Apocalipsis 7:12 - La'aqtaqa Ñim Lo'onatac 'Enauacna 2013

¹² 'eeta': «¡Sho'oxonnaqtac Ñim Qarta'a maye Lo'onatac 'Enauacna! ¡Aja' nache 'eetec! Ỹataqta huo'o da qara'aalaxa da na'aqtaguec qataq da laỹaanec, qataq da lamaxasoxonaxac, qataq da la'añaxac. Sanqot Ñim Qarta'a maye Lo'onatac 'Enauacna da qana'achec, souaxat dam qaica ca loga't llo'oxoyec. ¡Aja', nache 'eetec!»

Nuevo Testamento Toba Sur

¹² qoÿiita': ¡Aja', nachi 'eetec! Da ñi'oxonnataxanaxac, ñi'oxoyic, qataq da naÿajnec, tonaxac, qataq n'amaqchic, namaxasoxonaxac, qataq da n'añaxac, damayi qoÿanot ñi qadta'a Dios, qaq damayi qaica qome ca loga't qanqoÿin. Aja', nachi 'eetec.

Nuevo Testamento Toba Sombrero Negro

¹² eet'oi: “¡Nach'e naq'aeta da'me dojo'! ¡Nach'eñe joñe'me Qadet'a Dios Jo'ne nach'e eta't da'me 'ñonaĝataĝaye, Yemeda naa'me 'uoidi da'me ja pal, Jouaĝat da'me 'uo da'me 'lonaĝac let'adaic, Choqoda'me layatenaĝanaĝac! Qama'le janemaĝam da'me qadamaic nataq'aen da'me 'ñonaĝataĝaye, Qa'a nach'e ena'am qaya'te yaqalaatac, Jouaĝat da'me mach'e loĝot da'me lañoqotaĝanaĝac let'adaic, Joñe'me jo'ne nach'e eta't 'uo.”

Apocalipsis 7:12 Referans Kwoze

Judas 1:25

Qaq ỹoqo'oye qavio'oxoyiñiitac qome Ñim Lo'onatac 'Enauacna maye Qarca'alaxaqui, qataq qaua'amaqchiñi da la'amaqchec qataq da la'añaxac qataq da 'enec, cha'aye Ñimaye qomi' namaxalo So Qarataxala' Jesucristo. Qaq ỹoqo'oye chochaq tatec qome da qayo'oxonnataxanaxac Ñimaye. Aja', nache 'eetec.

Apocalipsis 19:4

Nache soua veinticuatro nqueroxonqa qataq soua cuatro shiguiỹa'c maye nca'altraue'c, soomaye nqapaxanegueta ana 'alhua. Nache 'eetra' da la'aqta'c: «¡Aja', nache 'eetec! ¡'Enauac qome da qaỹo'oxoren Ñim Lo'onatac 'Enauacna!» Ime, nache ỹo'oxoreeta'ape Ñimaye maye nso'ootangui aso nso'onaxaqui da nta'a.

Colosenses 3:17

Qataq 'enauac nam qauo'oche huo'otaq cam qanasaqaiuec, ỹachaxan da ỹataqta 'eesa da qoquiitague' Som Qarataxala' Jesús. Qataq qaỹa'añiitacot da qana'achecỹaxaqui Ñim Lo'onatac 'Enauacna chegoqchigui dam qami' ỹo'oteque So Cristo.

Salmos 100:4

Qaunoxoñiiua'a ñi lasom añi atamnaxaqui da qaỹa'añi da qana'achecỹaxaqui, qataq ye nqasoxoc da qaỹa'añi da qayo'oxonnataxanaxaqui, qaỹa'añim da qana'achecỹaxaqui qataq qavio'oxoyiñi da le'enaxat Ñimaye.

Jonás 2:9

Qalaxaye aỹem, nache shecto'ot da 'am sho'oxoreetac, qataq 'am saatacot qome aca ỹachetaqtaxanaqte, qataq sepacchigui qome da so'ot na 'am sachaxanapeguempi. ¡Cha'aye nache 'amta 'Am Nataxala', da 'am chegoqo'ot da nca'alaxa!»

Salmos 147:7

Qauo'onaxañeeto'ot Ñim Nataxala' da qaỹa'añiỹot da qana'achecỹaxaqui, qataq qauauoita'a aca nvique arpa, da qauo'onaxañiito'ot Ñim Qanatamnaxala'.

Salmos 107:22

Qataq qaỹa'añiỹot ca qarachetaqtaxanaxache da qavio'oyiñi Ñimaye, qataq qauamaichiguiñi da qaua'axacheeuec na ỹo'otpi Ñimaye.

Salmos 89:52

Ỹataqta nache 'eetai' qome da 'am qaỹo'oxoreetac 'Am Nataxala'. ¡Aja', nache 'eetec, aja', nache 'eetec!

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Salmos 41:13

¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, nagui qataq nache 'eetai' qome! ¡Aja', nache 'eetec!

Jeremías 33:11

ca no'onec da huo'o ca na'ashaxac, qataq namaicỹaxac, qataq ca no'onec da qaỹo'onaxaaleguete caua auonaxau', qataq qaỹa'aqtega qome dam 'eeta': Qaỹa'añiỹot da qana'achecỹaxaqui Ñim Nataxala' maye Qaica ca Ỹaqalanapec, cha'aye Ñimaye ỹataqta soxoraic, cha'aye da lsoxoyec chochaq tatec. Qataq qandoua'a qome añi atamnaxaqui aca nachetaqtaxanaqte souaxat da tonaxac. Aja', Aỹem ñaralaxat qome da na'achecỹaxac ne'ena 'alhua, yaqto' ỹe'eguelaxa da 'eeta'am som hua'auchiguiñi co'ollaxa lataxac. Qaq 'era da ỹa'aqtac Aỹem Nataxala'.

Isaías 51:3

Aỹem sa'añaqchet qome ye Sión, yem huaqta'a't nỹecpi maye nlachiguiñi co'ollaxa. Yem toolec 'alhua maye deqaqta qalaq she'eguelaxata qome da no'on nanaxanaqa', 'eeta'am som lanaxanaqa' Ñim Nataxala' maye huaña ye Edén. Qaq yemaye qome huo'o da namaicỹaxac qataq da tonaxac, qataq hueta'a da no'onaxanaxac qataq da l-lamaxa ana nvique.

Colosenses 2:7

Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

2 Corintios 4:15

'Enauac de'era maiche qaraỹamaqai. Cha'aye da nquictauec nam ỹaconeguet da lsoxoyec qataq da lauotaxanaqtaic Ñim Lo'onatac 'Enauacna, nache ỹataqta qalota nataqa'en nam ỹaatacot da na'achec qataq ỹo'oxoreetac da la'amaqchec Ñimaye.

Salmos 116:17

Qaq ỹoqo'oye 'am sanot qome aca ỹachetaqtaxanaqte da so'ot ca ña'achecỹaxac, qataq seỹaxana qome da 'are'enaxat, 'Am Nataxala'.

Salmos 106:48

Ỹataqta 'am qaỹo'oxoren qome, 'Am Nataxala', maye 'Am Natamnaxala' na Israel le'ecpi, 'am maye nache 'eetai', qataq chochaq tatec qome da 'am qaỹo'oxoreetac, qaq 'enauac qome na ỹotta'a't nhuo' le'ecpi, 'eeta': «¡Aja', nache 'eetec!» ¡Qaỹo'oxoren qome Ñim Nataxala'!

Salmos 95:2

Ñeqo'onaxaua'a Ñimaye da sanqot da qana'achec, qataq so'onaq na no'onecpi da sho'oxorenaq Ñimaye.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

Nehemías 12:46

Cha'aye soua hua'au' vi'iye maye huetoiguilo da ña qanayeeta'aguet so David, qataq so Asaf, nache huo'o naxa so lataxala'pi so no'onaxanaxanecpi qataq so ilo'ogue da no'onaxanaxac, qataq da qoỹanot da 'achecỹaxac Ñim Lo'onatac 'Enauacna.

Nehemías 12:8

Qaq so leviitapi: Josué, Cadmiel, Serebías, Judá, qataq so Matanías, maye nachesoua som ilotrague' da no'onaxanaxac, da ivita da qaỹo'ot so ño'oxoonataxanaxac,

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Romanos 11:36

Ỹataqta 'eesa da Ñim Lo'onatac 'Enauacna, ỹo'ot imauec nam qaila'a qataq nam saqcha'a, qaq 'enauac na huo'o, nache chegoqchigui Ñimaye qataq lalamaxat. Qaq ỹoqo'oye, ¡chochaq tatec qome da qayo'oxonnataxanaxa Ñim Lo'onatac 'Enauacna! Aja', nache 'eetec.

1 Corintios 14:16

Cha'aye 'am da huo'otaq 'aatacot da 'ana'achec Ñim Lo'onatac 'Enauacna, qaq chaqrata da saqcha'a 'arca'alaxa da ntootapigui', qaq da na'axaỹaxaatac ca shiỹaxaua maye ỹaqa'a ca chegaqa'ague, nache saishet da nhuanaua'a ca 'anqouagaxaunaxac da 'aatacot da 'ana'achecỹaxac Ñim Lo'onatac 'Enauacna, cha'aye camaye saishet da ỹaỹate'n naua 'ara'aqtaqa.