Apocalipsis 5:9 - La'aqtaqa Ñim Lo'onatac 'Enauacna 2013

⁹ Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Nuevo Testamento Toba Sur

⁹ Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Nuevo Testamento Toba Sombrero Negro

⁹ Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Apocalipsis 5:9 Referans Kwoze

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Mateo 26:28

Cha'aye nachenaua naua maiche itago'q qataq chegoqchiguilo naamaye da Ñim Lo'onatac 'Enauacna naỹamaxate' 'enauac da qoñiita. Ne'enaua itago'q chegoqchiguilo da qaỹapalaxat na qalota lasouaxashet na shiỹaxauapi.

Salmos 40:3

Nache ỹauo'o so dalaxaic ỹo'onec, som no'onec da qaỹo'oxoren Ñim Qanatamnaxala'. Qaq qalota so ỹauaachigui de'era, nache ỹataqta huo'o da lcolanaxa, nache ỹauo'o da naquitaxac Ñim Nataxala'.

Apocalipsis 14:6

Ime, qataq sela'a so lỹa namaxashec piguem le'ec, huaỹotac, queto'ot na piguem. Ỹachetac da no'on na'axaỹaxac maye huo'o naq 'enec qataq qaica ca loga't, da yaqto' da'aqtaxanem 'enauac na ỹotta'a't shiỹaxauapi maye netalec na ỹotta'a't 'alhuapi qataq ỹotta'a't na la'aqtacpi.

1 Corintios 6:20

Cha'aye Ñim Lo'onatac 'Enauacna co'ollaq qami' nca'alaxatre'c, nache qami' desheenaxanalo, qaq aso lasheue co'ollaxa da qami' desheenaxanalo ỹataqta late'erai. Ỹoqo'oye iuen da ỹataqta qaumachiỹo'ot Ñim Lo'onatac 'Enauacna da qaro'ocỹaxaqui da qavio'oxoyiñi, yaqto' Ñimaye huo'o da ntonaxac.

Apocalipsis 5:12

Qaq somayepi ỹataqta nlamaxaren da detaqtac, 'eeta': «Ñim Qagueta Llalec maye qoỹaneuo co'ollaxa da qaỹavigaxat da qaỹauo'o nachetaqtaxanaqte, nacheñi nagui ñi taiguet da ỹaconeguet da namaxasoxonaxac qataq da nsallaxa, naỹaanec, qataq da na'añaxac, na'amaqchec, qataq ño'oxonnataguec.»

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Apocalipsis 5:6

Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

2 Pedro 2:1

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.

Colosenses 1:14

ỹachegoxotchigui da l-leuaxa Somaye da qomi' nca'alaxatre'c, qataq da ỹapalaxat 'enauac na qarasouaxashetpi.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

1 Corintios 7:23

Cha'aye ỹataqta lta'araic da lashiichiỹaxac co'ollaxa da desheenaxanalo qami' Ñim Lo'onatac 'Enauacna, da yaqto' qami' lalamaqa'ate. Ỹoqo'oye saishet da qanashiñiita da qami' l-lataqa ca choche shiỹaxaua.

Salmos 149:1

¡Qaỹo'oxoren qome Ñim Nataxala'! Qauo'onaxañeeto'ot qome Ñim Nataxala' qauo'oñi qome ca dalaxaic no'onec, qavio'oxoyiñi qome da qaualequiitaigui na ỹa'amaqteetac Ñimaye.

Salmos 33:3

qauo'oñi ca dalaxaic no'onec, ỹataqta qauaỹamaxachiichiguiñi da qarvicnaxanaxaqui, da qavio'oxoyiñi Ñimaye.

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

Apocalipsis 11:9

Nache ivittre'c caua tres na'axa'te qataq ca laiñi ca lỹa na'a'q da imeteetac da lo'ocỹaxa'c caamaye na ỹotta'a't shiỹaxauapi maye ỹotta'a't na la'aqtacpi. Qataq saishet da qaỹashe'n da qailalyiñi da lo'ocỹaxa'c.

Salmos 144:9

'Am Nataxala', aỹem so'on qome ca dalaxaic ỹo'onec, qataq sauota'a aca ivique arpa da 'am sho'oxoren.

Salmos 98:1

Qauo'oñi qome ca dalaxaic no'onec da qauo'onaxañiito'ot Ñim Nataxala', cha'aye Ñimaye ỹo'ot na huo'o da na'aalaxa, cha'aye na aloiguishec qataq qui'itta lhuaq ivira'a da doxonaxan.

Salmos 96:1

Qauo'oñi ca dalaxaic no'onec da qauo'onaxañiito'ot Ñim Nataxala', qauo'onaxañiito'ot Ñim Nataxala' 'enauac qami' maye qoñiitalec ana 'alhua.

Daniel 3:4

Qaq som qaipataxaguet da ỹa'axat da qanayecot da qaỹo'ot se'eso naỹonaxac na'axannec da lavilỹaxac da detaqa 'eeta': Qami' nhuo' le'ecpi, qataq qami' ỹotta'a't shiỹaxauapi, qataq qami' maye ỹotta'a't naua qara'aqtaqalle', ña qana'axaỹaxañiichiguiñi:

Isaías 42:10

Qauo'oñi ca dalaxaic no'onec da qauo'onaxañiito'ot Ñim Nataxala', nam netaña nam qaỹoqta 'alhua qalaq ỹo'oxoren qome Ñimaye, qataq nataqa'en nam quetalec aso auaxai qataq nam shiguiỹacpi maye huetangui asomaye, qataq nam netalec nam ỹaqauga 'alhuapiolec aso auaxai.

Hebreos 11:14

Qaq ỹoqta ỹaatec qone', da nam ỹa'amaqten de'era, nache namayepi ñaq nmittaique cam ỹoqta lalamaxat na'alhua.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Daniel 6:25

Qaq huaña nache so nta'a Darío, ỹauo'o so lerec da taỹa'a naqa'en na ỹotta'a't shiỹaxauapi, qataq nam ỹotta'a't naua la'aqtaqa maye netalec se'eso 'alhua, nache 'eeta': «Huo'o qome da qarlagaxayiqui, qataq qaica ca qaviñiitaique,

Daniel 4:1

Qaq aỹem nta'a Nabucodonosor, sanem da ỹa'aqtac 'enauac na nhuo' le'ecpi, qataq na ỹotta'a't shiỹaxauapi, qataq na ỹotta'a't naua la'aqtaqa maye netalec ne'ena 'alhua, da sauotaique da namayepi nquictauec da l-lagaxayec.

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.

Efesios 5:19

Qaq da ivita da qana'aqtaxañiỹa't qalaq nataqa'en qauo'oñi na ỹotta'a't no'onecpi maye chegoqo'ot So Saqcha'a Na'añaxac Qui'itta. Qataq qavio'oxoyiñi Ñim Lo'onatac 'Enauacna ỹataqta imauec da qarquiyaqteỹaxaqui.

Apocalipsis 10:11

Ime, nache aỹem qoỹenapega, qoỹeeta': «'Am iuen da 'aua'aqtaxanem na ỹotta'a't shiỹaxauapi ana 'alhua maye nataqa'en ỹotta'a't na la'aqtacpi qataq da lo'oxoỹaxac, nataqa'en na qalota nta'alpi ana 'alhua dam 'eetapeguec Ñim Lo'onatac 'Enauacna.»

Apocalipsis 13:7

Nataqa'en qaỹasheetem se'eso shiguiỹac leguemaxaic da iloquiaxan 'enauac nam lalamaxatpi Ñim Lo'onatac 'Enauacna, qataq ivitta'a da 'enauac loxonec. Qataq qoỹami' da la'añaxac da yaqto' maiche ỹoiqueetac 'enauac nam ỹotta'a't shiỹaxauapi maye ỹotta'a't na la'aqtacpi qataq ỹotta'a't na netañapi ana 'alhua.

Apocalipsis 15:3

Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.

Apocalipsis 17:15

So namaxashec piguem le'ec nataqa'en aỹem 'enapega, 'eeta': «Ne'ena talapi maye 'aulota'a maye nso'ootalec añi 'alo maye quisheguetaxai, namayepi nachena na ỹotta'a't shiỹaxauapi maye ỹotta'a't na la'aqtacpi.