Apocalipsis 5:12 - La'aqtaqa Ñim Lo'onatac 'Enauacna 2013

¹² Qaq somayepi ỹataqta nlamaxaren da detaqtac, 'eeta': «Ñim Qagueta Llalec maye qoỹaneuo co'ollaxa da qaỹavigaxat da qaỹauo'o nachetaqtaxanaqte, nacheñi nagui ñi taiguet da ỹaconeguet da namaxasoxonaxac qataq da nsallaxa, naỹaanec, qataq da na'añaxac, na'amaqchec, qataq ño'oxonnataguec.»

Nuevo Testamento Toba Sur

¹² Qaq ÿataqta nlamaxaden da lavilÿaxac, 'eeta': Ñim qagueta llalec mayi qaÿalauat co'ollaxa da qaÿauo'o nachitaqtaxanaqte, ñimayi ÿataqta 'itchiguiñi da qoÿanem da damaxasoxonapec qataq da nsallaxa, naÿajnec, qataq da n'añaxac, n'amaqchic, ñi'oxoyic, qataq ñi'oxonnataguec.

Nuevo Testamento Toba Sombrero Negro

¹² qama'le nete'tape da'me yo'o'n da'me dojo': “¡Joñe'me 'Naĝanaĝate Lec'oĝot jo'ne qoyalat Nach'eñe jo'ne tachigui da'me yataqata qo'nonaĝachigui Jouaĝat da'me 'uo da'me lañoqotaĝanaĝac let'adaic Choqoda'me neuoyaĝac choqoda'me nayatenaĝanaĝac Choqoda'me qaya'te yaqalaatac choqoda'me 'lonaĝac! ¡'Noota qom jalcote da'me qo'nonaĝachigui joñe'me!”

Apocalipsis 5:12 Referans Kwoze

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Apocalipsis 19:1

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, chemqot na piguem, 'eeta': «¡'Enauac qome da qaỹo'oxoren Ñim Nataxala'! Ñim Qarta'a maye Lo'onatac 'Enauacna ỹataqta 'añaxaic, ỹoqo'oye qomi' nca'alaxatre'c. Qaq ỹoqo'oye nacheñi ñi lalamaxat da na'añaxac qataq da ño'oxoyec.

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Apocalipsis 7:12

'eeta': «¡Sho'oxonnaqtac Ñim Qarta'a maye Lo'onatac 'Enauacna! ¡Aja' nache 'eetec! Ỹataqta huo'o da qara'aalaxa da na'aqtaguec qataq da laỹaanec, qataq da lamaxasoxonaxac, qataq da la'añaxac. Sanqot Ñim Qarta'a maye Lo'onatac 'Enauacna da qana'achec, souaxat dam qaica ca loga't llo'oxoyec. ¡Aja', nache 'eetec!»

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Apocalipsis 5:6

Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

Apocalipsis 5:13

Nataqa'en sa'axaỹa 'enauac nam lo'onatacpi Ñim Lo'onatac 'Enauacna, 'eeta': «¡'Onaxaic da 'enauac qaỹo'oxoren Ñim nso'ootangui añi so'onaxaqui qataq nataqa'en Ñim Qagueta Llalec! 'Onaxaic da qaiỹaxana Ñim huo'o da llo'oxoyec, qataq Ñim nache 'eetai' da huo'o da na'aalaxa da lamaxasoxonaxac.»

1 Timoteo 1:17

Ỹoqo'oye nagui sanaxam da qayo'oxonnataxanaxa qataq da qaryacnataxanaxac Ñim Lta'a 'enauac nam shiỹaxauapi maye choche tatec, Ñim qaica ca loga't qataq saishet da qaila'a. Ñimaye nacheñi Ñim Lo'onatac 'Enauacna maye qaica ca lỹa 'ena'am, qataq ỹaanaxanaxaic. Aja', nache 'eetec de'era.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Apocalipsis 1:6

Nataqa'en So Cristo qomi' ỹanema da qaro'onataxanaxac da 'eeta'am da lo'onataxanaxac na nta'alpi maye ilotague' na 'alhuapi qataq qomi' ỹanaguilo da qomi' ltaxaỹaxanaxanaqa naqa'en na shiỹaxauapi da so'onataxanaqot Ñim Lo'onatac 'Enauacna maye Lta'a. Qaq ỹoqo'oye ¡'Enauac da qoñiita qavio'oxoyiñi So Jesucristo, cha'aye 'oonolec Somaye da hueto'ot 'enauac da na'añaxac ana 'alhua! Aja', nache 'eetec.

Apocalipsis 5:8

Qaq co'ollaq chochaq ỹo'ot de'era, nache soua cuatro shiguiỹa'c maye nca'altraue'c qataq soua veinticuatro nqueroxonqa ỹa'aroto naua l-llectel Somaye. Qaq ñi 'oonolec se'esoua nqueroxonqa huo'o ana lvique, qataq lasoqta'a soua ỹomaxaqui' maye nlaqchigui na nchenaxanaxat ama na laita maye naigui da nqouagaxaunaxac na lalamaxatpi Ñim Lo'onatac 'Enauacna.

Apocalipsis 6:1

Qaq co'ollaq choche nqat aso 'oonole soua siete na'anaxanaqtel se'eso Qagueta Llalec, nache aỹem sa'axaỹa so 'oonolec se'esoua cuatro shiguiỹa'c maye nca'altraue'c da lavilỹaxac 'eeta'am na nalataxa, 'eeta': «¡'Aỹala, ña 'anquigueuo!»

Apocalipsis 15:3

Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.