Apocalipsis 6:10 - La'aqtaqa Ñim Lo'onatac 'Enauacna 2013

¹⁰ Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

Nuevo Testamento Toba Sur

¹⁰ Nachi somayipi ÿataqta nlamaxaden, 'eeta': –'Am qadataxala' Dios mayi ÿataqta 'am qui'itta qataq 'aupactelec cam 'auachaxanapec, ¿chaq laguio', qaq ivita ca laloqo' da 'anmit qataq 'auauo'o ca nhuaxanaguec nam i'ot da qanalaataguec mayi huetalec ana 'alhua?

Nuevo Testamento Toba Sombrero Negro

¹⁰ Qama'le nete'n da'me yauote da'me 'laqata'j: “Am Qadejaliaĝanec jo'ne am ja 'nalegue nataq'aen am jo'ne am yataqatelegue, ¿jach'e ga'me quejetelegue da'me yovita ga'me laloqo' da'me auec'ate'n ga'me jiyaĝadipi jo'ne uetedalegue jena'me aleua qaedi qo'mi 'viyelaĝaque da'me qadeleuaĝa?”

Apocalipsis 6:10 Referans Kwoze

Apocalipsis 19:2

Cha'aye Ñim Lo'onatac 'Enauacna saishet da depe'enaxan da huo'o ye nmit qataq ipagaqchiichigui da 'eesa lataxac. Ỹauo'o da nhuaxanaguec añi ỹataqta lta'araic da lquisheguetaxac maye ỹapaxaguenec 'enauac na huetalec ana 'alhua, da natamnot nam qanatameetacotpi maye saq 'en. Qataq qaỹo'ot da nhuaxanaguec, souaxat da ỹalauat nam lo'onataxanaxanecpi Ñimaye.»

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Romanos 12:19

Qami' ỹaqaỹarolqa, saisheto' qome da qavi'enaxachiỹa'aguet ca qauem maye qami' qaỹo'oteque. Nachaqrato' qome da qauaqaita'a da Ñim Lo'onatac 'Enauacna maiche huapegue' da ỹauo'o ca nhuaxanaguec nam qauemaicpi. Cha'aye ana nere maye huetalec na la'aqtacpi Ñimaye nanettalec da la'aqtac, 'eeta': «Aỹem maye Nachaỹem so'ot ca nhuaxanaguec ca shiỹaxaua, Nachaỹem maye sami' cam 'itchiguiñi nhuaxanaguec ñi 'oonolec.»

Salmos 9:12

Ñim Lo'onatac 'Enauacna, saishet da icoua'ai na huo'o da nqui'ic, qataq saishet da icoua'ai da nnoinaxac namayepi.

Apocalipsis 3:7

Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Filadelfia. Qoneta': «Aỹem maye ỹoqta 'eesa da Aỹem Llalec Ñim Lo'onatac 'Enauacna qataq selo'ogue da lo'onataxanaxac co'ollaxa so nta'a David. Da ivita da sauatoigui ca lasom, nache qaica ca ishet da ỹapogui, qaq da sapogui qalaq qaica ca ỹe'eguelaxalec da ỹauatoigui. Qaq nagui ñaq 'ana'axaỹaxana dam 'am sa'axatem:

Lucas 21:22

Cha'aye que'eca na'a'q laloxoqui da Ñim Lo'onatac 'Enauacna ỹauo'o ca nhuaxanaguec 'enauac na shiỹaxauapi, yaqto' ipacchiguilo naua 'ena'ape naua ñiyigui'she la'aqtaqa Ñim Lo'onatac 'Enauacna.

Zacarías 1:12

Nache som lamaxashec Ñim Nataxala', 'enapec: «'Am Nataxala' maye Qaica ca 'Auqalanapec, mashe ivi' naua setenta vi'iye da 'aunotega na Jerusalén, qataq ye huaqta'a't nỹecpi maye ỹotta'a't naua nañalo ye Judá. Qaq ¿chaq lcate' vi'iye qome caua inoxoorec, nache 'avi'eguelaxa da 'auchoxoren namayepi?»

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Apocalipsis 18:24

Ñim Lo'onatac 'Enauacna ỹauo'o da nhuaxanaguec yi'iye lta'araic nỹecpi, cha'aye yemaye lasouaxashet da ỹalauat so la'aqtaxanaxanecpi Ñimaye qataq so lalamaxatpi. Qataq 'enauac nam ỹalauatpi maye huetalec ana 'alhua.

Salmos 79:10

Yaqto' na ỹotta'a't shiỹaxauapi saishet da 'eeta': «¿Hueta'ague ca Qanatamnaxala'ai?» Ñaq sauanaqchigui 'anqa'en qome da 'apalaique ca lvi' da l-leuaxa so 'aramaxashecpi, yaqto' na ỹotta'a't shiỹaxauapi ishet da ỹaỹateeta de'era.

1 Samuel 24:12

¡Qaq Ñim Nataxala' maiche qomi' nmi't qome, qataq maiche aỹem ỹe'eguelaxateguet qom huo'o ca sasouaxat da qoneta! Qalaxaye aỹem saishet da 'am so'otec ca qauem.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Génesis 4:10

Nache Ñim Nataxala', 'enapego' somaye, 'eeta': «¿Ta'ainco' da 'auo'ot de'era? Cha'aye naua ltago'q so 'arqaỹa, maye 'aucoreleguete ana 'alhua, aỹem ỹa'alaqto'oto da so'oteque ca nalochiguiñi lataxac.

Hebreos 12:24

Qami' mashe qanquiquiiua'a So Jesús, qataq qantooñita'ac da chegoqchigui Somaye da Ñim Lo'onatac 'Enauacna naralaxat da naỹamaxataxac da naỹamaxatto qami'. Qana'achec da chegoqchiguilo soua ltago'q So Jesús maye huecolde'c co'ollaq qaỹalauat da qaỹapalaxa't naua qarasouaxashe'ete maye chegaqaiguilo da qaye'etaxaloxo. Qaq ỹoqo'oye So Jesús napacalec da la'amaqchec so Abel, cha'aye soua ltago'q so Abel saishet da ỹa'n ca nchoxonnataxanaxa, nachaqrata da iỹaxaatraique ca lvi'.

Daniel 12:6

Qaq so 'oonolec soomaye, inat so ỹale maye ỹaatrañi soua alogo maye chegaqaigui na lino, som nachattañi petalec so 'etaxat se'eso tala, 'eeta': ¿chaq lagui qaq ime de'era maye saqaỹauanapega?

Isaías 61:2

qataq sa'axatec nam vi'i maye huaigui da lqouagaxanaqtaic Ñim Nataxala', qataq nam na'a'q maye huaigui da Ñim Qanatanmaxala' ỹauo'o da lvi' da dataỹa'aguet nam qanpa'aguenaxauapi. Ñimaye aỹem namaq da sa'añaqchet 'enauac nam daquicotacpi,

Salmos 35:17

'Am Nataxala', ¿chaq laguio' da ime, da choche 'aumeteetac de'era? Ñaq 'anca'alaxateeguesop da ñachaalataxac, dam 'oonolec ñachaalataxac, ne'ena llonpi maye desoqtac.

Salmos 13:1

'Am Nataxala', ¿chaq laguio' da ivirec da aỹem 'aucoua'ai? ¿Chaq laguio' da ime da aỹem 'anqañoxottapiisop?

Jueces 16:28

Nache so Sansón iỹaxanot Ñim Nataxala', 'eeta': «'Am Nataxala' maye Ñatamnaxala', 'Am ñachoxonnot da aỹem 'autauan na'aictaxa da nachaqnata ne'ena na'a'q da aỹem 'aỹa'anem ca ỹa'añaxac, yaqto' sepalaique ivi' souaxat da na filisteopi nqa't soua ỹa'ai'te.»

Daniel 8:13

Qaq huaña nache sa'axaỹa so 'oonolec namaxashec piguem le'ec, da inattac so lỹa namaxashec piguem le'ec, 'eeta': «¿Chaq lagui qaq ime de'era semeenaqtac nachetaqtaxanaxac ye na'a'q maye qaỹachalec naxa añi nca'atoxonaxalate? ¿Chaq laỹe' qome qaq ime dam qauem nasouaxashet da qoỹaategueua'a añi atamnaxaqui maye lalamaqte Ñim Nataxala' qataq nam ỹa'amaqteetac Ñimaye da yaqto' qaỹapetapigui?»

Salmos 119:84

¿Chaq lcate' caua na'axa'te da seuataxaatac? ¿Chaq laguio' qaq 'anmit nam aỹem icaatac?

Lucas 2:29

«Nagui, 'am maye 'Aro'onatac 'Enauacna ishet da aỹem 'aỹa'anem da saqca ca da ca loga't da ñachaalataxac. ¡Cha'aye mashe ipacchigui dam 'auachaxanapec!

2 Pedro 2:1

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.

Lamentaciones 3:64

'Am Nataxala', talec 'anqa'en namayepi cam nsheetenaguec na ỹo'ottac.