Apocalipsis 8:8 - La'aqtaqa Ñim Lo'onatac 'Enauacna 2013

⁸ Qaq so lỹa namaxashec piguem le'ec can ỹashiiyigui aso lasheere, nache qaỹasaxangui aso auaxai aso lcatam ana qaỹoqotcheguemec 'alhua, asomaye 'ettaigui. Nache so 'oonolec naua tres lpa'axaco aso auaxai nañigui na ntago'q.

Nuevo Testamento Toba Sur

⁸ Qaq so lÿa namaxashic can ÿashiiyigui aso lashiide, nachi qaÿamaxangui aso auaxai aso 'ico' qasoxonaxa 'ettaigui. Nachi añi 'oonole ñiua tres ana auaxai nachi nañigui na ntago'q,

Nuevo Testamento Toba Sombrero Negro

⁸ Joñe'me piyem le'ec laqaya jo'ne dajoyalegue ñe'me jo'ne 'uaechiñe, nach'e ena'am yajediye jaga'me lajeede, qama'le qoyajaĝañgui ga'me noĝop let'adaic ga'me jo'ne ena'am ta'le qajoĝonaĝa let'adaic jo'ne edetañgui. Qama'le gaa'me lael jena'me noĝop let'adaic 'uo ga'me onolec jo'ne neleguemaĝata jaga'me netauo'.

Apocalipsis 8:8 Referans Kwoze

Jeremías 51:25

Aỹem 'am sataỹa'aguet 'am qasoxonaxa maye laqtaxanaxai, maye 'aulaxachigui 'enauac ana 'alhua. Qaq 'era da ỹa'aqtac Aỹem Nataxala'. Ñauaxaỹaxaasheguem qome na ihuaq da sauo'o ca 'anhuaxanaguec, nache 'am sachegoxotasheguema ana coma'pi da 'am seqalagoxotta, nache 'am she'eguelaxata da qoneta'am aca lcomaraxalate ỹavicta.

Marcos 11:23

Ỹataqta 'eesa de'era qami' sa'axatema, da huo'o ca qarpi'iỹaxaqui qataq saishet da qauqolliguichi da la'añaxac Ñim Lo'onatac 'Enauacna, nache 'enauac cam qauỹaxañiỹaique da qanqouagaxauñi qalaq huo'o. Da qoñiỹapega añi qaỹoqotcheguemec 'alhua da, qoñiita: «Qoca'ai qome na qonetaña, nache 'angui aso auaxai», qaq nache ipacchigui. Nachaqrata da qaua'amaqchiñi da ipacchigui ca qauỹaxañiỹaique.

Apocalipsis 8:7

Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Apocalipsis 11:6

Caamaye huo'o da la'añaxa'c, da saishet naqa'en da auot iviraxattre'c caua tres vi'iye qataq ca laiñi ca lỹa vi'i maye huetoigui da da'aqtaxaata'ape. Qataq nataqa'en huo'o da la'añaxa'c da ishet da nañigui naqa'en da ntago'q na 'etaxat, qataq da ỹo'otec 'enauac na shiỹaxauapi maye huetalec ana 'alhua na ỹotta'a't qauemsat. Qataq ỹataqta maiche ỹoiqueeta'ape da ỹe'eguelaqtaleguete cam ỹo'otec namayepi.

Amós 7:4

Ime, nache Ñim Nataxala' qaltaq Aỹem ỹachaxana so ỹataqta lta'araic norec, nache somaye ỹataqta deqaxaỹañi naqa'en aso qaỹoqchiguingui auaxai late'erai, qataq nmichiguiñi naqa'en so no'onaxapi.

Ezequiel 14:9

Qaq da huo'o ca na'aqtaxanaxanec maye saq'en ca ỹa'axat, nache camaye maiche Aỹem da satenachet, qaq ñauaxaỹaxaasheguem qome na ihuaq da sauo'o ca nhuaxanaguec camaye, qataq ñeqateeguesop na ỹalamaxat nhuo' Israel le'ecpi.

Zacarías 13:8

Qaq nam netaña ne'ena 'alhua, ileu qome caua dos nam tres lpa'axaco na shiỹaxauapi, qaq no'onañi qome da nca'altauec ca 'oonolec lpa'axac namayepi.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Apocalipsis 9:15

Huaña, nache se'eso namaxashec piguem le'ec isore'c soua cuatro namaxa'she, da yaqto' ỹalauat so 'oonolec naua tres lpa'axaco nam shiỹaxauapi, cha'aye Ñim Lo'onatac 'Enauacna, maiche iqataxanai'salo qataq mashe ivita ye laloqo' qataq na'a'q qataq ca'agoxoic qataq vi'i da isore'c.

Apocalipsis 9:18

Huaña, nache ileu so 'oonolec naua tres lpa'axaco nam shiỹaxauapi, souaxat se'eso norec qataq so lmala'q qataq na 'eeta'am na quiquiaxaraic maye chegoqtapoigui na alap so caipi.

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.