Apocalipsis 3:18 - La'aqtaqa Ñim Lo'onatac 'Enauacna 2013

¹⁸ Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

Nuevo Testamento Toba Sur

¹⁸ Qaq ÿoqo'oyi nagui 'am saqata da aÿim 'auachigoxoto'ot qome da 'aushijnaxana ca ndoteec oro mayi nqachilguishic, da yaqto' ÿataqta 'am sallaxanec, qataq da 'auashijnaxanalo caua 'ogo lapagaxaiqa, da yaqto' 'auapolec da 'adsalhuaxa mayi i'ot da n'agaxa, qataq da 'aushijnaxana ca lata'q naua 'ad'ai'te, da yaqto' 'anauaañi.

Nuevo Testamento Toba Sombrero Negro

¹⁸ Qo'che' 'uo da'me ami jaqatalo nayi: jayem anec'achiya qaedi aneuodeñiya jaga'me oro jo'ne yoqovita q'aen ga'me dole' lauaq, qaedi male ami yataqatelo'te neuoyaĝadi, nataq'aen jayem anec'achiya qaedi aneuodeñiyalo gaa'me nouo jo'ne pagaĝayaqa, qama'le auaiñidiñe qaedi auapadiñelegue da'me adepocoqoilegue da'me adajaleuaĝa, qama'le nach'e ena'am aneuodeñiya ga'me natadenataĝanaĝat qaedi auachiyañilo naa'me at'aechidi' qama'le yitaĝa aneloitegue.

Apocalipsis 3:18 Referans Kwoze

Apocalipsis 16:15

Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Apocalipsis 19:8

Ñim Lo'onatac 'Enauacna no'otaxanaxan ỹanaxanaxaangui na no'on nogoxot maye chegaqaigui na lino, ỹataqta qui'itta qataq qashelectapiguiñi da lyac.» Qaq se'esoua nogo maye chegaqaiguilo na lino, naigui dam no'on ỹo'ottac nam lalamaxatpi Ñim Lo'onatac 'Enauacna.

Malaquías 3:3

Ñim Nataxala' nso'ooñi qome da iỹo na ntaxaỹaxanaxanecpi maye chegoxoguet so Leví, 'eeta'am cam iỹo ca lcat oro, qataq ca lcat plata. Qaq ime qome, nache namayepi ishet da ỹanot Ñim Nataxala' aca lachetaqtaxanaqte, qaq nache ipacchigui dam ỹoqta 'eesa lataxac.

Apocalipsis 7:13

Nache so 'oonolec soua nqueroxonqa aỹem inat, 'eeta': –¿Negue't ne'ena shiỹaxauapi maye lapagaxaiqa naua alogo? ¿Chaq hua'ague ca chegaqa'ague?

Mateo 13:44

Da lo'onataxanaxac Ñim Lo'onatac 'Enauacna, damaye 'eeta'am aca laỹe' ana anom maye qoỹoxotoigui ca 'alhua. Qaq huo'o so shiỹaxaua ilalec asomaye. Nache qaltaq ỹoxooñi, ipagaqchiichiguiña ca lma'. Nache ỹataqta lta'araic da ntonaxac, nache ỹe'eguelaq. Ime, nache imen 'enauac nam logoxoshetpi, nache desheenaxana se'eso 'alhua, da yaqto' lalamaqte aso anom.

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Salmos 32:8

Qaq Ñim Nataxala', 'eeta': «Aỹem 'am sanem qome na ỹapaxaguenataxanaxacpi, qataq na iqataxacpi qataq 'am sachaxana so nqa'aic maye ishet da qoquetegue. Qataq nache 'am salletagui qome.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Miqueas 1:11

¡Qaq qami' Safir le'ecpi, qom qami' qaỹauegalo ca ỹaqa'a 'alhua, qalaq qoviitauec qome qataq lta'araic da qara'agaxai! ¡Qaq na lma' ye Zanán qalaq saishet qome da huenoxonec! ¡Qaq na lma' ye Betesel qalaq huo'o da nnoinaxac nache qaica ca qami' itaua'n!

Salmos 73:24

qataq naua 'arqataxaco aỹem ỹauecta'agueta, qaq que'eca pa'atec na'a'q nache aỹem 'auaconeguet, da aỹem ỹo'oxoraq 'anqa'en.

Apocalipsis 3:17

Cha'aye 'am qonetega da 'am sallaxanec, qataq ỹataqta 'onaxaic da 'icỹaxac qataq qaica ca 'aueetaique. Qalaxaye saisheto' da 'anauattoola't da qaica ca 'aramaicỹaxac qataq qaica ca ye 'am qataq 'am choxoraq qataq saishet da 'anauaañi qataq qouetauec.

Apocalipsis 2:9

Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Isaías 47:3

yaqto' qaimeten da 'aro'ocỹaxac maye huetauec, aja', ỹataqta imauec qome da qaỹauaachigui da 'aro'ocỹaxac qom qouetauec, cha'aye Aỹem sepalaique ivi', nache qaica ca sechoxoreetac.

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

2 Corintios 5:3

Qaq qomi' saỹaanaqta da qom souaqta'a yemaye, nache ỹataqta qomi' qanpaxattaleguete.

Lucas 12:21

Qaq 'era qome da 'eetec cam shiỹaxaua da maiche logosheguem naqa'en da lsallaxa, qalaxaye Ñim Lo'onatac 'Enauacna ỹaỹaten camaye da ỹataqta choxoraq.»

Nahúm 3:5

Qaq Ñim Nataxala' maye Qaica ca Ỹaqalanapec, 'eeta': Aỹem soota'a ne'ena da 'am sataỹa'aguet, nache aỹem ñauatsheguem qome ana 'arpoto, nache seviraxatasheguema na 'arashec, yaqto' na ỹotta'a't shiỹaxauapi ỹauaachigui qom qouetauec, qataq nam nta'alpi ỹauaachigui qome da 'ara'agaxa.

Mateo 25:9

Qalaxaye soua cinco qa'añole maye naỹamaxatte' 'ena'apo': «Saishet. Ten, saq 'amaqtaq na ñachoqtac aceite, 'onaxaic da qanqo'oñiỹa cam imeetac, nache qausheenaxañiỹa cam qarcoỹaraxanaxache.»

Jeremías 13:26

Qaq Aỹem nataqa'en ỹataqta 'am ñesochiguiñi qome yaqto' 'am talec da lta'araic 'ara'agaxa.

Eclesiastés 8:2

Qaq 'am seqata da 'aualaxalec nam lamaxasoxonaxacpi ca nta'a, cha'aye maiche 'arasataxac co'ollaxa hua'aqchigui 'anqa'en Ñim Lo'onatac 'Enauacna.

Proverbios 19:20

'Auloteguet qome ca nqataxac qataq 'auaconeguet da 'am qanlaxan, yaqto' ishet da 'avira'a da 'am ỹaanaxanaxaic.

Proverbios 1:30

Qataq saishet da qauacoñeeguet na iqataxacpi, qataq qauo'otañi' naua iviraqtaxanaxaco.

Proverbios 1:25

Nachaqrata da sa qauacoñeeguet na iqataxacpi, qataq saishet da qauacoñeegueta naua iviraqtaxanaxaco.

Salmos 107:11

souaxat da dataỹa'agueta naua la'aqtaqa Ñim Nataxala', qataq ỹaỹemeque naua lqataxaco Ñim Nataỹaña 'enauacna.

Salmos 16:7

Sanot da ña'achecỹaxac Ñim Nataxala', cha'aye Ñimaye aỹem hua'aqtega, cha'aye ivira'a ye pe da ỹa'aloqchetta'ape naua iuennataxaco.

1 Timoteo 6:18

Qonapega nataqa'en da ỹo'ot ca ỹaỹamaqchiguiñi, yaqto' nachera da lsallaxa dam no'on lo'onataxanaxac. 'Auennataxanaxanec da qaica ca ỹectega da ỹan da detaunaxanot nam hueto'otpi.

Apocalipsis 4:4

Nataqa'en huo'oi soua veinticuatro lỹa't so'onaxaqui', maye coleesopa aso late'erai so'onaxaqui. Qaq soomaye nso'ootanguilo soua veinticuatro nqueroxonqa. Qaq se'esoua nqueroxonqa ỹaatrañi naua alogo maye qaica ca 'ena'am da lapagaqa', qataq naua naro'ol ndotec ana chegaqaigui na oro.