Apocalipsis 6:2 - La'aqtaqa Ñim Lo'onatac 'Enauacna 2013

² Qaq aỹem samata'a somaye, nache sela'a da nnoxonec so caaỹo lapagaxaic. Qaq so netalec somaye nasoqta'a aso lchecna qataq so lchecnec, nache somaye qoỹami' aso naro'o na nta'a. Cha'aye nauec so npa'aguenaxauapi, qataq cha'aye nache 'eetai' da dauegaxaatai'.

Nuevo Testamento Toba Sur

² Nachi samata'a, qaq sela'a so caaÿo lapagaxaic. Qaq so netalec huo'o so lchicnec lasoqta'a. Nachi somayi qoÿami' aso nado'o na nta'a. Nachi jec, da yaqto' dauegaxan, qataq da yaqto' nachi 'eetai' da dauegaxaatai'.

Nuevo Testamento Toba Sombrero Negro

² Qama'le jauana ga'me pegaq jo'ne pagaĝaic, nach'e ena'am jo'me netalegue jo'ne lajoqot'a jo'me lechiquenec. Qoyanem jajo'me noqop'a jo'ne oro da'me joote domataĝatac, qama'le ec qaedi yitaĝa domataĝan.

Apocalipsis 6:2 Referans Kwoze

Zacarías 1:8

Qaq huo'o so pe, nache huo'o so ỹauanaqchec: Aỹem sela'a so ỹale netalec so caaỹo togaxaraic. Somaye netangui so ca'amegue nachattanguilo soua 'epaq le'enaxat arrayanes, qataq hueta'ague na l-laq somaye so laỹepi caipi, huo'o so togaxaraicpi, tocalecpi, qataq so lapaxaxaicpi.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Apocalipsis 14:14

Ime, qaltaq ñamatasheguem, nache sela'a so lo'oc na piguem lapagaxaic, qaq se'eso lo'oc nso'ootalec so 'eeta'am na shiỹaxaua llalec. Somaye ỹaatañi aso naro'o na nta'a maye chegaqaigui na oro, qataq lasoqta'a so lpetegaxanaxat ỹataqta ỹaxaraic.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Isaías 25:8

Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.

Salmos 110:2

Qaq Ñim Nataxala' ỹachegoxotchiguiña qome ye Sión, da 'am namaxa aca 'arashelte maye la'anaqte da 'ara'añaxac, nache qonetangui qome na laiñi na 'ampa'aguenaxauapi da 'auamaxasoxootac.

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»

Apocalipsis 15:2

Nataqa'en sela'a so 'eeta'am ana auaxai ye lcachiguiñi ỹataqta chauec ỹalecteguet na norec. Qaq asa'aso 'eeta'am aso auaxai nachattalec som nauec co'ollaxa so shiguiỹac leguemaxaic, qataq saishet da nashen da qaỹauo'o ca na'anaxat na lo'oc da qaỹa'anaxana da le'enaxat so shiguiỹac leguemaxaic qataq saishet da natamnot som ne'enaqtac maye lqui'i somaye. Qaq Ñim Lo'onatac 'Enauacna ỹami' aso lviquepi somayepi.

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

1 Corintios 15:25

Cha'aye So Cristo iuen da ñaq 'eetalec da nta'a choche ivitta'a que'eca na'a'q qom loxonec 'enauac na ipa'agueetacpi.

Salmos 98:1

Qauo'oñi qome ca dalaxaic no'onec da qauo'onaxañiito'ot Ñim Nataxala', cha'aye Ñimaye ỹo'ot na huo'o da na'aalaxa, cha'aye na aloiguishec qataq qui'itta lhuaq ivira'a da doxonaxan.

Apocalipsis 19:14

Qaq ca'attaueegue Somaye so alleppi piguem le'ecpi, ỹaatrañi naua alogo maye chegaqaiguilo na lino, ỹataqta ỹapaga'q qataq qui'itte', netalec na caaỹo lapagaxaicpi.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Salmos 76:7

Cha'aye ỹataqta 'am chaqaic, ¿qaq negue'tom ca ishet da nachattañi da 'am nachatto'ot, da ivita da 'eroigui da 'aralemataic?

Apocalipsis 9:7

Qaq asa'aso shiiquioxoipi, 'eeta'am da lataxac na caaỹo maye alaataxala', ỹataqta lhuotta da taỹa ca loquiaxac. Qaq na lqaic netagui ana 'eeta'am ana naro'o na nta'a maye chegaqaigui na oro, qaq na lashec qalaq 'eeta'am na lashec na shiỹaxaua.