Apocalipsis 6:5 - La'aqtaqa Ñim Lo'onatac 'Enauacna 2013

⁵ Qaq se'eso Qagueta Llalec can qaltaq nqat aso lỹa na'anaxanaqte, nache qaltaq sa'axaỹa so la'aqtac so lỹa shiguiỹac maye nca'altauec, 'eeta': «¡'Aỹala, ña 'anquigueuo!» Qaq samata'a, nache sela'a so lỹa caaỹo lairaxaic. Qaq so netalec, somaye nasoqta'a aso naloqnaxanaxaqui.

Nuevo Testamento Toba Sur

⁵ Qaq se'eso qagueta llalec can qaltaq nqat aso lÿa n'anaxanaqte, nachi qaltaq sa'axaÿa so lÿa shiguiÿac, 'eeta': –¡'Ayala, ña 'ameten! Qaq samata'a, nachi sela'a so lÿa caaÿo laidaxaic. Qaq so netalec somayi lasoqta'a aso naloqnaxanaxaqui.

Nuevo Testamento Toba Sombrero Negro

⁵ Mane'e ca'li yitaĝa qonaqat jaga'me 'nanaĝanaqate laqaya, qama'le yitaĝa jomachiya ñe'me jiyac laqaya jo'ne p'ayalegue joñe'me jo'ne 'uaechiñe jogaa'me yejidi, jo'ne eetac: “¡Oc nayi!” Qama'le yitaĝa jauana jo'me pegaq laqaya jo'ne ledaĝaic da'me 'loyaĝac, nataq'aen jo'me netalegue jo'ne lajoqot'a jajo'me napogoqotaĝanaĝaiqui.

Apocalipsis 6:5 Referans Kwoze

Zacarías 6:2

Aso hua'auchiguiñi naigona, lauegaxala'ate soua caaỹol togaxaraiqa; qaq aso lỹa qalaq lauegaxala'ate soua caaỹol lairaxaiqa,

Zacarías 6:6

Qaq aso naigona maye lauegaxala'ate soua caaỹo lairaxaiqa, taỹa ye 'alhua maye pa'aigue da sheu', qaq aso lauegaxala'ate soua caaỹo lapagaxaiqa, qalaq taỹa ye 'alhua maye pa'aigue da avit, qaq aso lauegaxala'ate soua caaỹo maye ỹapagaqalec da lo'oxoỹaxa'c, qalaq taỹa ye 'alhua maye pa'aigue da tagueñi.»

Ezequiel 4:16

Qaq nataqa'en aỹem 'enapega, 'eeta': Aỹem so'ot qome da qaica ca nallec ye Jerusalén. Ca nallec qalaq qalcoreeta qome nache na shiỹaxauapi da chectac camaye qalaq huo'o da laquicoxo, qataq ca 'etaxat qalcoreeta qome, qaq qom nỹomgui namayepi nache ỹataqta lta'araic da ncolanaxa.

Apocalipsis 6:1

Qaq co'ollaq choche nqat aso 'oonole soua siete na'anaxanaqtel se'eso Qagueta Llalec, nache aỹem sa'axaỹa so 'oonolec se'esoua cuatro shiguiỹa'c maye nca'altraue'c da lavilỹaxac 'eeta'am na nalataxa, 'eeta': «¡'Aỹala, ña 'anquigueuo!»

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Apocalipsis 5:5

Qalaxaye huo'o so 'oonolec som nqueroxonecpi aỹem 'enapega, 'eeta': «Saishet da qoqueto'ot da 'anỹeetac, cha'aye Ñim talec da lo'onataxanaxac co'ollaxa so nta'a David, Ñim qaiỹaxana naxa da quiyoc lỹa maye chegoxoguet so Judá, Ñimaye mashe dauegaxan. Qaq ỹoqo'oye nachaqñita da huo'o da 'enec da nqa't naua siete na'anaxanaqtel qataq ishet da ỹauachigui ara nere.»

Levítico 26:26

Qaq da ivita da selaxachigui ca qaraỹamaqtaqui nallec, huaña nache caua diez 'alo, da ỹauot aca qanqoi nauolepi, nache dauoxonoigui aca 'oonole qatelaxanaxaqui, souaxat da saq 'amaqtaq ca nallec. Qataq da qanallec, nache ỹataqta qalcoreeta, huaña nache saishet da ỹataqta qami' comaraxaiqa.

Ezequiel 4:10

Qaq ye na'a'q nache 'auauo'o ca ỹoqta laloqo' da qollec que'eca saq 'amaqtaq 'oqolec,

Lamentaciones 5:10

Na qaro'oc qalaq 'eroigui 'eeta'am aca nqatelaxanaxaqui, qaq souaxat da ỹaguec na qarqouaxa nache ỹo'ot na qare'eraxa.

Mateo 24:7

Cha'aye na lta'alpi nam ỹotta'a't shiỹaxauapi delogui' qome ca lỹa nta'a, nache na shiỹaxauapi qaica ca aloq, nache huo'o qome ca nqouaxa qataq qalota na 'alhuapi na huo'o na nacholaxanaxa.