Apocalipsis 4:3 - La'aqtaqa Ñim Lo'onatac 'Enauacna 2013

³ Somaye ỹataqta qashelectapiguiñi, 'eeta'am da lqashelgaxa na coma' le'enaxat diamante, huo'otaq na coma' le'enaxat rubí. Qaq aso so'onaxaqui coleesop so 'eeta'am na quemoxonalo. Qaq da lqashelgaxa somaye qalaq 'eeta'am na coma' le'enaxat esmeralda.

Nuevo Testamento Toba Sur

³ Qaq se'eso nso'ootangui asa'aso so'onaxaqui ÿataqta 'eeta'am da l'oguiaxac na coma' l'enaxat jaspe, huo'otaq na cornalina, da ÿataqta qashilec. Qaq naua laÿil aso so'onaxaqui coleesop so 'ico' qomoxonalo. Na lqashilgaxa qalaq 'eeta'am na coma' esmeralda.

Nuevo Testamento Toba Sombrero Negro

³ Joñe'me jo'ne ñichiñe netaue ñe'me nejaliaĝaiqui 'uo da'me 'loyaĝac ena'am ga'me diamante uotaĝa ena'am ga'me qa' laqaya lenaĝat rubí da'me yataqata yaqaselec, qama'le ga'me equejop jaga'me neje'onaĝaiqui jo'ne lejaliaĝaiqui 'uo ga'me uosac jo'ne yaqaselec, ena'am ga'me qa' jo'ne lenaĝat esmeralda.

Apocalipsis 4:3 Referans Kwoze

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Apocalipsis 21:11

Qaq Ñim Lo'onatac 'Enauacna, nacheñi ñi icoỹattalec somaye. Qaq ne'ena le'eraxa 'eeta'am ana 'otaqte maye ỹataqta no'on, 'eeta'am na coma' le'enaxat diamante qataq ỹataqta chauec 'eeta'am na 'etaxat da ỹataqta qui'itta.

Apocalipsis 10:1

Ime, nache sela'a so lỹa namaxashec piguem le'ec ỹataqta 'añaxaic, chegoqo'ot na piguem, huetaigui so lo'oc. Qaq huo'o so 'eeta'am da lo'oxoỹaxac na quemoxonalo coleesop na lqaic somaye. Qaq na lashec qalaq 'eeta'am na le'eraxa añi nala'. Qaq naua lchel 'eeta'am na le'eraxa na norec da nachatchiguiñi.

Ezequiel 28:13

'Am qoueta'a co'ollaxa ye Edén, yem lanaxanaqa' Ñim Lo'onatac 'Enauacna, 'am llo'oxoraxat co'ollaxa na ỹotta'a't no'on coma'pi, na rubí, crisólito, jade, topacio, cornalina, jaspe, zafiro, granate qataq na esmeralda; ana 'ano'otaqtepi qataq ana 'arshetepi qalaq chegaqaigui na oro, maye qaiqataxaatai' so na'a'q co'ollaq 'am qaỹo'ot.

Ezequiel 1:26

Qaq na pa'asheguem se'eso 'eeta'am ca lapoxot, qalaq sela'a aso 'eeta'am aca so'onaxaqui maye chegaqaigui na coma' zafiro, qaq na pa'asheguem asa'aso 'eeta'am aca so'onaxaqui, qalaq huo'o so hueta'a 'eeta'am na shiỹaxaua.

Éxodo 24:10

Huaña, nache somayepi ỹauaachigui da lataxac Ñim Natamnaxala' so Israel le'ecpi, qaq na pa'aguiñi naua lapia'ate qalaq qashelec 'eeta'am na no'on coma' le'enaxat zafiro, qataq ỹataqta yo'oqoolec, 'eeta'am da lo'oxoỹaxac na piguem.

Éxodo 39:11

qaq so lỹa hua'axagui qalapaxalec so 'oonolec granate, zafiro, qataq so jade,

Éxodo 28:18

qaq ca lỹa pa'aguiñi qalapaxalec ca coma' granate, zafiro, qataq jade,

Isaías 6:1

Qaq huetoigui so vi'i maye huaigui da ileu so nta'a Uzías, da aỹem sela'a Ñim Nataxala' da nso'ootangui aso ỹataqta qaỹoqotcheguemec nso'onaxaqui, qaq naua laỹel so lapo' qalaq imattaigui aso atamnaxaqui.

Ezequiel 10:1

Qaq ime nache sela'a na pa'asheguem som 'eco' 'eeta'am na lapoxot maye nalotcheguema naua lqaigo soua huo'oi naua laua't, da huo'o so netalec 'eeta'am aca so'onaxaqui maye chegaqaigui na coma' zafiro.