Apocalipsis 4:6 - La'aqtaqa Ñim Lo'onatac 'Enauacna 2013

⁶ Qaq yi'iye naloteuga asa'aso so'onaxaqui nataqa'en huo'o so ỹataqta chauec, 'eeta'am na 'etaxat da qui'itta qataq nataqa'en, 'eeta'am aso auaxai ye lcachiguiñi. Qaq na laiñi soua so'onaxaqui', nache hueta'alo soua cuatro shiguiỹa'c maye nca'altraue'c. Qaq soomaye imauec na lo'oc da huo'o ana la'aitepi dam datata'ague qataq na l-laq.

Nuevo Testamento Toba Sur

⁶ Qaq yi'iyi naloteuga asa'aso so'onaxaqui nataq'en huo'o aso 'eeta'am ana lapel ÿataqta chañi na l'ec qataq chauec. Qaq ne'enaua laÿil aso so'onaxaqui, nachi hueta'alo soua cuatro shiguiÿac mayi nca'altrauec. Qaq soomayi ÿataqta nlaqchiguilo na l'oc ana l'aitepi.

Nuevo Testamento Toba Sombrero Negro

⁶ Nataq'aen ga'me dajoya'ya jaga'me je'onaĝaiqui nach'e ena'am 'uo ga'me jo'ne ena'am ta'le qa'em lat'edai, jo'ne yaqa'ñe ena'am jaga'me cristal da'me chichiñe. Qama'le di'me laeñi jo'ne neta'ña jaga'me je'onaĝaiqui, ga'me jo'ne mach'e equejopa naa'me lael, uo'oe gaa'me cuatro yejidi polio' jo'ne najaqatelegue jaa'me 'lae'tepi ga'me dajoya'ague choqoga'me netauaqague.

Apocalipsis 4:6 Referans Kwoze

Apocalipsis 15:2

Nataqa'en sela'a so 'eeta'am ana auaxai ye lcachiguiñi ỹataqta chauec ỹalecteguet na norec. Qaq asa'aso 'eeta'am aso auaxai nachattalec som nauec co'ollaxa so shiguiỹac leguemaxaic, qataq saishet da nashen da qaỹauo'o ca na'anaxat na lo'oc da qaỹa'anaxana da le'enaxat so shiguiỹac leguemaxaic qataq saishet da natamnot som ne'enaqtac maye lqui'i somaye. Qaq Ñim Lo'onatac 'Enauacna ỹami' aso lviquepi somayepi.

Apocalipsis 5:6

Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.

Apocalipsis 14:3

Qaq som ciento cuarenta y cuatro mil shiỹaxauapi maye nachattaua'a aso so'onaxaqui qataq soua cuatro shiguiỹa'c maye nca'altraue'c qataq soua veinticuatro nqueroxonqa soomaye ỹo'ootac so dalaxaic no'onec maye saishet da huo'o ca na'a'q nache qaỹa'aqtega. Se'eso no'onec qaica ca ishet da ỹaỹaten na leraxat, nachaqsota som shiỹaxauapi maye qanca'alaxatec, chegoqtoigui na laỹepi shiỹaxauapi maye huetalec ana 'alhua.

Apocalipsis 19:4

Nache soua veinticuatro nqueroxonqa qataq soua cuatro shiguiỹa'c maye nca'altraue'c, soomaye nqapaxanegueta ana 'alhua. Nache 'eetra' da la'aqta'c: «¡Aja', nache 'eetec! ¡'Enauac qome da qaỹo'oxoren Ñim Lo'onatac 'Enauacna!» Ime, nache ỹo'oxoreeta'ape Ñimaye maye nso'ootangui aso nso'onaxaqui da nta'a.

Apocalipsis 5:14

Qaq soua cuatro shiguiỹa'c maye nca'altraue'c 'eetra': «¡Aja', nache 'eetec!» Qaq soua veinticuatro nqueroxonqa ỹa'alyiñi naua l-llectel, nache ỹo'oxoreetrac som nso'ootangui aso nso'onaxaqui qataq So Qagueta Llalec.

Ezequiel 10:14

Qaq ñi 'oonolec se'esoua huo'oi naua laua't, qalaq cuatro naua lashego, so hua'auchiguiñi qalaq 'eeta'am na lashec na huaca lhuaraic, qaq so ca'atalec qalaq 'eeta'am na lashec na shiỹaxaua, qaq so lỹa qalaq 'eeta'am na lashec na llon, qaq so pa'atec qalaq 'eeta'am na lashec na vi'ic.

Ezequiel 10:12

Qaq 'enauac da lo'ocỹaxa'c, naua l-laxaye, naua lhuaxaye, qataq naua laua't da nlaqchiguilo ana la'aitepi, qaq nache 'eeta'ama nataqa'en soua cuatro saxannal.

Apocalipsis 7:11

Qaq 'enauac som namaxashec piguem le'ecpi nachattañi, coleesop aso so'onaxaqui, qataq soua nqueroxonqa, qataq soua cuatro shiguiỹa'c maye nca'altraue'c. Nache somayepi ỹa'alyiñi naua l-llectel, ỹataqta iviraxata'agueta naua lata'api naqa'en ana 'alhua, nache ỹo'oxoreetac Ñim Lo'onatac 'Enauacna,

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Apocalipsis 21:11

Qaq Ñim Lo'onatac 'Enauacna, nacheñi ñi icoỹattalec somaye. Qaq ne'ena le'eraxa 'eeta'am ana 'otaqte maye ỹataqta no'on, 'eeta'am na coma' le'enaxat diamante qataq ỹataqta chauec 'eeta'am na 'etaxat da ỹataqta qui'itta.

Apocalipsis 15:7

Nache so 'oonolec soua cuatro shiguiỹa'c maye nca'altraue'c ỹami' aso ỹomaxaqui nlaqchigui na lataxa ñi 'oonolec soua namaxa'she piguem lashe'. Qaq se'esoua siete ỹomaxaqui' maye huetagui na lataxa, naigui da layeloxo Ñim Lo'onatac 'Enauacna Ñim nache 'eetai' da nca'altauec.

Apocalipsis 21:21

Qaq soua doce laso'omi, qalaq chegaqaigui ana perla. Qaq ñi 'oonolec lasom, qalaq ndotelec ana 'oonole perla da qaỹo'ot. Qaq so nqa'aic ye nỹecpi maye laiñiguishec, qalaq ndotec na oro, ỹataqta chauec, 'eeta'am na 'etaxat da ỹataqta qui'itta.

Apocalipsis 21:18

Qaq se'eso npaqtaxanaxat, somaye lo'oxonaxat na coma' le'enaxat diamante. Qaq so nỹecpi lo'oxonaxat da ndota't oro ỹataqta chauec, qataq ỹataqta yo'oqtelec.

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

1 Reyes 7:23

Qaq ime co'ollaxa, nache so Jirán ỹo'ot aso ỹataqta late'erai lcat bronce, da laỹe' na 'etaxat, asomaye colliichigui. Qaq ye lcachiguiñi na alap da taỹa'ata so lỹa laỹe, nache napacalec ye cuatro metros, qaq ye lshequitcheguema ivi' dos metros y veinticinco centímetros, qaq ye lcata da colliichigui qalaq trece metros y medio.

Da na'aqtaguec so Job 28:17

Saishet da qanaloqnaxaneguet da lashiichiỹaxac na oro huo'otaq ca chauec coma', qataq saishet da nmeneguet qanqa'en na 'otaxat ndotec oro.

Éxodo 38:8

Nache so Besalel ỹo'ot so nỹoxonaxaqui, qataq so lmala' somaye ỹachegoxotaigui so bronce maye ntannaxai so 'alpi maye lo'onataxanaqa' so ñegueuo so npe'l.

Apocalipsis 4:4

Nataqa'en huo'oi soua veinticuatro lỹa't so'onaxaqui', maye coleesopa aso late'erai so'onaxaqui. Qaq soomaye nso'ootanguilo soua veinticuatro nqueroxonqa. Qaq se'esoua nqueroxonqa ỹaatrañi naua alogo maye qaica ca 'ena'am da lapagaqa', qataq naua naro'ol ndotec ana chegaqaigui na oro.

Apocalipsis 5:8

Qaq co'ollaq chochaq ỹo'ot de'era, nache soua cuatro shiguiỹa'c maye nca'altraue'c qataq soua veinticuatro nqueroxonqa ỹa'aroto naua l-llectel Somaye. Qaq ñi 'oonolec se'esoua nqueroxonqa huo'o ana lvique, qataq lasoqta'a soua ỹomaxaqui' maye nlaqchigui na nchenaxanaxat ama na laita maye naigui da nqouagaxaunaxac na lalamaxatpi Ñim Lo'onatac 'Enauacna.

Apocalipsis 5:11

Ime, qaq aỹem sa'axaỹa da l-lamaxa so qalota namaxashecpi piguem le'ecpi. Somayepi ỹataqta qaica ca ivi' da naloqten, coleesop aso so'onaxaqui, qataq soua cuatro shiguiỹa'c maye nca'altraue'c qataq soua veinticuatro nqueroxonqa.

Apocalipsis 6:1

Qaq co'ollaq choche nqat aso 'oonole soua siete na'anaxanaqtel se'eso Qagueta Llalec, nache aỹem sa'axaỹa so 'oonolec se'esoua cuatro shiguiỹa'c maye nca'altraue'c da lavilỹaxac 'eeta'am na nalataxa, 'eeta': «¡'Aỹala, ña 'anquigueuo!»

Apocalipsis 6:6

Nache sa'axaỹa so na'aqtac chemaxangui na laiñi soua cuatro shiguiỹa'c maye nca'altraue'c, 'eeta': «Añi lasheue ca 'onataxanaxaic ye 'oonolec na'a'q, nalotalec da qaisheenaxana ca un kilos na trigo huo'otaq ca un kilos na cebada. ¡Qalaxaye saishet qome da huo'o ca qona'ac na aceite qataq na lataxa!»