Apocalipsis 3:19 - La'aqtaqa Ñim Lo'onatac 'Enauacna 2013

¹⁹ Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Nuevo Testamento Toba Sur

¹⁹ Cha'ayi aÿim ÿataqta sevidaxato'ot, qataq saÿamaxajñi ca lasouaxashit cam ÿataqta sauotec. Qaq ÿoqo'oyi 'an'añaxat qome, qataq 'ai'axaadeec naua 'an'onataxaco.

Nuevo Testamento Toba Sombrero Negro

¹⁹ Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.

Apocalipsis 3:19 Referans Kwoze

1 Corintios 11:32

Qalaxaye Ñimaye da huo'otaq ila'a da huo'o ca qarasouaxashet, nache ỹataqta na'axannec da qomi' 'enapegalo, cha'aye nshetaique da salaxasoq da yaqto' saishet da salegaqtoigui ca nhuaxanaguec na sa da'amqaanataxanpi.

Apocalipsis 2:5

Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.

Da na'aqtaguec so Job 5:17

Qaq ỹataqta machiguiñi qome ca shiỹaxaua maye Ñim Lo'onatac 'Enauacna ỹaỹamaxaañi ca lsomaxac, ỹoqo'oye saishet qome da 'aumaqa'aguet da lviraqtaxanaxac Ñim Qaica ca Ỹaqalanapec.

2 Corintios 7:11

Qaq ¡ỹataqta 'onaxaic Ñim Lo'onatac 'Enauacna da qami' ỹaquicoqche't! ¡Ña qauloỹa nagui dam naigui! Damaye ỹo'ot da qami' qauaỹaañi da aỹem qaica ca ỹasouaxashet, nache ivira'a da aỹem qavicheetapeguelec, nataqa'en qaunoitac souaxat da huo'o da qarcolanaqai da huo'o ca sevireguet. Huo'o nataqa'en da qaryaqai da aỹem qanauañi' qataq qauauo'oi ca nhuaxanaguec cam huo'o da lasouaxashet. Qaq 'enauac de'era qami' qauachaxañi da nache 'ena'am saishet da huo'o ca qarasouaxashechi.

Jeremías 31:18

Aỹem sa'aqtega na nhuo' le'ecpi maye chegoxoguet so Efraín, da ỹataqta lta'araic da nachoxonnaxac nache, 'eeta': ‹Aỹem sheeta'am co'ollaxa ca huaca llalec maye saishet da qanayeelec, qalaxaye 'am aỹem qonelec co'ollaxa, 'auo'ot qome da 'Am ñe'eguelaxa, cha'aye nache 'Am Nataxala', maye Ñatamnaxala'.

Jeremías 10:24

Ñaq qomi' 'auaỹamaxaayiñi 'auo'ogoxona da nalochiguiñi lataxac, qaq saishet da 'auo'ogoxona da 'arayeloxo, cha'aye damaye ishet da qomi' ilaxachiguilo.

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

Proverbios 22:15

Da nhualoxonaxac nachera da huaqta'agueta naua lhuennataxaco na nsoxoppi, qalaxaye da qanqateua'a damaye nache qairolec ca nhuaxanaxanaxat.

Proverbios 15:32

Ca sa ỹaconeguet da qanlaxanec, qache sa ỹauotec da nachaalataxac, qaq ca ỹaconeguet da qanlaxanec qalaq ỹaconeguet da naỹaanataxanaxac.

Salmos 69:9

Da ỹauoche ñi 'arma' ỹataqta aỹem ỹalauat, souaxat da aỹem talec 'enauac da lsheunaxanaxac na 'am isheueetac.

Salmos 39:11

'Am, da 'aviraxato'ot ca shiỹaxaua, qalaq 'auo'ot da nhuaxanaguec souaxat na qauem maye ỹo'ottac, qataq 'eeta'am na 'alhua da dolachigui 'anqa'en ca ỹataqta lauotaxat camaye, cha'aye 'enauac na shiỹaxauapi da imeuo, 'eeta'am da 'oonolec qanaue'c naua na'a'che.

Deuteronómio 8:5

Qataq qauaỹaañita da Ñim Nataxala' maye Qanatamnaxala'ai, ỹataqta ỹaỹamaxatchiguiñi da qarataxaqui, 'eeta'am ca nta'a da ỹaỹamaxaañi da lataxac ca llalec.

Santiago 1:12

Ca na'añaxateguet da ñe'eguenataguec, nache Ñim Lo'onatac 'Enauacna ỹaalec da lqouagaxanaqtaic. Cha'aye da mashe inoxonaqchetec de'era ñe'eguenataguec, nache Ñim Lo'onatac 'Enauacna ỹami' ca laueguec qataq ca lta'araic llo'oxoyec camaye. Qaq damaye nachera da nca'alaxa maye chochaq tatec maye ỹachaxanapeguem nam ỹauotec Ñimaye.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Romanos 12:11

Da qauo'onataxañiitac qalaq qanasapacheetac, saishet da qami' hualaiqa. Qauo'onataxañiitacot Ñim Lo'onatac 'Enauacna ỹataqta imauec da qarquiyaqteỹaxaqui.

Jeremías 30:11

Aỹem Nataxala', san da ỹa'aqtac da 'am soota'aguet da yaqto' 'am ñeca'alaxatec. Aỹem selaxachigui qome 'enauac nam ỹotta'a't shiỹaxauapi, maye qami' selagaxaaleguete co'ollaxa. Qalaxaye 'am saishet da 'am selagaxachigui qome, nacherata da sauo'o ca 'anhuaxanaguec maye naigui nam 'auo'otpi: qaq saishet da saq sauo'o ca 'anhuaxanaguec.

Salmos 94:10

Qataq ¿peta'a saisheto' da ỹo'ot qome ca nhuaxanaguecna, Ñim ishet da nmit na ỹotta'a't shiỹaxauapi, qataq ỹapaxaguenec da naỹaanec 'enauac na huetalec ana 'alhua?

Salmos 6:1

'Am Nataxala', saishet qome da aỹem 'anlaxa qom 'aunotac, qataq saishet da 'auauo'o ca ñeuaxanaguec qom huo'o da 'arayeloxo.

2 Samuel 7:14

Qaq camaye nache Aỹem lta'a, qataq camaye ỹataqta ỹalamaxat ỹalec. Ỹoqo'oye camaye da huo'o ca lsomaxac, nache Aỹem seuaxan qataq salashen, sheeta'am ca camachaqca nta'a da ỹauota'a ca lalashenaxanaxat da iuaxan, qataq ỹalashen ca llalec.

2 Corintios 6:9

Qataq huo'o da qoỹeetega qomi' sa qaỹauatto'n, na'aictaxa da ỹataqta qomi' nauattonataqa. Qataq huo'o da souaqaigui da lchec da nleuaxa, qalaxaye ñaqaiyeta ña ñeca'alaqtauec. Huo'o da qomi' qaiuaxaata'ape, qalaxaye saishet da qomi' qaỹalaua't.

Juan 2:17

Nache soua lapaxaguenataqa iuennate naua nanettraleguete ana nere maye huetalec na la'aqtacpi Ñim Lo'onatac 'Enauacna, maye 'eeta': «Da ỹauoche ñi 'arma', ỹataqta 'eco' 'eroigui naqa'en da sheeta.»

Proverbios 15:10

Ca ỹaxanec da no'on nqa'aicỹaxac camaye sa qaỹala'ac da qanlaxanec, qaq ca sa ỹaỹamaxaren da qaitaxaỹaua'a qalaq taỹa'a da ileu.

Gálatas 4:18

Ỹaỹamaqchiguiñi da qaualaqaiguet ca lỹa shiỹaxaua da ỹaỹamaqchiguiñi cam huotaique qami' ỹo'oteque. Qaq da 'eesa da aỹem qavicheelec qaq nachera qoquiito'ot qaq saishet da nda'a't da qami' soota'agueta.

Sofonías 3:2

Saishet da na'axaỹaxanalo co'ollaxa naua la'aqtaqa Ñim Nataxala', qataq saỹasateguet da qaỹapaxaguen; qataq saỹa'amaqten Ñimaye; qataq saishet da ỹe'eguenot Ñim Natamnaxala'.

Jeremías 2:30

Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.

Mateo 25:7

Nache 'enauaque se'esoua qa'añel ñiyishegue'm, nache ỹaỹamaxaayiñi soua lcoỹaraxanaxaqui'.