Apocalipsis 6:12 - La'aqtaqa Ñim Lo'onatac 'Enauacna 2013

¹² Qaq se'eso Qagueta Llalec can qaltaq ivita da nqat aso seis soua na'anaxanaqtel, qaq samata'a, nache huo'o so lta'araic qalagoxoñi ana 'alhua. Qaq añi nala' qalaq 'om, qaq ñi ca'agoxoic qalaq ỹataqta 'eeta'am na ntago'q da ltogaxa.

Nuevo Testamento Toba Sur

¹² Qaq se'eso qagueta llalec can qaltaq nqat aso lÿa n'anaxanaqte, qaq samata'a, nachi huo'o so lta'adaic nacholaxanaxa. Qaq aso nala' nachi 'om, qaq ÿataqta napanñi. Qaq so ca'agoxoic qalaq ÿataqta 'eeta'am na ntago'q na ltogaxa.

Nuevo Testamento Toba Sombrero Negro

¹² Mane'e ca'li yem da'me dojo' qama'le jauana joñe'me 'Naĝanaĝate Lec'oĝot da'me naqat jajo'me sexto 'nanaĝanaqate, qama'le 'uo jo'me ne'uaĝa let'adaic. Jañe'me ajeua neleguemaĝata da'me ledaĝai, yataqata 'naltapiye, nataq'aen ñe'me auoĝoic neleguemaĝata da'me tomaĝadaic, ena'am ta'le netauo' da'me 'loyaĝac.

Apocalipsis 6:12 Referans Kwoze

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Joel 2:10

Nache da nvi' namayepi nache cholaxan ana 'alhua, qataq cholaxan na piguem, qataq 'om añi nala' qataq ñi ca'agoxoic, qataq ana huaqaañipi qaica ca le'eraxa.

Joel 3:15

Qaq huaña nache añi nala' qataq ñi ca'agoxoic, 'o'm qome, qaq anam huaqaañipi qaica qome ca le'eraxa.

Amós 8:9

Qaq que'eca na'a'q, 'enapec Ñim Nataxala', aỹem, so'ot qome da pal na le'eraxa añi nala' da na'a'q laiñi, nache que'eca na'a'q laiñi qalaq ỹataqta napalñi ñaqa'en ana 'alhua.

Apocalipsis 16:18

Nache huo'o so nqashelgaxa, qataq so nvilỹaxac, qataq so nalataxa qataq huo'o so lta'araic qalagoxoñi 'alhua, somaye ỹataqta napacalec 'enauac nam nacholaxanaxapi maye huo'o co'ollaq cheta'ague da huo'o na shiỹaxauapi ana 'alhua.

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Isaías 50:3

Aỹem, sapolec na piguem na napalaxa, 'eeta'am ñaqa'en da ỹaayiñi caua nogo maye nasouaxaqui'.»

Isaías 29:6

da 'am naỹa, nactaigui ca nalataxa, qataq ca lacholaxanaxa na 'alhua, qataq ca lta'araic nllimiaxa, qataq nactaigui ca la'at maye qaica ca iren, qataq cam dalaataxanapec le'eraxa ca norec.

Apocalipsis 8:5

Nache se'eso namaxashec ỹacona aso 'eeta'am ana ỹomaxaqui late'erai, nache nlaxatchigui ana poqo 'ettaigui ỹachegoxotalec aso nca'atoxonaxalate. Ime, nache icorelec 'enauac ana 'alhua, ime, nache chemaqchiguiñalo na nllimiaxa qataq nqashelgaxa, qataq huo'o so lta'araic lacholaxanaxa ana 'alhua.

Isaías 24:23

Qaq qom ỹacoolec da lo'onataxanaxac Ñim Nataxala' maye Qaica ca Ỹaqalanapec huaña añi qasoxonaxa Sión, yem Jerusalén nache añi nala' qataq ñi ca'agoxoic 'om qome, nache nam lataxala'pi nam nalamaxat nhuo' le'ecpi ila'a qome da llo'oxoyec Ñim Nataxala'.

Mateo 24:7

Cha'aye na lta'alpi nam ỹotta'a't shiỹaxauapi delogui' qome ca lỹa nta'a, nache na shiỹaxauapi qaica ca aloq, nache huo'o qome ca nqouaxa qataq qalota na 'alhuapi na huo'o na nacholaxanaxa.

Marcos 15:33

Qaq co'ollaq mashe na'a'q laiñi, nache huo'o so napalaxa, ima'a't 'enauac ana 'alhua. Choche ivitta'a da dasheuec añi nala'.

Mateo 28:2

Nache nque'elaxatta da huo'o so lacholaxanaxa ana 'alhua, cha'aye so lamaxashec Ñim Lo'onatac 'Enauacna, somaye chegoqtot na piguem da naỹaña aso huachiqui. Nache nqat so coma' lta'araic maye lapoxot asomaye, nache nso'oolec.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Mateo 27:45

Nache 'enauac ana 'alhua ỹataqta napalñi, chegoqchiguiña so na'a'q laiñi, choche ivitta'a so dashiguiñi añi nala' se'eso avit.

Zacarías 14:5

qaq qami' qom qauataiuec, nache qoquiiteueegue cam ca'amegue maye quichiguingui na laiñi añi qasoxonaxa, nache ivira'a ye Asal, maye pa'aỹaueegue da laỹe. Qaq qami' qauataiuec qome 'eeta'am da 'eetec co'ollaq datauec som qarta'ailpi souaxat so lacholaxanaxa na 'alhua maye huetoigui so na'a'q co'ollaq nta'a so Uzías da ilotague' ye Judá. Qaq anac qome Ñim Nataxala' maye Ñatamnaxala', nnaictague' 'enauac nam ỹa'amaqteetac Ñimaye.

Amós 1:1

Qaq 'era da la'aqtaxanaxac so Amós, som qagueta lo'o maye lma' ye Tecoa, dam lauanaqchec maye chegoqo'ot Ñim Lo'onatac 'Enauacna, maye taỹa'a da talec na Israel le'ecpi, co'ollaq saxanaqcaua soua dos vi'iye da nvi' so nacholaxanaxa ana 'alhua, maye huetoigui da lo'onataxanaxac so Uzías, maye nta'a ye Judá, qataq da lo'onataxanaxac so Jeroboán, som llalec so Joás, maye nta'a ye Israel.

Isaías 34:4

Ana huaqaañipi qalaq colaxagui qome, na piguem qalaq 'eeta'am qome aca nere da qainanegue, qataq 'enauac ana huaqaañipi da naañi qome, 'eeta'am ana laue ana uva qataq hiigo da deqaqa nache naañi.

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Apocalipsis 8:12

Qaq so pa'atec soua cuatro namaxa'she piguem lashe' co'ollaq ỹashiiyigui aso lasheere, nache 'om na laỹe añi nala' qataq ñi ca'agoxoic qataq na huaqaañipi qaileguemaxat, nache saishet da 'eroigui. Qaq ỹoqo'oye huo'o na huaña na yo'oqchiguiñi, qaq ñi ca'agoxoic qataq ana huaqaañipi saishet da 'eroigui ye pe.

Apocalipsis 16:8

Qataq jec so lỹa namaxashec piguem le'ec da icorelec so huetagui aso ỹomaxaqui añi nala', nache qoỹami' añi nala' da la'añaxac da yaqto' na le'eraxa ishet da ỹavigaxat na shiỹaxauapi.