Apocalipsis 5:1 - La'aqtaqa Ñim Lo'onatac 'Enauacna 2013

¹ Qaq aỹem sela'a aso nere qainaata'a't huetaigui na lhuaq aloiguishec so nso'ootangui aso so'onaxaqui. Ana lauepi asomaye qalaq 'enauaque naua laỹel da huo'o na leraxat. Qaq asomaye qaitoqootaleguete soua siete na'anaxanaqtel da qaỹapotagui.

Nuevo Testamento Toba Sur

¹ Ime, qaq aÿim sela'a aso nede hueta'ague na lhuaq aloic so nso'ootangui aso so'onaxaqui. Asomayi 'eeta'am ana naqta, qoÿittalec na pa'auo qataq na pa'auec. Qaq asomayi qaitoqootalguete soua siete n'anaxanaqte da qaÿapotagui.

Nuevo Testamento Toba Sombrero Negro

¹ Ga'me louaq jo'ne yayaten joñe'me jo'ne netañgui jañe'me je'onaĝaiqui, jauana ga'me nenañejec jo'ne uedaye naa'me nedii's nach'e ena'am ga'me p'aye, nataq'aen da'me siete qoyetouoĝolegue jaga'me 'nanaĝanaqate.

Apocalipsis 5:1 Referans Kwoze

Isaías 29:11

Qaq 'enauac na l-loxocpi maye ỹachaxan, 'eeta'am ca nerec maye huetalec aca napotagui nere, da qoỹanem cam ỹaỹaten da itaxaỹaxan acamaye nache qoỹenapega qoỹeeta': «'Autaxaỹaxan ana'ana», nache camaye, 'eeta': «Sa seshet da setaxaỹaxan cha'aye anamaye napotagui.»

Apocalipsis 5:7

Qaq se'eso Qagueta Llalec jec da ỹacona aso nere maye qainaata'a't, huetaigui na lhuaq aloic som nso'ootangui aso so'onaxaqui.

Apocalipsis 10:2

Qaq na lhuaq qalaq nasoqta'a aso nerole ỹauattagui. Qaq so namaxashec piguem le'ec can vi'iiguet, nache na lapia' maye aloic petalec naqa'en aso auaxai, qaq na ne'emaq qalaq petalec naqa'en na 'alhua.

Apocalipsis 6:1

Qaq co'ollaq choche nqat aso 'oonole soua siete na'anaxanaqtel se'eso Qagueta Llalec, nache aỹem sa'axaỹa so 'oonolec se'esoua cuatro shiguiỹa'c maye nca'altraue'c da lavilỹaxac 'eeta'am na nalataxa, 'eeta': «¡'Aỹala, ña 'anquigueuo!»

Apocalipsis 5:13

Nataqa'en sa'axaỹa 'enauac nam lo'onatacpi Ñim Lo'onatac 'Enauacna, 'eeta': «¡'Onaxaic da 'enauac qaỹo'oxoren Ñim nso'ootangui añi so'onaxaqui qataq nataqa'en Ñim Qagueta Llalec! 'Onaxaic da qaiỹaxana Ñim huo'o da llo'oxoyec, qataq Ñim nache 'eetai' da huo'o da na'aalaxa da lamaxasoxonaxac.»

Apocalipsis 4:3

Somaye ỹataqta qashelectapiguiñi, 'eeta'am da lqashelgaxa na coma' le'enaxat diamante, huo'otaq na coma' le'enaxat rubí. Qaq aso so'onaxaqui coleesop so 'eeta'am na quemoxonalo. Qaq da lqashelgaxa somaye qalaq 'eeta'am na coma' le'enaxat esmeralda.

Isaías 8:16

Ỹataqta qauaỹamaxacheetec qome na iqataxacpi qataq qaỹo'oxochiichiguiñi da ỹapaxaguenataxanaxac.

Daniel 8:26

Qaq som 'arauanaqchec co'ollaq 'am qaỹachaxana so avit qataq nte'eta, somaye ỹataqta 'eesa, qalaxaye 'am saishet qome da 'aua'axattac, cha'aye somaye ipacchigui qome da yo'oq qom qaỹoqteguelo naua vi'iye.

Isaías 34:16

Ñaq qannachi' qataq qautaxaỹaxañi ana lere Ñim Nataxala': Qaica da huo'otaq 'oonolec qome ca deqaptauec ne'ena shiguiỹacpi, qataq qaica da huo'otaq 'oonolec qome ca qaca aca lhua, cha'aye Ñim Nataxala' maiche lataxac naqa'en damaye, qataq irolec na maiche la'at qom laỹona't namayepi.

Zacarías 5:1

Qaq aỹem Zacarías, huo'o so lỹa ỹauanaqchec. Aỹem sela'a aso nere maye huo'o so leraxat, asomaye huaỹotac.

Apocalipsis 4:9

Qaq se'esoua cuatro shiguiỹa'c maye nca'altraue'c do'onaxaata'ape qataq ỹaatracot da na'achecỹaxac som nso'ootangui aso so'onaxaqui maye chochaq tatec da nachaalataxac. Qaq so lo'one'c soomaye ỹa'axat da llo'oxoyec qataq da la'añaxac qataq da nacheñi Ñimaye da taiguet da huo'o naq 'enec qanqa'en. Qaq naxa da 'eetec de'era se'esoua shiguiỹa'c maye nca'altraue'c, nache se'esoua veinticuatro nqueroxonqa ỹa'aroto naua l-llectel som nso'ootañi, nache ỹo'oxoreetrac, qataq nqa't naua naro'ol da ỹacho'oto aso so'onaxaqui. Ime, qaq do'onaxa'n soomaye 'eetra':

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!

Apocalipsis 8:1

Qaq se'eso Qagueta Llalec can ivita da nqat aso pa'atec soua siete na'anaxanaqtel, nache 'enauac na piguem ỹataqta ntochiguiñi, ivi' media hora.