Apocalipsis 8:13 - La'aqtaqa Ñim Lo'onatac 'Enauacna 2013

¹³ Qaq can ime de'era, nache sela'ague so vi'ic huaỹotac, queto'ot na piguem, nache sa'axaỹa so la'aqtac ỹataqta na'axannec 'eeta': «¡Ỹataqta qauem da taỹa'ague 'enauac nam huetalec ana 'alhua, qom ivita da ỹashiiyiguilo caua lasheerel caua lỹa't tres namaxa'she piguem lashe'!»

Nuevo Testamento Toba Sur

¹³ Qaq can ime, nachi qaltaq ñamatashiguem, nachi sa'axaÿa so namaxashic piguem l'ec huaÿotac, hueto'ot na piguem ÿataqta nlamaxaden da detaqtac. 'Eeta': –¡Aicoue! ¡Ÿataqta choxodaxaso' na netalec ana 'alhua, qom ivita da ÿashiiyigui aca nashiide caua lÿa't tres namaxa'shi piguem lashi'!

Nuevo Testamento Toba Sombrero Negro

¹³ Mane'e ca'li yem da'me dojo', qama'le jelojeguem, qama'le jomachiya ga'me uole jo'ne uayotac, quetañgui laeñi di'me piyem, qama'le enaac da'me netenec da'me 'laqatac: “¡Degueja qomle da'me lachoĝode'j joga'me jiyaĝadipi jo'ne netedalegue jena'me aleua, da'me qom male dejedaĝa'n nayi jogaa'me piyem laje' laqaya' jo'ne tres!”

Apocalipsis 8:13 Referans Kwoze

Apocalipsis 11:14

Qaq se'eso nacheso so nca'ataxanauo maye qauem talec somayepi, qalaxaye saqaỹaloq da nvi' cam lỹa maye pa'atec.

Apocalipsis 9:12

'Era da hua'auchiguiñi que'eenaxac, qalaxaye ñaq natai'salo caua lỹa't dos.

Apocalipsis 14:6

Ime, qataq sela'a so lỹa namaxashec piguem le'ec, huaỹotac, queto'ot na piguem. Ỹachetac da no'on na'axaỹaxac maye huo'o naq 'enec qataq qaica ca loga't, da yaqto' da'aqtaxanem 'enauac na ỹotta'a't shiỹaxauapi maye netalec na ỹotta'a't 'alhuapi qataq ỹotta'a't na la'aqtacpi.

Ezequiel 2:10

Qaq sauaachigui se'eso nhuaq da nchennaxanec asa'aso nere, qaq asomaye qoỹettaleguete 'enauaque naua laỹel, qaq da huetalec asomaye nachera da noinaxac qataq da na'alaxac souaxat da qui'ic, qataq na nasauaqtaxanaxacpi.

Apocalipsis 19:17

Ime, qaq sela'a so namaxashec piguem le'ec petalec añi nala', somaye ỹataqta na'axannec da lỹaxanaxac da iỹaxana 'enauac na maỹopi maye chec na lapat maye huaỹotac, queto'ot na piguem, 'eeta': «Qauanaqui, qalapoñiỹa't, da yaqto' qaualliquiitaua'a ca lta'araic lquia'axac Ñim Lo'onatac 'Enauacna.

Apocalipsis 9:1

Qaq co'ollaq ivita so cinco soua siete namaxa'she piguem lashe' da ỹashiiyigui aso lasheere, nache sela'a aso 'oonole huaqaañi maye chegoqo'ot co'ollaxa na piguem da talec ana 'alhua. Nache asomaye qoỹami' aso lvinaqte ca lasom ca auac maye ñegueuo da taỹaña cam ỹataqta qaỹoqchiguiña ncoñetaqa' nam saqcha'a na'añaxacpi qauemaicpi.

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Salmos 103:20

Qavio'oxoyiñi qome Ñim Nataxala' qami' namaxashecpi piguem le'ecpi maye qami' 'añaxaicpi qataq qaupaquiichiguilo naua la'aqtaqa, qataq qaualaqaigueta naua lamaxasoxonaxaco Ñimaye.

Apocalipsis 14:3

Qaq som ciento cuarenta y cuatro mil shiỹaxauapi maye nachattaua'a aso so'onaxaqui qataq soua cuatro shiguiỹa'c maye nca'altraue'c qataq soua veinticuatro nqueroxonqa soomaye ỹo'ootac so dalaxaic no'onec maye saishet da huo'o ca na'a'q nache qaỹa'aqtega. Se'eso no'onec qaica ca ishet da ỹaỹaten na leraxat, nachaqsota som shiỹaxauapi maye qanca'alaxatec, chegoqtoigui na laỹepi shiỹaxauapi maye huetalec ana 'alhua.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Apocalipsis 8:2

Ime, nache sauaachigui se'esoua siete namaxa'she piguem lashe' da qoỹami' ñi 'oonolec ana nasheere, qaq soomaye nachattrañi datataua'alo Ñim Lo'onatac 'Enauacna.

Apocalipsis 12:12

¡Qaq ỹoqo'oye iuen da ntonapigui' na piguem, qataq 'enauac nam hueto'ot namaye! Qalaxaye ¡ỹataqta qauem da taỹa'ague nam huetalec ana 'alhua, qataq nam huetangui aso auaxai! Cha'aye so pa'aguenataxanaxaic ỹataqta dalemata; taña na huetalec ana 'alhua da iloquiaxan. ¡Cha'aye somaye ỹaỹateeta da sa qaỹalec ye ldaqa'!»