Apocalipsis 3:16 - La'aqtaqa Ñim Lo'onatac 'Enauacna 2013

¹⁶ Qalaxaye ye saishet da imauec da Aỹem 'aualaxaguet, nache Aỹem ỹataqta imauec da saishet da 'am saconeguet.

Nuevo Testamento Toba Sur

¹⁶ Qalaxayi sa ishit da chochi 'am dapaqtai'. Qaq cha'ayi sa ishit da 'am tomta, qataq sa ishit da 'am dapaqa, qaq ÿoqo'oyi ishit da 'am sanolec.

Nuevo Testamento Toba Sombrero Negro

¹⁶ Chane'eja queda'me aueñiya'am ga'me jo'ne ja yeueta, nataq'aen da'me ja ami 'te omta nach'e ena'am da'me ja ami 'te p'e, qama'le ami jegue'm qomle, ena'am ta'le ami janoleque.

Apocalipsis 3:16 Referans Kwoze

Apocalipsis 2:5

Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.

Jeremías 14:19

'Am Nataxala', ¿ỹoqta imauec peta'a da sa 'auaconeguet nam hueta'a Judá? ¿Peta'a mashe 'anasamiisop na huaqta'a't nỹecpi na Sión? ¿Ta'ainco' ye qomi' 'auque'emaqchet, nache qaica ca qarata' 'anqa'en? Qomi' seuataqtaique ca qarlagaxayec, qalaxaye saishet da saconaxaguet ca no'on. Qataq seuataqtaique da qomi' no'oite', qalaxaye nacherata da qomi' hueto'oto da qarcolanaxa.

Apocalipsis 3:15

Aỹem saỹaten 'enauac nam 'auo'ottacpi, qataq saỹaten da saishet da imauec da Aỹem 'aualaxaguet qataq saq 'amaqtaq da 'aralaxayec. ¡Qaq 'onaxaictaxa da imauec da Aỹem 'aualaxaguet, huo'otaq imauec da saishet da Aỹem 'aualaxaguet!

Apocalipsis 3:17

Cha'aye 'am qonetega da 'am sallaxanec, qataq ỹataqta 'onaxaic da 'icỹaxac qataq qaica ca 'aueetaique. Qalaxaye saisheto' da 'anauattoola't da qaica ca 'aramaicỹaxac qataq qaica ca ye 'am qataq 'am choxoraq qataq saishet da 'anauaañi qataq qouetauec.