Apocalipsis 5:11 - La'aqtaqa Ñim Lo'onatac 'Enauacna 2013

¹¹ Ime, qaq aỹem sa'axaỹa da l-lamaxa so qalota namaxashecpi piguem le'ecpi. Somayepi ỹataqta qaica ca ivi' da naloqten, coleesop aso so'onaxaqui, qataq soua cuatro shiguiỹa'c maye nca'altraue'c qataq soua veinticuatro nqueroxonqa.

Nuevo Testamento Toba Sur

¹¹ Ime, qaq aÿim ñamatashiguem, nachi sa'axaÿa da lavilÿaxac so ÿataqta qalota namaxashic piguem l'ecpi coleesop aso so'onaxaqui qataq soua shiguiÿac qataq soua nquedoxonqa. Qaq ÿataqta qaica ca ishit da naloqten somayipi.

Nuevo Testamento Toba Sombrero Negro

¹¹ Mane'e da'me yitaĝa jec'aten, qama'le jomachiya da'me lajamaĝa ga'me piyem laje'pi jo'ne yataqata jalcote, naqaegaua jo'ne equejop jaga'me je'onaĝaiqui choqogaa'me yejidi nataq'aen jogaa'me 'yaĝaicachidi,

Apocalipsis 5:11 Referans Kwoze

Daniel 7:10

qaq nache chegoqtegueua'a somaye so la'auaxac na norec. Qataq do'onataxaatacot somaye som qalota maye sa qaivi' da naloqten. Qaq so qanayecot so ntaxaỹaxac nache qaỹauachigui aso nerepi.

Hebreos 12:22

Qami' qalaxaye mashe qanquiquiiua'a añi saqaỹoqotcheguemec 'alhua maye le'enaxat da Sión, añim netalec ye nỹecpi maye lalamaxat Ñim Lo'onatac 'Enauacna maye nache 'eetai' da nca'altauec. Yi'iye nỹecpi nacheye ye Jerusalén maye neta'ague da piguem, yem hueta'a nam ỹataqta qalota namaxashec piguem le'ecpi da ỹo'oxoreetac Ñim Lo'onatac 'Enauacna,

Apocalipsis 4:6

Qaq yi'iye naloteuga asa'aso so'onaxaqui nataqa'en huo'o so ỹataqta chauec, 'eeta'am na 'etaxat da qui'itta qataq nataqa'en, 'eeta'am aso auaxai ye lcachiguiñi. Qaq na laiñi soua so'onaxaqui', nache hueta'alo soua cuatro shiguiỹa'c maye nca'altraue'c. Qaq soomaye imauec na lo'oc da huo'o ana la'aitepi dam datata'ague qataq na l-laq.

Apocalipsis 4:4

Nataqa'en huo'oi soua veinticuatro lỹa't so'onaxaqui', maye coleesopa aso late'erai so'onaxaqui. Qaq soomaye nso'ootanguilo soua veinticuatro nqueroxonqa. Qaq se'esoua nqueroxonqa ỹaatrañi naua alogo maye qaica ca 'ena'am da lapagaqa', qataq naua naro'ol ndotec ana chegaqaigui na oro.

Salmos 148:2

¡Qavio'oxoreñi 'enauac qami' maye qami' lamaxashecpi Ñimaye! ¡Qavio'oxoyiñi 'enauac qami' maye qami' nalleppi Ñimaye!

Salmos 68:17

Ñim Lo'onatac 'Enauacna ỹataqta qalota ana laigonapi maye nalaataxaquipi, qaq nache chegoqchiguiña añi qasoxonaxa Sinaí da netangui anamayepi da naỹa añi lalamaqte atamnaxaqui.

Apocalipsis 19:6

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, 'eeta'am da l-lamaxa na lta'araic la'auaxac qataq na lta'araic nalataxa, 'eeta': «¡'Enauac qome da qaỹo'oxoren Ñim Lo'onatac 'Enauacna, Ñim Nataxala' maye qaica ca ỹaqalanapec, cha'aye Ñimaye mashe do'onataxan!

Apocalipsis 7:11

Qaq 'enauac som namaxashec piguem le'ecpi nachattañi, coleesop aso so'onaxaqui, qataq soua nqueroxonqa, qataq soua cuatro shiguiỹa'c maye nca'altraue'c. Nache somayepi ỹa'alyiñi naua l-llectel, ỹataqta iviraxata'agueta naua lata'api naqa'en ana 'alhua, nache ỹo'oxoreetac Ñim Lo'onatac 'Enauacna,

Apocalipsis 5:14

Qaq soua cuatro shiguiỹa'c maye nca'altraue'c 'eetra': «¡Aja', nache 'eetec!» Qaq soua veinticuatro nqueroxonqa ỹa'alyiñi naua l-llectel, nache ỹo'oxoreetrac som nso'ootangui aso nso'onaxaqui qataq So Qagueta Llalec.

Apocalipsis 5:6

Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Salmos 103:20

Qavio'oxoyiñi qome Ñim Nataxala' qami' namaxashecpi piguem le'ecpi maye qami' 'añaxaicpi qataq qaupaquiichiguilo naua la'aqtaqa, qataq qaualaqaigueta naua lamaxasoxonaxaco Ñimaye.

Deuteronómio 33:2

'eeta': «Ñim Nataxala' chegoqtelec añi Sinaí, nache qomi' icoỹareleguete hualec añi Seír. Qaq na lqashelgaxa qalaq chegoqtelec aye qasoxonaxapi ye Parán, nache ivira'a ye Meribá Cadés, qaq na aloiguishec lhuaq, nache 'ettaigui so nasoqta'a nqataxacpi.

Judas 1:14

So Henoc som huetoigui da siete nqochen na llalaqpi so Adán, somaye ỹa'axata'a co'ollaxa ne'ena shiỹaxauapi co'ollaq 'eeta': «Ñaq qauloỹa Nam Lo'onatac 'Enauacna anacta, nnaictague' na qalota maye saishet da qaivi' da qanaloqten lamaxashecpi piguem le'ecpi.

Apocalipsis 5:8

Qaq co'ollaq chochaq ỹo'ot de'era, nache soua cuatro shiguiỹa'c maye nca'altraue'c qataq soua veinticuatro nqueroxonqa ỹa'aroto naua l-llectel Somaye. Qaq ñi 'oonolec se'esoua nqueroxonqa huo'o ana lvique, qataq lasoqta'a soua ỹomaxaqui' maye nlaqchigui na nchenaxanaxat ama na laita maye naigui da nqouagaxaunaxac na lalamaxatpi Ñim Lo'onatac 'Enauacna.

Apocalipsis 9:16

Ime, qaq sa'axaỹa ye lcata so alleppi maye nalaataxala' na caaỹo, qaq ivi' na doscientos millones.