Apocalipsis 8:10 - La'aqtaqa Ñim Lo'onatac 'Enauacna 2013

¹⁰ Qaq so lỹa namaxashec piguem le'ec can ỹashiiyigui aso lasheere, nache naañi aso huaqaañi late'erai, nalalec so 'oonolec naua tres lpa'axaco na talapi qataq ana npaxaatasheguempi na le'ec. Qaq asa'aso huaqaañi na le'eraxa, 'eeta'am na le'eraxa ana ncoỹaraxanaqte,

Nuevo Testamento Toba Sur

¹⁰ Qataq so lÿa namaxashic can ÿashiiyigui aso lashiide, nachi najñi aso late'edai huaqajñi. Asomayi 'ettaigui, 'eeta'am ana ncoÿadaxanaxaqui. Qaq asomayi tachiguingui añi 'oonole naua tres tala, qataq anam npaxaatashiguempi na l'ec.

Nuevo Testamento Toba Sombrero Negro

¹⁰ Joñe'me piyem le'ec laqaya jo'ne dajoyalo'te joñaa'me dos piyem laje' male yajediye jaga'me lajeede, qama'le 'uo jaga'me uaqachiñi lat'edai jo'ne edetañgui, ena'am jaga'me coyadaĝanaqate da'me lauaq, qama'le 'naqañe, chiyaqaje'ma di'me piyem, qama'le tachi'ña ga'me lae jogaa'me ñachel, naqaegaua jo'ne tres gaa'me lael, qama'le nach'e ena'am tañguilo jogaa'me noĝo'pi jo'ne natetedajeguem.

Apocalipsis 8:10 Referans Kwoze

Apocalipsis 16:4

Qataq jec so lỹa namaxashec piguem le'ec da icorelec so huetagui aso ỹomaxaqui anam talapi qataq anam npaxaatasheguem na le'ec, nache na 'etaxat nañigui nataqa'en na ntago'q.

Apocalipsis 9:1

Qaq co'ollaq ivita so cinco soua siete namaxa'she piguem lashe' da ỹashiiyigui aso lasheere, nache sela'a aso 'oonole huaqaañi maye chegoqo'ot co'ollaxa na piguem da talec ana 'alhua. Nache asomaye qoỹami' aso lvinaqte ca lasom ca auac maye ñegueuo da taỹaña cam ỹataqta qaỹoqchiguiña ncoñetaqa' nam saqcha'a na'añaxacpi qauemaicpi.

Isaías 14:12

¡Ca 'eeteco' da 'auanaañi da 'auachegoqtot na piguem, 'am chi'ishe maye 'am yo'oxoñi lalaqte! 'Am maye 'anauectalec naxa na ỹotta'a't shiỹaxauapi, 'am qaỹanataqcheelec ana 'alhua.

Apocalipsis 6:13

Qataq ana huaqaañipi qalaq naañi, talec ana 'alhua, 'eeta'am ana ala aca 'epaq da naañi souaxat na la'at da ỹacholaxan.

Apocalipsis 14:7

Somaye ỹataqta na'axannec da la'aqtac, 'eeta': «Ỹataqta huo'o naq 'enec qanqa'eñi Ñim Lo'onatac 'Enauacna, qataq qavio'oxoyiñi; cha'aye mashe ivita ye laloqo' da Ñimaye nmit na shiỹaxauapi ana 'alhua. Qavio'oxoyiñi Ñim lo'onatac na piguem qataq ana 'alhua, qataq aso auaxai, qataq anam npaxaatasheguem na le'ec 'etaxat.»

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

Lucas 10:18

Nache So Jesús 'enapeco': –Aja', Aỹem sauaachigui da naañi so pa'aguenataxanaxaic, chegoqtot na piguem, 'eeta'am na nqashelgaxa.

Isaías 12:3

Nataqa'en qami' ishet da qauamaichiguiñi qome da qanỹomiigui acam laỹe' da nca'alaxa,

2 Crónicas 32:3

nache nnate' som ltauapi qataq so lataxala'pi so alleppi, nache 'enapega da ỹapogongui aso 'etaxat laỹe'pi maye nauga so pa'auec som huaqta'a't nỹecpi, nache somayepi ỹaỹamaxareeta damaye.

Jueces 15:11

Nache so lma' ye Judá, jec so tres mil ỹalleppi da nqo'ona so auac maye naigui aso coma' ye Etam. Nache somayepi 'enapego' so Sansón, 'eeta': ¿Peta'a sa 'auaỹaten da na filisteopi nachena na ilotague' nataqa'en na souaqta'a? ¿Ta'ainco' da qomi' 'auo'oteque de'era souaqaigui nagui? Nache so Sansón 'enapeco': Aỹem so'otec de'era namayepi da yaqto' se'enaxatchigui da aỹem ỹo'otec co'ollaxa.

Zacarías 13:8

Qaq nam netaña ne'ena 'alhua, ileu qome caua dos nam tres lpa'axaco na shiỹaxauapi, qaq no'onañi qome da nca'altauec ca 'oonolec lpa'axac namayepi.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Mateo 25:1

De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Apocalipsis 8:7

Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Apocalipsis 9:15

Huaña, nache se'eso namaxashec piguem le'ec isore'c soua cuatro namaxa'she, da yaqto' ỹalauat so 'oonolec naua tres lpa'axaco nam shiỹaxauapi, cha'aye Ñim Lo'onatac 'Enauacna, maiche iqataxanai'salo qataq mashe ivita ye laloqo' qataq na'a'q qataq ca'agoxoic qataq vi'i da isore'c.

Apocalipsis 9:18

Huaña, nache ileu so 'oonolec naua tres lpa'axaco nam shiỹaxauapi, souaxat se'eso norec qataq so lmala'q qataq na 'eeta'am na quiquiaxaraic maye chegoqtapoigui na alap so caipi.