitta'a aso Auaxai Mediterráneo.