Apocalipsis 4:9 - La'aqtaqa Ñim Lo'onatac 'Enauacna 2013

^9-10 Qaq se'esoua cuatro shiguiỹa'c maye nca'altraue'c do'onaxaata'ape qataq ỹaatracot da na'achecỹaxac som nso'ootangui aso so'onaxaqui maye chochaq tatec da nachaalataxac. Qaq so lo'one'c soomaye ỹa'axat da llo'oxoyec qataq da la'añaxac qataq da nacheñi Ñimaye da taiguet da huo'o naq 'enec qanqa'en. Qaq naxa da 'eetec de'era se'esoua shiguiỹa'c maye nca'altraue'c, nache se'esoua veinticuatro nqueroxonqa ỹa'aroto naua l-llectel som nso'ootañi, nache ỹo'oxoreetrac, qataq nqa't naua naro'ol da ỹacho'oto aso so'onaxaqui. Ime, qaq do'onaxa'n soomaye 'eetra':

Nuevo Testamento Toba Sur

⁹ Qaq naxa da se'esoua shiguiÿac da ÿi'oxode'n, ÿi'oxodeetrac, qataq ÿanoto da ntonaxa'c som nso'ootangui aso so'onaxaqui mayi chochaq tateec da nachaalataxac,

Nuevo Testamento Toba Sombrero Negro

⁹ Chane'eja nale jogaa'me yejidi 'nonaĝachidegue joñe'me jo'ne ñichiñe netañgui jaga'me je'onaĝaiqui, nach'eñe ñe'me jo'ne nach'e eta't da'me nec'aletaye, nataq'aen da'me yatem da'me lamai'j,

Apocalipsis 4:9 Referans Kwoze

Apocalipsis 10:6

Nache ỹan da la'aqtac chegoqchigui da la'añaxac naqa'en Ñim Lo'onatac 'Enauacna da ipacchigui da ỹa'axat nache 'eeta': Ñim Lo'onatac 'Enauacna mashe saishet da huo'o ca iuatta'a. Qom ỹashiiyigui ara lasheere dam 'oonolec daua siete namaxa'she piguem lashe', nache Ñim Lo'onatac 'Enauacna ỹo'ot nam lapaqtañipi maye saishet da qaỹaỹaten. Qataq ỹo'ot 'enauac nam ỹa'axattac co'ollaxa som la'aqtaxanaxanecpi. Qaq se'eso namaxashec piguem le'ec ỹan da la'aqtac chegoqchigui da la'añaxac Ñim Lo'onatac 'Enauacna maye nache 'eetai' da nca'altauec qataq lo'onatac 'enauacna.

Apocalipsis 15:7

Nache so 'oonolec soua cuatro shiguiỹa'c maye nca'altraue'c ỹami' aso ỹomaxaqui nlaqchigui na lataxa ñi 'oonolec soua namaxa'she piguem lashe'. Qaq se'esoua siete ỹomaxaqui' maye huetagui na lataxa, naigui da layeloxo Ñim Lo'onatac 'Enauacna Ñim nache 'eetai' da nca'altauec.

Salmos 47:8

Ñim Lo'onatac 'Enauacna ilotague' 'enauac na ỹotta'a't shiỹaxauapi, Ñim Lo'onatac 'Enauacna nso'ootangui añi qui'itta nso'onaxaqui.

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Daniel 4:34

Qaq co'ollaq ipacchigui som qalapaxañi da ñeuaxanaguec, nache aỹem Nabucodonosor samato'ot na piguem, nache ñanomteguet da aỹem qanataren nache qaica so aỹoic, qaq huaña nache sanot da ña'achecỹaxac Ñim Lo'onatac 'Enauacna maye Nataỹaña 'Enauacna nache sho'oxoren Ñim nache 'eetai' da nca'altauec, sheeta': «Da 'ara'añaxac qalaq chochaq tatec qome, da 'aro'onataxanaxac qalaq qaica ca loga't.

Daniel 12:7

Qaq so shiỹaxaua maye ỹaatrañi soua alogo maye chegaqaiguilo na lino, ỹaayeshigue'm naua lhuaxaye ỹachaxanoto na piguem, nache ỹan so la'aqtac ỹachegoxotchigui da le'enaxat Ñim Lo'onatac 'Enauacna maye Nca'altauec, nache, 'eeta': Qom inoxoore'c caua tres y medio vi'iye, qom mashe vi'iiguet da nlaqtaguec da la'añaxac nam nhuo' le'ecpi, huaña qome nache ime de'era.

Salmos 48:14

Da Ñim Qanatamnaxala', Ñimaye chochaq tatec. Qaq Ñimaye nache 'eetai' qome da qomi' ỹauecta'agueta.

Éxodo 15:18

¡Ñim Nataxala' chochaq tatec da ilotague' 'enauacna!»

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

Hebreos 7:8

Na ntaxaỹaxanaxanecpi maye ỹacootapeeguet nagui ana diezmo, namayepi choche shiỹaxauapi, ỹoqo'oye taỹa'a da ileu. Qalaxaye so Melquisedec nache 'eetai' da nca'altauec, cha'aye ana nere maye huetalec na la'aqtacpi Ñim Lo'onatac 'Enauacna saishet da ỹa'axat da ileu somaye.

Deuteronómio 32:40

Aỹem sachaxaayisheguema na piguem naua ihua'q da san da ỹa'aqtac, nache sheeta': ¡Aỹem maye nache sheetai' qaica ca ỹoga't!

Isaías 6:1

Qaq huetoigui so vi'i maye huaigui da ileu so nta'a Uzías, da aỹem sela'a Ñim Nataxala' da nso'ootangui aso ỹataqta qaỹoqotcheguemec nso'onaxaqui, qaq naua laỹel so lapo' qalaq imattaigui aso atamnaxaqui.

Apocalipsis 4:2

Qaq nache saqaỹaloq da souaigui da la'añaxac So Saqcha'a Na'añaxac Qui'itta, nache sela'a aso 'eeta'am ana nso'onaxaqui na nta'a, neto'ot na piguem. Qaq asa'aso so'onaxaqui huo'o so nso'ootangui.

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»

Apocalipsis 5:1

Qaq aỹem sela'a aso nere qainaata'a't huetaigui na lhuaq aloiguishec so nso'ootangui aso so'onaxaqui. Ana lauepi asomaye qalaq 'enauaque naua laỹel da huo'o na leraxat. Qaq asomaye qaitoqootaleguete soua siete na'anaxanaqtel da qaỹapotagui.

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!

Apocalipsis 7:15

Qaq ỹoqo'oye nagui namayepi datataua'a añi nso'onaxaqui Ñim Lo'onatac 'Enauacna, qataq ima'ape naua na'axa'te qataq naua pesa'ache, da do'onataxaatacot Ñimaye da huetaua'a añi lo'onaxanaxaqui. Qaq Ñim Lo'onatac 'Enauacna hueta'aguet namayepi, qataq npaxattalec.

Apocalipsis 21:5

Nache Ñim Lo'onatac 'Enauacna maye nso'ootangui aso nso'onaxaqui da nta'a 'eeta' da la'aqtac: «¡Aỹem ñaralaxat 'enauacna!» Nataqa'en 'eeta': «'Iyiñi qome ne'enapi, cha'aye ne'ena na'aqtacpi ỹataqta 'eesa qataq ishet da qaipi'iỹa'a.»