Apocalipsis 6:8 - La'aqtaqa Ñim Lo'onatac 'Enauacna 2013

⁸ Ime, nache sela'a so lỹa caaỹo qovialec da lo'oxoỹaxac qataq ỹataqta qauem. Qaq som netalec somaye le'enaxat Nleuaxa. Qaq so ilotague' da lo'onataxanaxac da nleuaxa ca'attaueegue somaye. Qaq 'enauaque soomaye ỹaconegueta da la'añaxa'c da yaqto' ỹalauat na shiỹaxauapi so 'oonolec naua cuatro lpa'axaco namayepi ana 'alhua, irolec ca alaataxac, qataq na nqouaxa, qataq na nalolaxa qataq nam shiguiỹacpi dequi'iỹapec maye huetalec ana 'alhua.

Nuevo Testamento Toba Sur

⁸ Qaq samata'a, nachi sela'a so lÿa caaÿo qoñoxoic. Qaq som netalec l'enaxat nleuaxa. Qaq so nca'attauo, somayi nachiso so lqui'i cam laponqa' na leuaxaicpi. Nachi se'eso nleuaxa qoÿami' da l'añaxac, da yaqto' ÿalauat ñi 'oonolec na cuatro shiÿaxauapi na huetalec ana 'alhua, da idolec ca alaataxac, qataq ca nqouaxa, qataq na nalolaxa, qataq nam shiguiÿacpi dequi'iÿapec mayi huetalec ana 'alhua.

Nuevo Testamento Toba Sombrero Negro

⁸ Qama'le jauana ga'me pegaq laqaya jo'ne yoqoviyat da'me 'loyaĝac, nataq'aen jo'me netalegue jo'ne lenaĝat da'me «Neleuaĝa.» Jo'me chiyoĝogue nach'e ena'am jauana jo'me laqaya jo'ne equegue, 'me lenaĝat da'me «Napa'lpi Necoñetaĝaiqui'», qama'le nach'ejoua jo'ne qoyanema da'me lañoqotaĝanaĝa'j qaedi yala't ga'me onolec gaa'me cuatro jiyaĝa'u jo'ne uetedalegue jena'me aleua, qama'le yauote ga'me nalada't qaedi dalataĝa'tape, nataq'aen dalataĝatec da'me noqouaĝa choqogaa'me napite'nadi nataq'aen gaa'me yejidi jo'ne diquiya'ape.

Apocalipsis 6:8 Referans Kwoze

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Zacarías 6:3

qaq aso lỹa qalaq lauegaxala'ate soua caỹol lapagaxaiqa, qaq aso pa'atec qalaq lauegaxala'ate soua caỹol ỹapagaqalec da lo'oxoỹaxa'c.

Ezequiel 5:12

'Oonolec naua tres lpa'axaco na nhuo' le'ecpi maye 'am netaigui, ca ilem qome ca napiina, qataq ca nqouaxa, qaq ca lỹa caua tres lpa'axaco qalaq huaugalo naua loiguiye da ỹalauat ca 'ampa'aguenaxauapi, qaq ca lỹa caua tres lpa'axaco maye no'onañi qalaq selagaxaalec qome 'enauac ana 'alhua. Qaq Aỹem sauota'a qome ca ỹainec da secanapec namayepi.

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

Apocalipsis 9:18

Huaña, nache ileu so 'oonolec naua tres lpa'axaco nam shiỹaxauapi, souaxat se'eso norec qataq so lmala'q qataq na 'eeta'am na quiquiaxaraic maye chegoqtapoigui na alap so caipi.

Isaías 25:8

Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.

Apocalipsis 9:15

Huaña, nache se'eso namaxashec piguem le'ec isore'c soua cuatro namaxa'she, da yaqto' ỹalauat so 'oonolec naua tres lpa'axaco nam shiỹaxauapi, cha'aye Ñim Lo'onatac 'Enauacna, maiche iqataxanai'salo qataq mashe ivita ye laloqo' qataq na'a'q qataq ca'agoxoic qataq vi'i da isore'c.

1 Corintios 15:55

'Am nleuaxa, ¿hua'ague ca hueta'ague ca qonetega 'arauegaxanaxac? 'Am nleuaxa, ¿hua'ague ca hueta'ague ca qonetega 'ara'añaxac da qomi' 'auque'emaqche't?»

Habacuc 2:5

Qataq nam na'amqaanaxaicpi nmitta'a da na'añaxac, nache qaica ca nmataxac da nmitta'a qataq nquigaxattauec damaye. Na'aictaxa de'era na'añaxac da ishet da deque'elaqtaxan. Qataq ỹataqta ỹauattagui na alap, 'eeta'am aca huachiqui, qataq sa icoma', 'eeta'am da nleuaxa, qaq ỹoqo'oye sa nden da jec, da iloquiaxan nam ỹotta'a't shiỹaxauapi, da yaqto' loxonec namayepi.

Jeremías 16:16

Ñanacot qome na qalota ya'acoxoicpi, Aỹem Nataxala' 'era da ỹa'aqtac, da yaqto' ỹalecaique na Israel le'ecpi. Ime qome nache qaltaq anac ñaqa'en ca qalota 'ipiaxaicpi yaqto' ỹaconeua'a, nache nqateeguesop ana qasoxonaxapi qataq ana qaỹoqotcheguemec 'alhuapi, qataq ivira'a na huetangui na lpoxoỹaxapi ana coma'pi.

Mateo 11:23

Qataq qami' maye qarmaye ye Cafarnaúm, ¿qaupi'itaxañiitega peta'a da 'onaxaic da qarviraxaqui da qami' qaỹaconegueta da piguem? Qalaxaye Aỹem qami' shenapegalo da qami' qaỹamaxañalo qome ca ỹataqta qaỹoqchiguiña nhuaxanaqa' na leuaxaicpi. Cha'aye nam sa qaỹauanapega maye qaỹo'otpi maye qami' huanguilo da huaña taxa so Sodoma, nache somayepi naralaxat taxa da lataxac, nache se'eso nỹecpi taxa nagui ñaqauo'o.

Jeremías 43:11

Qaq ñimaye anac qome nache ilaxachigui na 'alhua na Egipto. Qaq nam taỹa'aguet da ileu nache ileu qome, qaq nam taỹa'aguet da qaỹauec, nache qaỹauec qome, qaq nam taỹa'aguet da ileuaigui ca alaataxac, nache ileu qome huaigui ca alaataxac.

Proverbios 5:5

Qaq da qannaicapegue' acamaye nache dauegaqtaxana da nleuaxa, cha'aye naua lqauaxaqui' ỹalamaxattalo aca huachiqui.

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

Jeremías 24:10

Qataq ñamaxa qome namayepi ca alaataxac, qataq ca nqouaxa, qataq ca napiina, nache choche ivitta'a qome da qaica da 'oonolec ca no'onalec ne'ena 'alhua, maye sanem co'ollaxa namayepi, qataq som hua'au lta'alpi.»

Jeremías 29:17

«Aỹem Nataxala' maye Qaica ca Seqalanapec, 'eeta' da ỹa'aqtac: Aỹem qami' ñamaxalo qome ca alaataxac, nqouaxa qataq ca napiina. Nache qami' so'oteque da qoñeeta'am aca higo nchegueraxai, qaq souaxat da ỹataqta qauem nache saishet da qanallec.

Ezequiel 29:5

Qaq ime, nache 'am sasaxauga ye toolec 'alhua, 'arỹaueegue' na nỹaqpi maye chegaqangui so 'aralamaxat tala, nache qouetalec qome ye ỹasattalec no'onaxa, nache qaica ca 'am ỹacoosop da 'am ilayiñi. Qataq so'ot qome da 'am chec na shiguiỹacpi maye huauec qataq na maỹopi maye chec na lapat.

Mateo 24:7

Cha'aye na lta'alpi nam ỹotta'a't shiỹaxauapi delogui' qome ca lỹa nta'a, nache na shiỹaxauapi qaica ca aloq, nache huo'o qome ca nqouaxa qataq qalota na 'alhuapi na huo'o na nacholaxanaxa.