Apocalipsis 4:7 - La'aqtaqa Ñim Lo'onatac 'Enauacna 2013

⁷ Qaq so la'auaxanec se'esoua shiguiỹa'c, somaye 'eeta'am na lỹa quiyoc; qaq so lỹa qalaq 'eeta'am na huaca lhuaraic; qaq so lỹa qalaq 'eeta'am na shiỹaxaua, qaq so lỹa qalaq 'eeta'am na vi'ic da huaỹotac.

Nuevo Testamento Toba Sur

⁷ Qaq so l'auaxanec se'esoua shiguiÿac, somayi 'eeta'am na león. Qaq so lÿa qalaq 'eeta'am na huaca. Qaq so lÿa qalaq 'eeta'am na shiÿaxaua na lashic. Qaq so lÿa qalaq 'eeta'am na vi'ic da huaÿotac.

Nuevo Testamento Toba Sombrero Negro

⁷ Jaa'me jaajo' yejidi polio' 'uo jo'me onolec jo'ne ena'am ta'le jauaĝaic da'me 'loyaĝac, qama'le jo'me dajoyalegue ena'am ta'le uaca c'oĝot, qama'le jo'me p'ayalegue 'uo da'me 'loyaĝac na'me latajoĝoc jo'ne ena'am ta'le jiyaĝaua, nataq'aen jo'me p'ategue ena'am ga'me uole qom uayotac.

Apocalipsis 4:7 Referans Kwoze

Ezequiel 10:14

Qaq ñi 'oonolec se'esoua huo'oi naua laua't, qalaq cuatro naua lashego, so hua'auchiguiñi qalaq 'eeta'am na lashec na huaca lhuaraic, qaq so ca'atalec qalaq 'eeta'am na lashec na shiỹaxaua, qaq so lỹa qalaq 'eeta'am na lashec na llon, qaq so pa'atec qalaq 'eeta'am na lashec na vi'ic.

Ezequiel 1:10

Qaq da lasheguiỹaxa'c se'esoua cuatro da lataxa'c, 'eeta': Na dataỹaueegue qalaq 'eeta'am da lasheguiỹaxac na shiỹaxaua, qaq so pa'aigue na aloic qalaq 'eeta'am na llon, qaq so pa'aigue na ne'emaq qalaq 'eeta'am da lasheguiỹaxac na huaca lhuaraic, qaq so pa'aigue na l-laq qalaq 'eeta'am da lasheguiỹaxac na vi'ic.

Ezequiel 10:21

Qaq ñi 'oonolec soomaye qalaq cuatro naua lashego, qataq cuatro naua laua't, qaq na mpa'aguiñi naua laua't qalaq yo'oqta so 'eeta'am na lhuaq na shiỹaxaua.

Apocalipsis 4:6

Qaq yi'iye naloteuga asa'aso so'onaxaqui nataqa'en huo'o so ỹataqta chauec, 'eeta'am na 'etaxat da qui'itta qataq nataqa'en, 'eeta'am aso auaxai ye lcachiguiñi. Qaq na laiñi soua so'onaxaqui', nache hueta'alo soua cuatro shiguiỹa'c maye nca'altraue'c. Qaq soomaye imauec na lo'oc da huo'o ana la'aitepi dam datata'ague qataq na l-laq.

Daniel 7:4

So hua'auchiguiñi da nnoxoosheguem qalaq 'eeta'am na llon, qalaxaye huo'oi naua laua't 'eeta'am na vi'ic. Qaq so ñaq semeteetac, nache qanapo'c soua laua't, nache qanachalataxaañi da 'eeta'am qanqa'en na shiỹaxaua da nachattañi, nache ye lapio'oxo ỹe'eguelaxa da 'eeta'am na lapio'oxo na shiỹaxaua.

Ezequiel 1:8

Qataq huo'oi naua lashego qataq naua laua't naua cuatro laỹel, qaq naua pa'aguiyiñi naua laua't, nache huo'oi naua lhuaxaye, 'eeta'am na shiỹaxaua lhuaq.

Isaías 40:31

qalaxaye nam ỹataqta pi'iỹa'a Ñim Nataxala', namayepi dalaxaicta'aguet qome da la'añaxac, nache ishet qome da huaỹo 'eeta'am na vi'ic, qataq ishet da chegaqañi qalaxaye sa nqui'itec, qataq queuoỹapigui' qalaq saishet da nasamñi.

Deuteronómio 28:49

Ñim Nataxala', 'am namaxa qome ca shiỹaxauapi maye chegaqa'a ca ỹataqta qaỹoqta 'alhua, qaq camayepi ỹataqta sailaua'ague 'eeta'am da naloxoyaxac ca taga' da huaỹotac, cam shiỹaxauapi maye saq 'aua'axaigueta naua la'aqtaqa,

Abdías 1:4

Qalaxaye na'aictaxa da qoneta'am ca vi'ic maye huaỹotac na piguem, qataq da 'aỹa'anaigui ana huaqaañipi ca 'arpata'c, qalaxaye nache 'am sachegoxotchiguiña qome camaye da 'auanaañi ñaqa'en». Qaq 'era da la'aqtac Ñim Nataxala'.

Proverbios 28:2

Da huo'o da loquiaxac ca qanayeutaña 'alhua, nache ỹo'ot da nquictauec na nataxala'pi, qalaxaye ca nataxala' maye huo'o na ỹaỹaten da ilo'ogue camaye nache ỹaỹamaqchiguiñi naqa'en da lataxac que'eca qanayeuta'a.

2 Samuel 1:23

So Saúl qataq so Jonatán, soomaye ỹataqta auochaxau', co'ollaq ñaq nca'altrauec, qalaq sa nỹoteegache, qaq 'eeta'am co'ollaq ivita da ileu' nache sa nỹoteegache. ¡Soomaye ỹataqta qayaqaiqa, napacaleguete ca huole da naloxoyaxa'c! ¡Qataq napacalec ca quiyoc da la'añaxa'c!

Génesis 49:9

¡'Am Judá, 'am ỹalcolec! 'Am qoneta'am ca llon llalec da ivita da ỹaxaañi da chec ca loxonec, ime, nache nlaxan, qataq nnaañi, 'eeta'am ca llon lta'araic. ¿Negue'tom ca ishet da sa ỹalemaxat?

1 Corintios 14:20

Qami' ỹaqaỹañicpi, qoñiita'am qome ca nogotolec maye qaica ca lasouaxashet, qalaxaye saishet da qaue'enaxache da lhuennataxac. Nachaqrata da qaue'enaxache da lhuennataxac ca shiỹaxaua ỹe.

Números 24:9

Qaq da nmatec, qalaq 'eeta'am ca quiyoc da nqapaxaatañi, ¡Nache qaica ca ỹe'egueeta'a da nlouec naqa'en! ¡Ỹataqta talec da nchoxonnataxanaxa ca 'am ichoxoren, qaq saishet da talec da nchoxonnataguec ca 'am saichoxoren!»

Números 23:24

Qaq da nachaañi ne'ena nhuo' le'ecpi, qalaq 'eeta'am ca llon da saishet da nasamñi, ivitta'a da ỹachiguiñi ca ltoc, qataq da nỹomgui na ltago'q ca loxonec.»

Apocalipsis 6:3

Qaq se'eso Qagueta Llalec, can qaltaq nqat aso lỹa na'anaxanaqte, nache sa'axaỹa da la'aqtac so lỹa shiguiỹac maye nca'altauec, 'eeta': «¡'Aỹala, ña 'anquigueuo!»

Apocalipsis 6:5

Qaq se'eso Qagueta Llalec can qaltaq nqat aso lỹa na'anaxanaqte, nache qaltaq sa'axaỹa so la'aqtac so lỹa shiguiỹac maye nca'altauec, 'eeta': «¡'Aỹala, ña 'anquigueuo!» Qaq samata'a, nache sela'a so lỹa caaỹo lairaxaic. Qaq so netalec, somaye nasoqta'a aso naloqnaxanaxaqui.

Apocalipsis 6:7

Qaq So Qagueta Llalec can nqat aso pa'atec soua cuatro na'anaxanaqtel maye hua'auchiyiñi da qanqa't, nache sa'axaỹa so la'aqtac so lỹa shiguiỹac maye nca'altauec, 'eeta': «¡'Aỹala, ña 'anquigueuo!»