Apocalipsis 3:17 - La'aqtaqa Ñim Lo'onatac 'Enauacna 2013

¹⁷ Cha'aye 'am qonetega da 'am sallaxanec, qataq ỹataqta 'onaxaic da 'icỹaxac qataq qaica ca 'aueetaique. Qalaxaye saisheto' da 'anauattoola't da qaica ca 'aramaicỹaxac qataq qaica ca ye 'am qataq 'am choxoraq qataq saishet da 'anauaañi qataq qouetauec.

Nuevo Testamento Toba Sur

¹⁷ Cha'ayi 'am qonetega da 'am sallaxanec qataq ÿataqta 'auaÿamaqchiguiñi, qaica ca 'aueetac. Qaq sa ishit da 'aula'a da 'am ÿataqta qaica ca 'adama'. 'Am choxodaicolec, qaica ca yi, 'am qanamaic, qataq qouetauec.

Nuevo Testamento Toba Sombrero Negro

¹⁷ Qa'a da'me aueñetapela't da'me ami neuoyaĝadi, onaĝaic da'me adadiquiyaĝaqui nataq'aen da'me qaya'te ta'le auoviñetaque, qalaĝaja ja anayachela't da'me naqa'ami jo'ne 'uo da'me adachoĝodequi da'me ami jemataqayaqa, ami choĝodayaqolqa, ena'am ta'le ami qana'mi nataq'aen da'me ami jale'taguelo.

Apocalipsis 3:17 Referans Kwoze

Proverbios 13:7

Huo'o na qaica ca ye qalaq 'eetega sallaxanec, qataq huo'o na sallaxanec qalaq ỹe'enaxat da choxoraq.

Oseas 12:8

Qaq na Efraín, qalaq 'eeta': ¡Aỹem ỹataqta aỹem sallaxanec, ỹataqta qalota ana llaỹoñiguishe aỹom! ¡Qalaxaye qaica ca ishet da anac da ỹauo'o ca ỹasouaxashet, da 'eetega sachegoxotaigui da icachaxac de'era isallaxa!

Apocalipsis 2:9

Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

Lucas 1:53

Qataq ỹanem da qaica ca iuena'a, nam huo'o da lhuenaxanaxa. Qaq nam sallaxanecpi qalaq ỹataqta qui'itchiguilo naqa'en naua lhua'q da ỹamaqauec.

Mateo 9:12

Nache So Jesús co'ollaq hua'aqchigui da la'aqtac som fariseopi, nache 'enapeco': –Nam iuen ca natannaxanaq qalaq nachena nam sa no'onpi, saishet da nachena nam no'oitapi.

Apocalipsis 16:15

Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

Romanos 12:3

Qaq Ñim Lo'onatac 'Enauacna ỹachegoxotchigui da lqouagaxanaqtaic da aỹem ỹanagui da lamaxashec Ñimaye, qaq ỹoqo'oye qami' shenapegalo da saishet qome da qauapagaqñiiteguec da qoñiitega qami' no'o'n. Nachaqrata da maiche qanloila't, maicheye cam nalotaua'a cam ỹami' Ñim Lo'onatac 'Enauacna ñi 'oonolec da qoñiita maye qoquiitague' So Cristo.

Génesis 3:7

Qaq huaña, nache soomaye ne'ettrec naua la'ai'te, qataq ntoue'n, nache ilora'a da huetrauec. Qaq huaña nache ỹo'o't aso higo laue da ỹauo'o lo'ola't.

2 Pedro 1:9

Qaq cam saishet da ỹo'ot de'era, nache camaye 'eeta'am da sa nauaañi qataq icoua'ai da Ñim Lo'onatac 'Enauacna ỹapalaxat 'enauac nam qauem maye ỹo'ot co'ollaxa.

Mateo 5:3

Ñim Lo'onatac 'Enauacna ỹaalec da nqouagaxa nam ỹataqta imato'ot da lpi'iỹaxac Ñimaye, cha'aye namayepi huetaigui da lo'onataxanaxac Ñimaye da ilo'ogue 'enauacna.

Lucas 6:24

Nache So Jesús ỹamataigui so laỹepi shiỹaxauapi, nache 'enapeco': «¡Ỹataqta qauem da qa'aita'ague qami', maye qami' sallaxanecpi, cha'aye nagui qoviitaigui da qavi'imaqaitac qataq qaica ca da!

Zacarías 11:5

Nam desheenaxana anamayepi da ỹalauat, qalaq saq noma da huo'o ca lasouaxashet, qataq na imen anamayepi qalaq, 'eeta': ‹¡Sanot da ña'achec Ñim Nataxala', cha'aye mashe aỹem sallaxanec!› Qaq ivira'a na maiche nhuataxauapi anamayepi, da saishet da ichoxoreetac.

Éxodo 32:35

Nache Ñim Nataxala' namaxa da nhuaxanaguec se'eso nhuo' le'ecpi, souaxat da natamnot so ne'enaqtac huaca llalec maye lo'onatac co'ollaxa so Aarón.

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Romanos 11:20

Qaq damaye ỹataqta 'eesa. Qalaxaye namayepi qaimaqauec, cha'aye saq pi'iỹa'a Ñim Lo'onatac 'Enauacna. Qaq qami' qalaq qami' ỹaconegueta souaxat da huo'o da qarpi'iỹaxaqui Ñimaye. Qaq ỹoqo'oye saishet qome da qaño'oxoreñiitai', nachaqrato' da qanchelỹañi.

Jeremías 2:31

Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

Isaías 42:19

Qaica ca ỹataqta ỹapac da sa nauaañi qataq ca ỹapac da sa hua'aqa, da 'eeta'am so ỹamaxashec maye samaq co'ollaxa, qaica ca ỹapac da sa nauaañi qataq da ỹapac da sa hua'aqa, da 'eeta'am so ỹa'aqtaxanaxanec, som lamaxashec Ñim Nataxala'.

Proverbios 30:9

cha'aye saiuena'a da ỹaguec ca anoq nache ishet da 'am seqoleguet, nache sheeta': «¿Negue't que'eca Nataxala'?» huo'otaq da ỹapac saq 'amaqtaq ca anoq nache ishet da secache, huaña nache qaica ca 'enec ñaqa'en da 'are'enaxat 'am Ñatamnaxala'.

Apocalipsis 3:16

Qalaxaye ye saishet da imauec da Aỹem 'aualaxaguet, nache Aỹem ỹataqta imauec da saishet da 'am saconeguet.