Apocalipsis 5:6 - La'aqtaqa Ñim Lo'onatac 'Enauacna 2013

⁶ Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.

Nuevo Testamento Toba Sur

⁶ Nachi sela'a so huetangui na laiñi som so'onqa', huetanguilo soua cuatro shiguiÿac qataq so nquedoxonecpi. Somayi 'eeta'am na qagueta llalec. Qaq somayi nachattañi, qaq yi'oqta da 'eetec co'ollaq qaÿalauat. Qaq somayi siete ana lcouepi qataq siete naua l'ai'te. Qaq ne'enaua l'ai'te nachinaua naua siete saq cha'alo mayi namaxalo 'enauac ana 'alhua ñi Dios.

Nuevo Testamento Toba Sombrero Negro

⁶ Chane'eja 'uo jo'me jauana jo'ne dajotalegue jo'me nejaliaĝaiqui jo'ne je'onaĝaiqui chaqaja'me cuatro yejidi, da'me uetañgui laeñi jaa'me 'yaĝaicachidi: nach'ejo jo'ne 'Naĝanaĝate Lec'oĝot da'me nechatetañe, qalaĝaja di'yoq da'me naqaeñe ñe'me jo'ne joote qoyalat; uo'oe gaa'me siete jo'ne lepeel, nataq'aen jogaa'me 'lae'te jo'ne siete. Gaa'me 'lae'te naqaegaua gaa'me siete lepaqa'li joñe'me Dios jo'ne qonamaĝata yema jena'me aleua.

Apocalipsis 5:6 Referans Kwoze

Zacarías 4:10

«Cha'aye nam qaica ca ỹanapoigui som saq 'amaqtaq maye chegoqchiguiña de'era no'onataxanaxac, namayepi ntonapigui' qom ila'a so Zorobabel da imatta de'era no'onataxanaxac.» Qaq ime, nache so namaxashec piguem le'ec qaltaq, 'eeta': «Ñe'eñeua siete ncoỹaraxanaxaqui', nache la'aitel Ñim Nataxala', maye imeteetrac 'enauac ana 'alhua.»

Apocalipsis 5:12

Qaq somayepi ỹataqta nlamaxaren da detaqtac, 'eeta': «Ñim Qagueta Llalec maye qoỹaneuo co'ollaxa da qaỹavigaxat da qaỹauo'o nachetaqtaxanaqte, nacheñi nagui ñi taiguet da ỹaconeguet da namaxasoxonaxac qataq da nsallaxa, naỹaanec, qataq da na'añaxac, na'amaqchec, qataq ño'oxonnataguec.»

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Zacarías 3:9

'Am Josué, ña 'aumeten nam coma' maye 'am sataxanot, namaye siete naua laỹel. Qaq nache Aỹem qome da sauo'o ca serelec namaye. Qaq ime qome nache huaigui ñaqa'en ca 'oonolec na'a'q da sapalaxat na lasouaxashetpi nam netalec ne'ena 'alhua.

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

Juan 1:36

Qaq co'ollaq ỹauaateguet So Jesús, nache 'enapeco': –Ña qauloỹa, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye chegoqo'ot Ñim Lo'onatac 'Enauacna.

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

Daniel 7:14

Nache somaye qoỹanem da la'añaxac, llo'oxoyec, qataq da no'onataxanaxac, nache na ỹotta'a't shiỹaxauapi, qataq nam ỹotta'a't naua la'aqtaqa do'onataxanot somaye. Qaq dam la'añaxac somaye qalaq nache 'eetai' qome, qataq dam lo'onataxanaxac saishet qome da nlaguiñi.

Hechos 8:32

Qaq som na'aqtac maye itaxaỹaxaatac 'eeta': «Camaye 'eeta'am ana qagueta da qanpetec na laue, qataq 'eeta'am ca qagueta llalec da qaỹauectaua'a ca nalaataqa'. Camaye saishet da ỹa'alaq. Ỹataqta qaica ca nyacnataguec qataq qaỹachetaiya' qalaxaye saishet da dachetattac. Saishet da no'on ca qaỹo'otec; qataq saishet da ivita da huo'o ca llalec cha'aye qanqat da nachaalataxac.»

Apocalipsis 22:3

Qaq yi'iye nỹecpi qaica da hueta'a ca sa ỹaỹamaxaren Ñim Lo'onatac 'Enauacna. Yemaye, nache hueta'a añi nso'onaxaqui Ñim Lo'onatac 'Enauacna qataq Ñim Qagueta Llalec, qaq nam lo'onataxanaxanecpi Ñimaye, nache ỹo'oxoreetac.

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!

Lucas 1:69

Ñimaye qomi' ỹanema cam ỹataqta 'añaxaic Nca'alaxaqui, chegoxoguet so nta'a David maye lamaxashec.

1 Samuel 2:10

Ñim Nataxala' ilaxachigui qome na mpa'aguenaxauapi, nache chegoqo'ot naqa'en na piguem na nqashelgaxa da talec naqa'en namayepi. Ñim Nataxala' nmit qome 'enauac nam huetalec ana 'alhua, qataq ỹanem da la'añaxac ca nta'a maye lca'aguishec, qataq nquictasheguem naqa'en da la'añaxac.»

Habacuc 3:4

Namaye nactaigui na qashelecteguiñi le'eraxa, qataq chegoqtapoiguilo naua lhuaxaye na nqashelgaxa, maye ỹachaxan dam la'añaxac maye saqcha'a.

Miqueas 4:13

¡'Am Sión, qoñisheguem qome, nache 'alaxachigui namayepi! Cha'aye da la'aqtac Ñim Nataxala', 'eeta': «Aỹem, 'am sanem qome da 'ara'añaxac maye 'eeta'am da la'añaxac ca huaca, maye lca'ache naua lcoue qataq bronce naua nna'ache, da yaqto' 'aulaxachigui na qalota shiỹaxauapi, qataq 'auotaxanec da lsallaxa maye ỹachegoxotaigui da lcachaxac, nache aỹem 'aỹa'anot, aỹem Nataxala', maye ỹalamaqte 'enauac ana 'alhua».

Números 7:57

qataq 'oonolec huaca llalec, 'oonolec peenaq, qataq 'oonolec qagueta llalec, maye ivi' 'oonolec vi'i, da yaqto' nachetaqtaxanaxat qaỹavigaxatta,

Daniel 8:3

Qaq so ñamatasheguem nache sela'a so qagueta lhuaraic neto'ot na loigue aso tala. Qaq somaye dos soua lcoue logorail, qaq aso 'oonole soomaye nca'ataxanauo da ñaxat, qalaxaye ỹataqta logorai napacalec aso lỹa.

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»

Apocalipsis 5:11

Ime, qaq aỹem sa'axaỹa da l-lamaxa so qalota namaxashecpi piguem le'ecpi. Somayepi ỹataqta qaica ca ivi' da naloqten, coleesop aso so'onaxaqui, qataq soua cuatro shiguiỹa'c maye nca'altraue'c qataq soua veinticuatro nqueroxonqa.

Apocalipsis 5:13

Nataqa'en sa'axaỹa 'enauac nam lo'onatacpi Ñim Lo'onatac 'Enauacna, 'eeta': «¡'Onaxaic da 'enauac qaỹo'oxoren Ñim nso'ootangui añi so'onaxaqui qataq nataqa'en Ñim Qagueta Llalec! 'Onaxaic da qaiỹaxana Ñim huo'o da llo'oxoyec, qataq Ñim nache 'eetai' da huo'o da na'aalaxa da lamaxasoxonaxac.»

Apocalipsis 5:14

Qaq soua cuatro shiguiỹa'c maye nca'altraue'c 'eetra': «¡Aja', nache 'eetec!» Qaq soua veinticuatro nqueroxonqa ỹa'alyiñi naua l-llectel, nache ỹo'oxoreetrac som nso'ootangui aso nso'onaxaqui qataq So Qagueta Llalec.

Apocalipsis 14:1

Qaq can ime, nache qaltaq ñamatasheguem, nache sela'a So Qagueta Llalec petalec añi qaỹoqotcheguemec 'alhua le'enaxat Sión. Qaq Somaye nache hueta'aguet som ciento cuarenta y cuatro mil shiỹaxauapi maye quetague' Somaye, som qoỹettalec na latap da le'enaxat som Qagueta Llalec qataq da le'enaxat Ñim Lo'onatac 'Enauacna maye Lta'a.

Apocalipsis 21:22

Qalaxaye saishet da huo'o aca sela'a no'onaxanaxaqui se'eso nỹecpi, cha'aye Ñim Lo'onatac 'Enauacna maye Nataxala' maye qaica ca ỹaqalanapec, Ñimaye nacheñi ñi 'eeta'am da no'onaxanaxaqui, nataqa'en Ñim Qagueta Llalec.

Números 7:39

qataq 'oonolec huaca llalec, 'oonolec peenaq, qataq 'oonolec qagueta llalec maye ivi' ye 'oonolec vi'i da yaqto' lachetaqtaxanaxat qaỹavigaxatta,