Apocalipsis 6:17 - La'aqtaqa Ñim Lo'onatac 'Enauacna 2013

¹⁷ Cha'aye mashe ivita ye laloqo' da Ñim Lo'onatac 'Enauacna qataq Ñi Qagueta Llalec da ỹauo'o ca qanhuaxanaguec, qaq qaica ca ishet da dataỹa'aguet da nhuaxanaguec.»

Nuevo Testamento Toba Sur

¹⁷ Cha'ayi mashi ivita yi laloqo' dam ÿataqta lta'adaic nhuaxanaguecna. Qaq, ¿négue't ca ishit da nachaata'aguet?

Nuevo Testamento Toba Sombrero Negro

¹⁷ Qa'a male novita nayi da'me laloqo' da'me le'uaĝanaĝanaĝa'j let'adaic, qama'le ¿jach'e ga'me yaqanatet ta'le 'nañaĝatela't qaedi ja nimichiñe?”

Apocalipsis 6:17 Referans Kwoze

Malaquías 3:2

Qalaxaye ¿negue't ca ishet da nala'aguet que'eca na'a'q maye lviraxaqui? Qataq ¿negue'tom cam ishet da nachaata'aguet? Cha'aye qom nvi', nache 'eeta'am ca norec, da yaqto' qomi' iqui'itaxa't, qataq 'eeta'am qome ca nỹoxonaxat da iỹouec nam qarshepaxanaxa.

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Salmos 76:7

Cha'aye ỹataqta 'am chaqaic, ¿qaq negue'tom ca ishet da nachattañi da 'am nachatto'ot, da ivita da 'eroigui da 'aralemataic?

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Joel 2:31

Nache 'om añi nala', qaq ñi ca'agoxoic qalaq 'eco' ntago'q da lo'oxoỹaxac, qom ñaq taỹa'a ca na'a'q maye lviraxaqui Ñim Nataxala', cam na'a'q maye ỹataqta 'amaqtaqaic qataq chaqaic.

Jeremías 30:7

¡Mashe nayeetai' ca na'a'q maye chaqaic, na'a'q maye qaica ca lỹa na'a'q da 'eeta'am! Que'eca na'a'q nache huaigui qome ca lta'araic laquicoxo nam chegoxoguetpi so Jacob, qalaxaye Aỹem ñeca'alaxatec qome namayepi.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Judas 1:6

Qaq 'era da 'eetec nataqa'en som lamaxashecpi piguem le'ecpi Ñim Lo'onatac 'Enauacna, maye saishet co'ollaxa da ỹaỹamaxatec da lo'onataxanaxac maye ỹami' Ñimaye. Qaq Ñimaye chochaq tatec naqa'en da ncoñetaguec somayepi qataq ỹapotaua'a, hueta'a ca ỹataqta napalñi, choche ivitta'a que'eca pa'atec na'a'q maye qaica ca 'ena'am qom qanmit 'enauacna.

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

1 Samuel 6:20

Nache se'esopi lma' ye Bet Semes, 'enapeco': «¿Negue'tom ca ishet da nachaateua'a Ñim Nataxala', Ñim Lo'onatac 'Enauacna maye ỹataqta sa qaishetapec? ¿Qataq hua'ago' ca samaxasoxogue añi arca maye laỹe' da aỹamaxataxac?»

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Salmos 110:5

Qaq Ñim Nataxala' huetaua'a qome na pa'aỹa'ague da 'oic, qaq qom ivita ca na'a'q da dalemata nache nlachiguiñi naqa'en na nta'alpi.

Isaías 63:4

Aỹem mashe llapaqtañi da huo'o ca na'a'q qaq sauo'o ca ivi', qaq nagui mashe ivita ye laloqo' da sesouec na ỹalamaxat nhuo' le'ecpi.

Joel 1:15

¡'Agai que'eca na'a'q! ¡Cha'aye mashe nayeetai' ca na'a'q maye lviraxaqui Ñim Nataxala'! ¡Que'eca na'a'q ỹataqta chaqaic, cha'aye Ñim Qaica ca Ỹaqalanapec nlaxaañi qome 'enauacna!

Joel 2:1

Ña qauashiiyigui ana nasheerepi da huaña na Sión, qataq ana peenaq lcouepi da huaña ana qui'itta qasoxonaxa maye lalamaqte Ñim Nataxala'. Ña qaviloxolli qami' maye qoñiitaña na Judá, cha'aye mashe nayeetai' na na'a'q maye lviraxaqui Ñim Nataxala',

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.