Apocalipsis 6:13 - La'aqtaqa Ñim Lo'onatac 'Enauacna 2013

¹³ Qataq ana huaqaañipi qalaq naañi, talec ana 'alhua, 'eeta'am ana ala aca 'epaq da naañi souaxat na la'at da ỹacholaxan.

Nuevo Testamento Toba Sur

¹³ Qaq ana huaqajñipi qalaq najñi, talec ana 'alhua, 'eeta'am ana higo da huo'otaq nmetapiguiñi ana ala mayi ña dadala, souaxat da ÿacholaxan na l'at lta'adaic.

Nuevo Testamento Toba Sombrero Negro

¹³ Qama'le jaa'me uaqachiñil nach'e ena'am 'naqadiñe, chiyoqodapegue di'me piyem da'me ta'ña jena'me aleua, ena'am da'me qom 'naqañe jajo'me jala jo'ne maliaĝa dadala jaga'me higo lichidic qom nechiyoĝoñe ga'me layat jo'ne vichaĝaguet.

Apocalipsis 6:13 Referans Kwoze

Isaías 34:4

Ana huaqaañipi qalaq colaxagui qome, na piguem qalaq 'eeta'am qome aca nere da qainanegue, qataq 'enauac ana huaqaañipi da naañi qome, 'eeta'am ana laue ana uva qataq hiigo da deqaqa nache naañi.

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Apocalipsis 9:1

Qaq co'ollaq ivita so cinco soua siete namaxa'she piguem lashe' da ỹashiiyigui aso lasheere, nache sela'a aso 'oonole huaqaañi maye chegoqo'ot co'ollaxa na piguem da talec ana 'alhua. Nache asomaye qoỹami' aso lvinaqte ca lasom ca auac maye ñegueuo da taỹaña cam ỹataqta qaỹoqchiguiña ncoñetaqa' nam saqcha'a na'añaxacpi qauemaicpi.

Daniel 8:10

Qaq asomaye ye ỹataqta nquictasheguem, nache iviro'ot so alleppi maye hueto'ot na piguem, nache huo'o aso naañi naqa'en ana huaqaañipi, nache petapigui,

Ezequiel 32:7

Qom 'am selaxachigui, nache so'ot da napalñi na piguem, qataq 'om ana huaqaañipi, qataq añi nala' so'ot da ỹapolec na lo'oc na piguem, qataq ñi ca'agoxoic saishet qome da ỹe'eguelaxa da 'eroigui.

Lucas 21:25

Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai.

Isaías 7:2

Qaq huaña co'ollaxa nache so nta'a Ajaz, qataq so llalaqpi huo'o da la'axaỹaxac maye 'eeta': «Ye siiriopi huaxaiguet na lma' ye Efraín.» Nache so nta'a, qataq so shiỹaxauapi ỹataqta cholaxan souaxat da lli'iỹaxa, 'eeta'am aca qo'oipaq da cholaxan da huo'o na la'at.

Nahúm 3:12

Qaq 'enauac nam 'aye'eguenaqa'pi, 'eeta'am qome aca nañiguishe higo maye nlaqchigui ana ỹeta ala, qaq da qaỹacholaxan nache naañi, nache chec na shiỹaxauapi.

Daniel 4:14

nache somaye na'axannec da detaqa, 'eeta': Qaua'axasoxoñiiñi ara'ara qo'oipaq qauchiquiiuec qome ana lcouepi qataq qanqache ana lauepi, qataq qalagaxache ana alapi. Qataq datauec qanqa'aiñi na shiguiỹacpi maye hueto'ot na lpaqal, qataq na maỹopi maye netaigui ana lcouepi aramaye.

Isaías 33:9

Ana 'alhua huasootac qataq daquicotac, ye Líbano qalaq huo'o da lcoxo nache deqaqa, qaq ye ca'amegue ye Sarón qalaq 'eeta'am ca toolec 'alhua, ye Basán qataq añi qasoxonaxa Carmelo qalaq deqat da lyac na huetalec.

Isaías 13:10

Huaña nache ana huaqaañipi qataq aso dapiche' saishet da 'eroigui, qataq añi nala' da nnoxoosheguem qalaq naue', qaq ñi ca'agoxoic nataqa'en qaica ca le'eraxa.

Joel 2:31

Nache 'om añi nala', qaq ñi ca'agoxoic qalaq 'eco' ntago'q da lo'oxoỹaxac, qom ñaq taỹa'a ca na'a'q maye lviraxaqui Ñim Nataxala', cam na'a'q maye ỹataqta 'amaqtaqaic qataq chaqaic.

Marcos 13:25

Qataq naañi qome ana huaqaañipi, qataq ivira'a da cholaxan nam na'añaxacpi maye hueto'ot na piguem.

Da na'aqtaguec so Job 15:33

Qataq 'eeta'am ana uva lcheyec, maye saishet da ivira'a da ỹe ana ala, qataq 'eeta'am ana olivo da choche naañi ana lauoxo.