Apocalipsis 6:14 - La'aqtaqa Ñim Lo'onatac 'Enauacna 2013

¹⁴ Qaq na piguem qalaq nquicta'a't da sa qaila'a, 'eeta'am da 'eetec da qainana't aca neraxanaxalate, qataq 'enauac anam qaỹoqotcheguemec 'alhuapi qataq anam ỹaqauga 'alhuapi qalaq nqochen ca'ai na hueta'api.

Nuevo Testamento Toba Sur

¹⁴ Qaq na piguem qalaq nlagaxatapec, 'eeta'am da qainana't. Qaq anam qasoxonaxapi qataq anam delecpi qalaq 'enauac ca'aisalo naua lma'te qanqoÿin.

Nuevo Testamento Toba Sombrero Negro

¹⁴ Di'me piyem male ja di'yoq, ena'am ta'le nede lae qom nenatague, qama'le yemeda gaa'me qajoĝonaĝadi' choqogaa'me nepel nach'e ena'am da'me ca'ae naa'me 'lachaqa'te.

Apocalipsis 6:14 Referans Kwoze

Isaías 34:4

Ana huaqaañipi qalaq colaxagui qome, na piguem qalaq 'eeta'am qome aca nere da qainanegue, qataq 'enauac ana huaqaañipi da naañi qome, 'eeta'am ana laue ana uva qataq hiigo da deqaqa nache naañi.

Apocalipsis 16:20

Qataq 'enauac ana ỹaqa'ata 'alhuapi qataq ana qaỹoqotcheguemec 'alhuapi qalaq deqat.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

Salmos 102:26

Qaq namayepi taỹa'a da imeuo, 'am qalaxaye nache qonetai', 'enauac namayepi taỹa'a da lto 'eeta'am ca nogoxot, qataq 'eeta'am ca nogoxot da 'anaralaxat da lto.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Ezequiel 38:20

Qaq na nỹaqpi aso auaxai, qataq na maỹopi piguem le'ecpi, qataq na shiguiỹacpi maye huauec, qataq nam ỹotta'a't hualectapigui', qataq 'enauac na shiỹaxauapi ana 'alhua, iviloxol qom aỹem datato'ot. Qaq ana qasoxonaxapi qalaq qalagoxoñi qome, ana lcomaraxalatepi qalaq dacagueñi qome, qataq 'enauac na mpaqtaxanaxatpi hua'axauec qome.

Isaías 54:10

Qaq na'aictaxa da ca'aisalo naua hueta'alo ana qasoxonaxapi, qataq da cholaxan ana lcomaraxalatepi, qalaxaye da ỹauotaxanaqtaic da qoneta saishet da nquic, qataq da ñaỹamaxataxac maye ỹo'ot da nlagaxayec, saishet qome da nlaguiñi.» Qaq 'era da la'aqtac Ñim Nataxala' maye 'am ichoxoren.

Apocalipsis 21:1

Ime, nache sela'a so piguem dalaxaic qataq aso 'alhua dalaxai, cha'aye so hua'auchiguiñi piguem qataq aso hua'auchiguiñi 'alhua mashe imeuo. Qataq aso auaxai nataqa'en mashe imeuo.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.

Nahúm 1:5

Nache Ñimaye da choche nlectelec ana qasoxonaxapi nache cholaxan, qataq ana lcomaraxalatepi qalaq nlaguiñi. Qaq ana 'alhua qalaq cholaxan qataq na netalecpi anamaye iviloxol da lcolanaxa.

Jeremías 51:25

Aỹem 'am sataỹa'aguet 'am qasoxonaxa maye laqtaxanaxai, maye 'aulaxachigui 'enauac ana 'alhua. Qaq 'era da ỹa'aqtac Aỹem Nataxala'. Ñauaxaỹaxaasheguem qome na ihuaq da sauo'o ca 'anhuaxanaguec, nache 'am sachegoxotasheguema ana coma'pi da 'am seqalagoxotta, nache 'am she'eguelaxata da qoneta'am aca lcomaraxalate ỹavicta.

Habacuc 3:10

Qaq ana qasoxonaxapi, qalaq cholaxan da 'am ila'a, qaq na piguem qalaq namaq na ỹataqta lta'araic auot, qaq aso qaỹoqchiguingui auaxai qalaq ỹataqta dauaxan, souaxat da ỹataqta qaỹoqotcheguemegue ana lapaxa.

Jeremías 3:23

Qaica ca naigui da saxasheguema naxa ana lcomaraxalatepi huo'otaq da sa'alaxasoqtai' da sonaqtasheguema ana qasoxonaxapi, cha'aye nachaqñita Ñim Nataxala' maye Qanatamnaxala' da hueto'ot da lca'alaxa na Israel le'ecpi.