Apocalipsis 4:11 - La'aqtaqa Ñim Lo'onatac 'Enauacna 2013

¹¹ «'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Nuevo Testamento Toba Sur

¹¹ 'Am qadataxala' Dios, 'itchiguiñi da 'am qoÿanot da 'ayi'oxoyic, 'ad'amaqchic, qataq da 'ad'añaxac; cha'ayi 'am 'ad'onatac 'enauacna, maichi 'am chigoqchigui, qaq ÿoqo'oyi yi'oq 'enauac namayipi.

Nuevo Testamento Toba Sombrero Negro

¹¹ “Am Qadejaliaĝanec nataq'aen da'me mach'e am Qanedios, Naqa'am jo'ne am tachigui da'me yataqata am qo'nonaĝachigui, Jouaĝat da'me 'uo da'me at'onaĝac nataq'aen da'me adañoqotaĝanaĝac let'adaic, Qa'a naqa'am jo'ne aue't yema naa'me naajo' uo'oe; Qa'a naq'aeta da'me mach'e adelnataĝac ca'li, Qama'le uo'oe nayi da'me male aue'n di'yo'quena.”

Apocalipsis 4:11 Referans Kwoze

Apocalipsis 5:12

Qaq somayepi ỹataqta nlamaxaren da detaqtac, 'eeta': «Ñim Qagueta Llalec maye qoỹaneuo co'ollaxa da qaỹavigaxat da qaỹauo'o nachetaqtaxanaqte, nacheñi nagui ñi taiguet da ỹaconeguet da namaxasoxonaxac qataq da nsallaxa, naỹaanec, qataq da na'añaxac, na'amaqchec, qataq ño'oxonnataguec.»

Isaías 40:28

¿Peta'a sa qauaỹachiñi? qataq ¿peta'a saishet da qaua'aqaiỹapeguelec? Ñim Nataxala', Ñim Atamnaxala' maye chochaq tatec, Ñim ỹo'ot co'ollaxa 'enauac ana 'alhua, Ñimaye saishet da nqui'itec, qataq saishet da nasamñi qataq naua laỹaanataxanaxaco qaica ca ivi'.

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Apocalipsis 10:6

Nache ỹan da la'aqtac chegoqchigui da la'añaxac naqa'en Ñim Lo'onatac 'Enauacna da ipacchigui da ỹa'axat nache 'eeta': Ñim Lo'onatac 'Enauacna mashe saishet da huo'o ca iuatta'a. Qom ỹashiiyigui ara lasheere dam 'oonolec daua siete namaxa'she piguem lashe', nache Ñim Lo'onatac 'Enauacna ỹo'ot nam lapaqtañipi maye saishet da qaỹaỹaten. Qataq ỹo'ot 'enauac nam ỹa'axattac co'ollaxa som la'aqtaxanaxanecpi. Qaq se'eso namaxashec piguem le'ec ỹan da la'aqtac chegoqchigui da la'añaxac Ñim Lo'onatac 'Enauacna maye nache 'eetai' da nca'altauec qataq lo'onatac 'enauacna.

Apocalipsis 14:7

Somaye ỹataqta na'axannec da la'aqtac, 'eeta': «Ỹataqta huo'o naq 'enec qanqa'eñi Ñim Lo'onatac 'Enauacna, qataq qavio'oxoyiñi; cha'aye mashe ivita ye laloqo' da Ñimaye nmit na shiỹaxauapi ana 'alhua. Qavio'oxoyiñi Ñim lo'onatac na piguem qataq ana 'alhua, qataq aso auaxai, qataq anam npaxaatasheguem na le'ec 'etaxat.»

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Hebreos 1:10

Nataqa'en 'eeta': «'Am Nataxala', so hua'auchiguiñi 'am 'auo'ot ana 'alhua, nache nataqa'en 'auo'ot na piguem,

Génesis 1:1

Ñim Lo'onatac 'Enauacna, co'ollaq cheta'ague da ỹo'otna, nache ỹo'ot na piguem qataq ana 'alhua.

Romanos 11:36

Ỹataqta 'eesa da Ñim Lo'onatac 'Enauacna, ỹo'ot imauec nam qaila'a qataq nam saqcha'a, qaq 'enauac na huo'o, nache chegoqchigui Ñimaye qataq lalamaxat. Qaq ỹoqo'oye, ¡chochaq tatec qome da qayo'oxonnataxanaxa Ñim Lo'onatac 'Enauacna! Aja', nache 'eetec.

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Salmos 18:3

'Am Nataxala', 'am maye 'itchiguiñi da 'am qaỹo'oxoren, cha'aye naxa da 'am seỹaxana nache aỹem 'anca'alaxateeguesop na ñepa'aguenaxauapi.

Nehemías 9:5

Qaq soua leviita Josué, Cadmiel, Binuy, Hasabnías, Serebías, Hodías, Sebanías qataq so Petajías, na'axanneque naua la'aqtaqa, nache 'eeta': «Qanachaachiñi, nache qavio'oxoyiñi Ñim Nataxala' maye Qanatamnaxala'ai, qavio'oxoyiñi da le'enaxat Ñim Nataxala', maye nache 'eetai' da qaica ca loga't, nache 'eetai' qome da qaỹo'oxoreetac da le'enaxat Ñimaye, dam le'enaxat maye qaica ca 'ena'am da llo'oxoyec, qataq da ño'oxonnataguec.»

Hechos 17:24

Ñim Lo'onatac 'Enauacna maye lo'onata ana 'alhua qataq 'enauac nam huetalecna. Ñimaye nacheñi Ñim lalamaxat na piguem qataq ana 'alhua. Ñimaye saishet da netaigui ca atamnaxaqui maye choche lo'onatac cam choche shiỹaxaua.

2 Samuel 22:4

Ñim Nataxala', ỹataqta 'itchiguiñi da sho'oxoren, cha'aye naxa da seỹaxana nache aỹem nca'alaxateeguesop na ñepa'aguenaxauapi.»

Apocalipsis 5:2

Ime, nache sela'a so namaxashec piguem le'ec ỹataqta qaica ca 'ena'am da la'añaxac. Somaye ỹataqta nlamaxaren da denataxaatac, 'eeta': «¿Negue't ca ishet da nqa't naua na'anaxanaqtel, ime, nache ỹauachigui ara nere?»

Da na'aqtaguec so Job 36:3

Cha'aye da ỹauattonaxanaxac qaỹoqtegue da sachegoxotta'ague da yaqto' ishet da sachaxan, da Ñim aỹem lo'onatac ỹataqta 'eesora naua 'ena'ape.

Salmos 68:34

Ñaq qauauattoñiita qome da la'añaxac Ñim Lo'onatac 'Enauacna, da la'amaqchec huetalec na Israel le'ecpi, qataq da la'añaxac iviro'ot na piguem.

Hebreos 1:2

Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

Jeremías 10:11

Qami' Israel le'ecpi, qaua'aqtaxañim nam ỹaqa'a da la'amqaanataxanaxac, qoñeeta': «Nam atamnaxala'pi maye saishet da ỹo'ot co'ollaxa na piguem qataq ana 'alhua saishet qome da queta da netalec ana 'alhua, qataq saishet da huo'otaq 'oonolec ca hueta'a na mpa'aguiñi na piguem.»

Isaías 40:26

Ña qauamachiỹo'ot na piguem, nache qaumichiñi: ¿Negue't cam ỹo'ot co'ollaxa 'enauac namaye? Cam naloqchiiñi añi 'oonole ana qalota huaqaañipi, qataq ỹauo'o na le'enaxat añi 'oonole anamayepi. Qaq ỹataqta lta'araic da la'añaxac nache saishet da huo'o aca deqaptauec anamayepi.

Deuteronómio 32:4

Ñimaye qomi' npaxattaleguete, na lo'onatacpi qalaq ỹaỹamaqchiguiñi, qataq na ỹo'otpi qalaq nalochiguiñi. Ñim Lo'onatac 'Enauacna ỹataqta 'eesa da lataxac, qataq saishet da ỹo'ot ca sa ỹaỹamaxañi, ¡Ñimaye ỹataqta ỹaỹamaqchiguiñi qataq nalochiguiñi da lataxac!

Éxodo 20:11

Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Apocalipsis 1:6

Nataqa'en So Cristo qomi' ỹanema da qaro'onataxanaxac da 'eeta'am da lo'onataxanaxac na nta'alpi maye ilotague' na 'alhuapi qataq qomi' ỹanaguilo da qomi' ltaxaỹaxanaxanaqa naqa'en na shiỹaxauapi da so'onataxanaqot Ñim Lo'onatac 'Enauacna maye Lta'a. Qaq ỹoqo'oye ¡'Enauac da qoñiita qavio'oxoyiñi So Jesucristo, cha'aye 'oonolec Somaye da hueto'ot 'enauac da na'añaxac ana 'alhua! Aja', nache 'eetec.

Apocalipsis 19:1

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, chemqot na piguem, 'eeta': «¡'Enauac qome da qaỹo'oxoren Ñim Nataxala'! Ñim Qarta'a maye Lo'onatac 'Enauacna ỹataqta 'añaxaic, ỹoqo'oye qomi' nca'alaxatre'c. Qaq ỹoqo'oye nacheñi ñi lalamaxat da na'añaxac qataq da ño'oxoyec.