Apocalipsis 7:11 - La'aqtaqa Ñim Lo'onatac 'Enauacna 2013

¹¹ Qaq 'enauac som namaxashec piguem le'ecpi nachattañi, coleesop aso so'onaxaqui, qataq soua nqueroxonqa, qataq soua cuatro shiguiỹa'c maye nca'altraue'c. Nache somayepi ỹa'alyiñi naua l-llectel, ỹataqta iviraxata'agueta naua lata'api naqa'en ana 'alhua, nache ỹo'oxoreetac Ñim Lo'onatac 'Enauacna,

Nuevo Testamento Toba Sur

¹¹ Qaq 'enauac nam namaxashic piguem l'ecpi nachattañi, qaicoleesop aso so'onaxaqui, qataq som nquedoxonecpi, qataq soua cuatro shiguiÿac. Nachi somayipi i'alyiñi naua l-llicte, ÿataqta ividaxata'agueta naua lata'pi naq'en ana 'alhua. Nachi qaÿi'oxoden ñi Dios,

Nuevo Testamento Toba Sombrero Negro

¹¹ Qama'le ena'uac joga'me piyem laje'pi da'me equejop jaga'me je'onaĝaiqui choqogaa'me cuatro yejidi nataq'aen jogaa'me 'yaĝaicachidi; naĝadi'ñejop jaga'me je'onaĝaiqui da'me dajoyida'uo chayovida'a da'me e'n toĝoyeta q'ae'n naa'me nepel jena'me aleua, qama'le yo'o'n da'me 'nonaĝachidegue joñe'me Dios,

Apocalipsis 7:11 Referans Kwoze

Apocalipsis 4:6

Qaq yi'iye naloteuga asa'aso so'onaxaqui nataqa'en huo'o so ỹataqta chauec, 'eeta'am na 'etaxat da qui'itta qataq nataqa'en, 'eeta'am aso auaxai ye lcachiguiñi. Qaq na laiñi soua so'onaxaqui', nache hueta'alo soua cuatro shiguiỹa'c maye nca'altraue'c. Qaq soomaye imauec na lo'oc da huo'o ana la'aitepi dam datata'ague qataq na l-laq.

Apocalipsis 11:16

Nache soua veinticuatro nqueroxonqa maye nso'ootrañi datato'ot Ñim Lo'onatac 'Enauacna, ỹa'alyiñi naua l-llectel qataq iviraxatra'agueta naqa'e'n na latap na 'alhua. Nache ỹo'oxoreetrac Ñim Lo'onatac 'Enauacna,

Apocalipsis 4:4

Nataqa'en huo'oi soua veinticuatro lỹa't so'onaxaqui', maye coleesopa aso late'erai so'onaxaqui. Qaq soomaye nso'ootanguilo soua veinticuatro nqueroxonqa. Qaq se'esoua nqueroxonqa ỹaatrañi naua alogo maye qaica ca 'ena'am da lapagaqa', qataq naua naro'ol ndotec ana chegaqaigui na oro.

Hebreos 1:6

Qaq co'ollaq namaxalec ana 'alhua So Llalec, nache 'enapeco': «'Enauac nam ỹamaxashecpi piguem le'ecpi ỹo'oxoren qome Somaye.»

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Apocalipsis 22:9

Qalaxaye somaye aỹem 'enapega, 'eeta': «Saishet da nache qonetec de'era, 'avio'oxoren Ñim Lo'onatac 'Enauacna, cha'aye 'enauac qomi' lo'onataxanaxanecpi Ñimaye, 'am qataq aỹem qataq na la'aqtaxanaxanecpi, qataq 'enauac nam ỹalaxaguet da la'aqtac Ñimaye.»

Apocalipsis 15:4

'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»

Salmos 97:7

Nache 'enauac na atamnaxala'pi natamnot Ñimaye. Qaq huaña nache huo'o da la'aloxo 'enauac nam natameetacot na ne'enaqtac atamnaxala'pi nam ỹo'oxoreetac na atamnaxala'pi maye qaica ca naigui.

Salmos 45:11

cha'aye ñi'iñi nta'a ỹataqta nqopita da 'aryacỹaxac, qaq ñimaye nacheñi ñi 'arataxala', qaq no'on da 'aualaxaguet qome ñimaye.

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»