Apocalipsis 8:9 - La'aqtaqa Ñim Lo'onatac 'Enauacna 2013

⁹ Huaña, nache ileu nam huetangui so 'oonolec naua tres lpa'axaco aso auaxai, qataq dolagui añi 'oonole naua tres ana notaxaquipi maye quiguingui na 'etaxat.

Nuevo Testamento Toba Sur

⁹ qataq ileu ñi 'oonolec naua tres 'enauac nam huetangui ana auaxai, qataq dolagui añi 'oonole naua tres barco.

Nuevo Testamento Toba Sombrero Negro

⁹ Qama'le nach'e ena'am yele'u yema ga'me noĝop laje'pi jo'ne uetañgui jaga'me netauo', chaqagaa'me licotal jo'ne uo'oe, nach'e ena'am qoyenoĝo'n.

Apocalipsis 8:9 Referans Kwoze

Apocalipsis 16:3

Qataq jec so lỹa namaxashec da icorelec aso auaxai so huetagui aso ỹomaxaqui, nache nam le'ec 'etaxat asomaye nañigui na ntago'q, 'eeta'am na ltago'q na nalaatac shiỹaxaua. Huaña, nache ileu 'enauac nam huo'o da lca'alaxa maye huetangui aso auaxai.

Apocalipsis 8:7

Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Apocalipsis 8:12

Qaq so pa'atec soua cuatro namaxa'she piguem lashe' co'ollaq ỹashiiyigui aso lasheere, nache 'om na laỹe añi nala' qataq ñi ca'agoxoic qataq na huaqaañipi qaileguemaxat, nache saishet da 'eroigui. Qaq ỹoqo'oye huo'o na huaña na yo'oqchiguiñi, qaq ñi ca'agoxoic qataq ana huaqaañipi saishet da 'eroigui ye pe.

Apocalipsis 8:10

Qaq so lỹa namaxashec piguem le'ec can ỹashiiyigui aso lasheere, nache naañi aso huaqaañi late'erai, nalalec so 'oonolec naua tres lpa'axaco na talapi qataq ana npaxaatasheguempi na le'ec. Qaq asa'aso huaqaañi na le'eraxa, 'eeta'am na le'eraxa ana ncoỹaraxanaqte,

Isaías 2:16

qataq dataỹa'aguet 'enauac nam 'eetega 'eeta'am ana notaxaquipi da qanayiguingui na 'etaxat maye chegaqa'a ye Tarsis, huo'otaq ana notaxaquipi maye ỹataqta huo'o da lyac.

Zacarías 13:8

Qaq nam netaña ne'ena 'alhua, ileu qome caua dos nam tres lpa'axaco na shiỹaxauapi, qaq no'onañi qome da nca'altauec ca 'oonolec lpa'axac namayepi.

Salmos 48:7

Qataq 'eeta'am na la'at maye chegoxogue da yo'oxoñi, da nlaxaañi ana notaxaquipi maye quelec na 'etaxat maye lalamaqtepi na lma' ye Tarsis.

Isaías 23:1

Da na'aqtac da qaỹa'axata'a dam talec qome ye Tiro. Ña qanỹeñi qami' notaxaquipi ye Tarsis, cha'aye mashe nlaguiñi na nỹecpi qataq yem ñegueta. Qataq chegoqchiguiña ye Chipre da qara'axaỹaxaqui maye qami' nvitalo.

Éxodo 7:21

Nache ileu so nỹaqpi maye huetangui so tala, nache se'eso tala ỹataqta nchega na laita, qaq ỹoqo'oye so Egipto le'ecpi saishet da nỹomgui na le'ec somaye. ¡Qaq nache 'enauac ye Egipto huo'o na ntago'q!

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Apocalipsis 9:15

Huaña, nache se'eso namaxashec piguem le'ec isore'c soua cuatro namaxa'she, da yaqto' ỹalauat so 'oonolec naua tres lpa'axaco nam shiỹaxauapi, cha'aye Ñim Lo'onatac 'Enauacna, maiche iqataxanai'salo qataq mashe ivita ye laloqo' qataq na'a'q qataq ca'agoxoic qataq vi'i da isore'c.

Apocalipsis 9:18

Huaña, nache ileu so 'oonolec naua tres lpa'axaco nam shiỹaxauapi, souaxat se'eso norec qataq so lmala'q qataq na 'eeta'am na quiquiaxaraic maye chegoqtapoigui na alap so caipi.

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.