Apocalipsis 4:5 - La'aqtaqa Ñim Lo'onatac 'Enauacna 2013

⁵ Qaq asa'aso so'onaxaqui chegoqtapegueua'a na nqashelgaxa, qataq nllimiaxa, qataq datateguet asomaye soua siete ncoỹaraxanaxaqui' 'ettaiguilo, maye nachesoua soua siete saq cha'alo la'añaxaco Ñim Lo'onatac 'Enauacna.

Nuevo Testamento Toba Sur

⁵ Qaq asa'aso so'onaxaqui chigoqtapegueu'a na nqashilgaxa, nlamaxa, qataq na nalataxa. Qataq soua siete ncoÿadaxanaxaqui', na l'edaxa 'eeta'am na nodec. Qaq soomayi nachisoua soua siete saq cha'alo mayi chigoqo'oto ñi Dios.

Nuevo Testamento Toba Sombrero Negro

⁵ Jaga'me nejaliaĝaiqui chiyaqapiñegui jena'me lauaq jo'ne yaqaselec, choqona'me nejamaĝa nataq'aen na'me 'loĝoyaĝac, nataq'aen ga'me dajoya'ña jaga'me neje'onaĝaiqui edetañguilo gaa'me siete coyadaĝanaqate' jo'ne dole', nach'egaua jo'ne siete lepaqa'li joñe'me Dios.

Apocalipsis 4:5 Referans Kwoze

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Apocalipsis 8:5

Nache se'eso namaxashec ỹacona aso 'eeta'am ana ỹomaxaqui late'erai, nache nlaxatchigui ana poqo 'ettaigui ỹachegoxotalec aso nca'atoxonaxalate. Ime, nache icorelec 'enauac ana 'alhua, ime, nache chemaqchiguiñalo na nllimiaxa qataq nqashelgaxa, qataq huo'o so lta'araic lacholaxanaxa ana 'alhua.

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

Apocalipsis 5:6

Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.

Éxodo 19:16

Qaq so yaqta'a da yo'oxoñi so na'a'q tres, nache huo'o so nqashelgaxa qataq nalataxa, qataq so sansattec lo'oc, imattalec aso qasoxonaxa. Qataq huo'o so lta'araic l-lamaxa aso nasheere, nache ỹo'ot da 'enauac so netaigui so npe'lpi ỹataqta iviloxolaqchet da lcolanaxa.

Apocalipsis 3:1

«'Auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Sardis. Qoneta': ‹Aỹem maye Aỹem hueto'oto soua siete saq cha'alo la'añaxaco Ñim Lo'onatac 'Enauacna qataq soua siete huaqaañi: Ñaq 'ana'axaỹaxana dam 'am sa'axatem: Aỹem saỹaten 'enauac nam 'auo'ottacpi, qataq saỹaten da 'ana'aqtaguec da qoỹeetega Aỹem 'aualaxaguet. Qalaxaye de'era saishet da 'en.

Zacarías 4:2

'Am Zacarías «¿Negue't ca 'aula'a?» Nache aỹem sasateguet sheeta': «Qomye selota'a ara lashe ana ncoỹaraxanaxaqui maye chegaqaigui na oro, aramaye na'attalec añi laỹe' na aceite. Qaq na pa'asheguem aramaye nache huo'oi ñeua siete ncoỹaraxanaxaqui' maye netaua'alo naua siete lleco na aceite.

Éxodo 20:18

Qaq so Israel le'ecpi co'ollaq hua'aqchigui so nalataxa, qataq na l-lamaxa aso nasheerepi qataq ỹauaachigui so nqashelgaxa, qataq so lmala'q maye imattalec aso qasoxonaxa, nache ỹataqta huo'o da lcolanaxa, nache saishet da nquigueuo.

Joel 3:16

Nache qom ivita da qaỹa'axaỹa ca lavilỹaxac Ñim Nataxala', da chemaqteguisheguema añi qasoxonaxa Sión, qataq da dellimigui da lavilỹaxac da huaña ye Jerusalén, nache na piguem qataq ana 'alhua cholaxa'n qome. Qalaxaye Ñim Nataxala', nacheñi ñim lle'eguenaxala' qataq npaxattalec nam Israel le'ecpi maye maiche lalamaxatpi.

Ezequiel 1:13

Qaq da lataxa'c se'esoua maye huo'o da lca'alaqa', qalaq 'eeta'am ana poqo da 'ettaigui, huo'otaq aca ncoỹaraxanaqte da deratapigui', qaq so norec qalaq ỹataqta chauec na le'eraxa, qataq nache chegoqtapoigui na nqashelgaxa.

Salmos 68:35

Ỹataqta huo'o da 'archec 'Am 'Auo'otapecna, da qoueta'a añi atamnaxaqui maye 'aralamaqte. Ñim Natamnaxala' na Israel le'ecpi ỹanem da la'añaxac qataq da lquesaxanaxa na lalamaxat nhuo' le'ecpi. ¡Qaq ỹataqta qaỹo'oxoren qome Ñim Lo'onatac 'Enauacna!

2 Crónicas 4:20

qataq aso lashepi aso ncoỹaraxanaxaquipi, qataq asom ncoỹaraxanaxaquipi maye nataqa'en oro, da yaqto' icoỹattalec ye datatauga ye sa qaishetapec nanataqa', da yaqto' qaipacchigui da namaxasoxonaxac,

Éxodo 37:23

Nataqa'en ỹo'o't soua siete ncoỹaraxanaxaqui' ndoxottec na oro, qataq so lchegaxat na hualoq laỹe ncoỹaraxanaxat, qataq so laỹe' na alo.

Hechos 2:3

Huaña, nache qaila'a so 'eeta'am na le'eraxa na norec, da netalec ñi 'oonolec somayepi.

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Génesis 15:7

Nache 'enapega somaye, 'eeta': «Aỹem nachaỹem Nataxala', Aỹem 'am ñeqateeguesop co'ollaxa ye Ur maye lma' na caldeopi, da yaqto' 'am sanem ne'ena 'alhua da 'aralamaxat.»

Éxodo 25:37

Qataq 'auo'o't caua siete ncoỹaraxanaxaqui', da yaqto' icoỹattalec na dataỹaueegue,

Mateo 25:1

De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Apocalipsis 10:3

Nache ỹataqta na'axannec da lavilỹaxac da detaqa, 'eeta'am na lỹa quiyoc da desoqtac; qaq can ỹa'alaq, nache qaỹa'axaỹalo soua siete nvilỹaxaco 'eeta'ama da l-lamaxa na nalataxa.