Apocalipsis 7:16 - La'aqtaqa Ñim Lo'onatac 'Enauacna 2013

¹⁶ Qataq mashe saishet da ilem na lqouaxa qataq na laquip; qataq da ỹavigaxat na le'eraxa añi nala', qataq da iqalleeteguem na napaxaỹaxa.

Nuevo Testamento Toba Sur

¹⁶ Huaña, nachi sa ishit da nque'etaxangui na lqouaxa qataq na laquip. Qataq sa ishit da ÿavigaxat añi nala', qataq da nque'etaxangui na napaxaÿaxa.

Nuevo Testamento Toba Sombrero Negro

¹⁶ Qama'le da'me noqouaĝa ja yitaĝa ta'le 'uo da'me en lachoĝode'j, uotaĝa da'me noĝop lamaic, nach'e ena'am da'me ja yitaĝa yaqanatet ta'le yaviyaĝa't jañe'me ajeua, nataq'aen jena'me nepi'yaĝa ja yitaĝa ta'le yeloiquiaĝa'tape,

Apocalipsis 7:16 Referans Kwoze

Isaías 49:10

Qaq huaña qome nache qaica ca qarqouaqai qataq saishet da qaviñiitaique ca qaraquipi, qataq saishet da qami' sa ỹalemaxa't na le'eraxa añi nala', qataq na napaxaỹaxa, cha'aye aỹem qami' sauoteque, nache qami' sauecta'agueta, qataq qami' sauegalo ca huaña na npaxaatasheguem 'etaxat.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Apocalipsis 21:4

Ñimaye iỹore'c naua lache' namayepi. Huaña, nache saishet da ileu, nataqa'en saishet da ỹe'eguelaxalec da nỹeetac, huo'otaq da na'alaqtapiguiñi, huo'otaq da huo'o da nqui'ic, cha'aye 'enauac nam huo'o co'ollaxa qalaq nagui 'enauac da imeuo.»

Mateo 5:6

Ñim Lo'onatac 'Enauacna ỹaalec da nqouagaxa nam huo'o da lyaxa da ỹo'ot ca nalochiguiñi lataxac, cha'aye Ñimaye itauan namayepi, da yaqto' ishet da ỹo'ot damaye.

Salmos 121:6

Ỹoqo'oye añi nala' saishet da 'am na'aqchet ye na'a'q, qataq ñi ca'agoxoic ye pe.

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Lucas 1:53

Qataq ỹanem da qaica ca iuena'a, nam huo'o da lhuenaxanaxa. Qaq nam sallaxanecpi qalaq ỹataqta qui'itchiguilo naqa'en naua lhua'q da ỹamaqauec.

Isaías 41:17

Nam choxoraqpi maye deuenaxaatacpi, nmittaique qome ca 'etaxat qalaxaye sa ỹanata. Qataq deqaqtegue na lqosot souaxat na laquip, qalaxaye Aỹem Nataxala', souapegue' qome namayepi, aỹem maye Aỹem Natamnaxala' na Israel le'ecpi saishet da salat namayepi.

Isaías 25:4

Cha'aye nache 'am da 'am lle'eguenaxala' na choxoraqpi, qataq 'am lpaqtaxanaxat nam huo'o da lhuenaxanaxa da huo'o da lhuogoxo, qataq 'am ỹe'eguenot da huo'o na lta'araic la'at, qataq 'am lpe'l da huo'o na lta'araic ntap. Qalaxaye naua la'a'che na qauemaic shiỹaxauapi 'eeta'am na lta'araic la'at ye latomaxa,

Isaías 65:13

Qaq ỹoqo'oye Ñim Nataxala' nataqa'en, 'eeta' da la'aqtac: Nam ỹamaxashecpi huo'o qome na aloq, qalaxaye qami', qanque'etaxañiigui qome na qarqouaqai, nam ỹamaxashecpi saishet qome da iueetaique ca laquip, qalaxaye qami' qanque'etaxañiigui qome da qarhuenaxanaxai ca qaraquipi, nam ỹamaxashecpi machiguiñi qome, qami' qalaq qami' qane'eetapiguilo qome,

Mateo 13:6

Qalaxaye aso nañiguishe sa qaỹa'ague da lca'alaxa cha'aye qaicaua caua lpa'aye qataq ỹavic co'ollaq nnoxoosheguem añi nala'.

Cantares 1:6

Saishet qome da qaualleetagui da ỹaueraxa, na'aictoxo' da ỹavigaxat na ỹo'oc añi nala'. So ỹaqaỹañicpi aỹem dalemataỹa co'ollaxa nache aỹem ỹamaxalec da selo'ogue so nañiguishe uva lma'pi, ¡qaq nache secoua'ai da selo'ogue ana maiche ỹañiguishe!

Salmos 42:2

Ỹataqta huo'o na ỹaquip da ñimittaique Ñim Lo'onatac 'Enauacna, Ñim Lo'onatac 'Enauacna maye chegoqo'ot da nca'alaxa. Qaq ¿chaq laguio' da ñachaateua'a Ñimaye?

Santiago 1:11

Añi nala' da ỹaguec na le'eraxa, nache ana huoue deqaqa, qataq nlleuchiguiñi ana lauoxo, nache deqat da lyac. Qaq 'era da 'eetec nataqa'en ca sallaxanec. Camaye qataq da lsallaxa saishet da 'eetai'.

Marcos 4:17

Qalaxaye saishet da ỹoqta ỹaỹateeteguet de'era na'aqtaxanaxac, nache da ntonaxac sa qaỹauec, qataq da nque'elaxatta da huo'o na ivireguet, qaltaq da sa qaiyacnapec souaxat da ỹalaxaguet Ñim Lo'onatac 'Enauacna, nache icoua'ai da na'aqtaxanaxac.

Marcos 4:6

Qaq ỹoqo'oye aso nañiguishe ye saqaỹa'ague na lpa'a', nache co'ollaq nnoxoosheguem añi nala', nache ỹavigaxat.

Mateo 13:21

Qalaxaye souaxat da saishet da ỹoqta ỹaỹateeta de'era na'aqtaxanaxac, nache saishet da 'eetai' de'era ntonaxac. Cha'aye da huo'o da ivireguet lqalaic, huo'otaq da sa qaiyacnapec souaxat da ỹalaxaguet Ñim Lo'onatac 'Enauacna, nache saqaỹaloq da icoua'ai de'era na'aqtaxanaxac.

Jonás 4:8

Qaq co'ollaq nnoxoosheguem aso nala', nache Ñim Lo'onatac 'Enauacna, namaq so la'at ỹataqta dapaqa chegaqa'ague da nala' lliguisheguem, nache ỹavigaxat na lqaic so Jonás, nache somaye nomteguet da lquisheuguetaxa, nache nhuooteguela't da ileu, nache, 'eeta': «'onaxaico' da seleu, cha'aye saq 'ena'am da ñeca'altauec.»

Isaías 32:2

Ñim 'oonolec camayepi qalaq 'eeta'am qome ca ñe'eguenaxaqui da huo'o ca la'at, qataq npaqtaxanaxat da huo'o ca la'at lta'araic, qataq 'eeta'am na la'auaxacpi da icorelec na 'etaxat ca deqaqta 'alhua, qataq 'eeta'am na lpaqal aca late'erai coma' maye naña ca toolec 'alhua.

Salmos 143:6

'Am sachaxaato'oto naua ihua'q, cha'aye da ñachaalataxac ỹataqta 'am iuen, sheeta'am ca 'alhua deqaqta maye iuen ca 'etaxat.

Salmos 63:1

'Am maye 'Aro'onatac 'Enauacna, maye 'am Ñatamnaxala', ỹataqta huo'o da iyaxa da 'am ñimitaique, cha'aye ỹataqta huo'o da iuennataxa da qoneta, qataq 'enauac da ñachaalataxac 'am iuen, 'eeta'am ca 'alhua daqaqta maye iuen ca 'etaxat.

Salmos 121:5

Ñim Nataxala', nacheñi Ñim 'am nteltega, Ñim Nataxala', nacheñi Ñim 'am npaxattalec, qataq nacheñi Ñim 'am itauaatac.