Apocalipsis 8:7 - La'aqtaqa Ñim Lo'onatac 'Enauacna 2013

⁷ Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Nuevo Testamento Toba Sur

⁷ Nachi som hua'auchiguiñi namaxashic can dashiidaxan, nachi anac aso lachi qataq so nodec ÿalecteguet na ntago'q mayi qaicodelec 'enauac ana 'alhua. Nachi ÿavic añi 'oonole naua tres qo'ipa, nataq'en ana 'alhua, qataq na 'auaqpi dadala.

Nuevo Testamento Toba Sombrero Negro

⁷ 'Uo ñe'me piyem le'ec jo'ne 'uaechiñe da'me dajedaĝan, qama'le jauana jajo'me loñi jo'ne ena'am ta'le qa' da'me qoyecodelegue jena'me aleua, choqoga'me dole' jo'ne yeleguet jaga'me netauo'. Qama'le gaa'me lael jena'me aleua jo'ne tres, 'uo ga'me onolec jo'ne yavic, nach'e ena'am jogaa'me ep'a uo'oe gaa'me yavi'j, nataq'aen yema jena'me nolelaĝa jo'ne dadala 'me uetalegue jena'me aleua.

Apocalipsis 8:7 Referans Kwoze

Apocalipsis 9:4

Ime, nache Ñim Lo'onatac 'Enauacna ỹamaxalec asomayepi da nachaqnata nam qaica ca la'anaxat na latap aso la'anaxanaqte Ñimaye da ique'emaqchet, qalaxaye saishet da huo'o ca 'ena'ac ana 'alhua qataq ana 'epaqpi qataq ana nañiguishepi.

Ezequiel 38:22

'Am Gog, qataq na 'analleppi, qataq na qalota alleppi maye 'antaueetague', sauo'o qome ca qanhuaxanaguiiqui, qami' seroleguete ca napiina, qataq qaicorec qome na ntago'q, qataq so'ot qome da naañi ca lta'araic auot, qataq aca lache, qataq ca norec, qataq ca quiquiaxaraic.

Apocalipsis 9:18

Huaña, nache ileu so 'oonolec naua tres lpa'axaco nam shiỹaxauapi, souaxat se'eso norec qataq so lmala'q qataq na 'eeta'am na quiquiaxaraic maye chegoqtapoigui na alap so caipi.

Apocalipsis 9:15

Huaña, nache se'eso namaxashec piguem le'ec isore'c soua cuatro namaxa'she, da yaqto' ỹalauat so 'oonolec naua tres lpa'axaco nam shiỹaxauapi, cha'aye Ñim Lo'onatac 'Enauacna, maiche iqataxanai'salo qataq mashe ivita ye laloqo' qataq na'a'q qataq ca'agoxoic qataq vi'i da isore'c.

Isaías 28:2

Qaq Ñim Nataxala' mashe iqataxaatai' ñi ỹale maye sansatta, qataq 'añaxaic, 'eeta'am ca la'at da nactaigui aca lache, 'eeta'am ca la'at maye sala'axaic da la'añaxac, 'eeta'am ca auot lta'araic, qataq 'eeta'am ca chaqaic ndep da ipaxaalec naqa'en ana 'alhua. Qaq irota'a qome na lhuaq da ỹamaxañi ye Samaria nache huetaiya' naqa'en,

Salmos 105:32

Qataq so auot nañigui naqa'en ana lache, qataq talec naqa'en na norec le'eraxa yi'iye 'alhua,

Apocalipsis 16:21

Qaq na piguem qalaq chegoqo'ot aso late'erai lache, nache talec na shiỹaxauapi. Ana lache 'eeta'am da lsallaxa na coma', ỹoqo'oye da lsallaxa ivi' cuarenta kilos añi 'oonole. Qaq na shiỹaxauapi qalaq dalemataỹa qataq isheueetac Ñim Lo'onatac 'Enauacna, souaxat aso lache, cha'aye ỹataqta lta'araic da nque'eenaxac naqa'en somayepi.

Isaías 32:19

na'aictaxa da qanchiguiñi na aviaq qataq qaica ca 'enec qanqa'en na huaqta'a't nỹecpi.

Isaías 30:30

Qaq Ñim Nataxala' ỹo'ot qome da qaỹa'axaỹa dam ỹo'oxoraq lavilỹaxac, qataq ỹachaxan da la'añaxac qom do'ogoxona dam chaqaic layeloxo, qataq nactaigui na le'eraxa ca norec maye ỹavigaxat 'enauacna, qataq ca nqashelgaxa, auot qataq aca lache.

Isaías 29:6

da 'am naỹa, nactaigui ca nalataxa, qataq ca lacholaxanaxa na 'alhua, qataq ca lta'araic nllimiaxa, qataq nactaigui ca la'at maye qaica ca iren, qataq cam dalaataxanapec le'eraxa ca norec.

Josué 10:11

Qaq se'eso amorreopi co'ollaq mashe quetangui so ca'amegue ye Bet Jorón souaxat da 'ettapeguem so Israel le'ecpi, nache Ñim Nataxala' anacot co'ollaxa aso lache maye ỹataqta late'el, nache ỹataqta qalota so ỹalauat. Nache ỹataqta qalota so lalaatac asa'aso lache, napacalec so lalaatac so Israel le'ecpi.

Apocalipsis 16:2

Nache jec som hua'auchiguiñi namaxashec piguem le'ec da icorelec ana 'alhua som huetagui aso ỹomaxaqui, nache 'enauac nam huo'o na na'anaqte maye chegoqo'ot so shiguiỹac leguemaxaic qataq ỹo'oxoreetac so ne'enaqtac maye lqui'i somaye, namayepi nasheguem na lo'oc na lquesaxa maye ỹataqta qaica ca 'ena'am da lqui'ic.

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.

Apocalipsis 6:8

Ime, nache sela'a so lỹa caaỹo qovialec da lo'oxoỹaxac qataq ỹataqta qauem. Qaq som netalec somaye le'enaxat Nleuaxa. Qaq so ilotague' da lo'onataxanaxac da nleuaxa ca'attaueegue somaye. Qaq 'enauaque soomaye ỹaconegueta da la'añaxa'c da yaqto' ỹalauat na shiỹaxauapi so 'oonolec naua cuatro lpa'axaco namayepi ana 'alhua, irolec ca alaataxac, qataq na nqouaxa, qataq na nalolaxa qataq nam shiguiỹacpi dequi'iỹapec maye huetalec ana 'alhua.

1 Pedro 1:24

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «'Enauac na ỹotta'a't shiỹaxauapi 'eeta'am ana huoue; qataq dam la'amaqchec 'eeta'am aca lauoxo anamaye. Ana huoue taỹa'a da deqaqa, qataq naañi ana lauoxo,

Santiago 1:11

Añi nala' da ỹaguec na le'eraxa, nache ana huoue deqaqa, qataq nlleuchiguiñi ana lauoxo, nache deqat da lyac. Qaq 'era da 'eetec nataqa'en ca sallaxanec. Camaye qataq da lsallaxa saishet da 'eetai'.

Joel 2:30

qataq sachaxan qome ca lta'araic maye ỹo'ot da na'aalaxa na piguem qataq ana 'alhua, qataq ca ntago'q, norec qataq ca ỹashequitcheguem nmala'q.

Éxodo 9:33

Nache so Moisés co'ollaq mashe inoxoneueegue da laỹe so nỹecpi, co'ollaq mashe ime da detaqtague' so faraón, nache ỹachaxaayishegue'm naua lhua'q da natamnot Ñim Nataxala'. Nache vi'iteguet aso lache, qataq so nalataxa, nataqa'en so auot.

Apocalipsis 7:1

Qaq can ime de'era, nache sela'alo soua cuatro namaxa'she piguem lashe', nachattrañi. Qaq ñi 'oonolec soomaye hueta'alo naua cuatro lleco na la'at. Soomaye nlletrañi naua la'a'che, da yaqto' saishet da ỹasheerelec ana 'alhua, qataq aso auaxai, qataq ana 'epaqpi. Se'esoua cuatro namaxa'she piguem lashe' ỹaconegueta da la'añaxa'c da yaqto' huo'o ca 'ena'ac ana 'alhua qataq aso auaxai. Nataqa'en sela'a so lỹa namaxashec piguem le'ec chegaqa'ague da yo'oxoñi somaye nasoqta'a aso la'anaxanaqte Ñim Lo'onatac 'Enauacna maye chochaq tatec da lca'alaxa. Qaq asa'aso na'anaxanaqte nachaso aso qaỹa'anaxana da qaỹa'an 'enauac na lalamaxatpi Ñim Lo'onatac 'Enauacna, da yaqto' npaxattalec. Nache se'eso namaxashec piguem le'ec ỹataqta na'axannec da la'aqtac da 'enapegalo soua lỹa't cuatro namaxa'she, 'eeta': «¡Saishet da huo'o ca qoñiỹa'ac ana 'alhua qataq aso auaxai qataq ana 'epaqpi, cheta'ague qom semataq da sauoqo'o ca la'anaxat na latap nam do'onataxaatacotpi Ñim Lo'onatac 'Enauacna!»