Apocalipsis 22:20 - La'aqtaqa Ñim Lo'onatac 'Enauacna 2013

²⁰ Qaq som ỹa'axattac de'era 'eeta': «Aja', Aỹem ỹoqta 'eesa da saqaỹaloq da ñanac.» ¡Aja', nache 'eetec! ¡Ña 'auanac, 'am Qarataxala' Jesús!

Nuevo Testamento Toba Sur

²⁰ Qaq som i'axattac de'eda 'eeta': –Aja', aÿim saqaÿaloq da ñanac. Aja', nachi 'eetec. ¡Ña 'auanac, 'am qadataxala' Jesús!

Nuevo Testamento Toba Sombrero Negro

²⁰ Joñe'me jo'ne 'yaĝatetac da'me dojo', eetac: —Eja da'me jayem paja'a da'me 'ñiyelaĝaquena qomle. Qama'le nach'e naq'aeta da'me dojo'. Am Jaliaĝanec Jesús, ¡Auanaequena!

Apocalipsis 22:20 Referans Kwoze

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

Apocalipsis 22:12

«¡Ỹataqta qana'axaỹaxañiichiguiñi qome! ¡Aỹem saqaỹaloq da ñanac! Nache ñachetac ca nsheetenaxat ñi 'oonolec shiỹaxaua, ipacchigui cam ỹo'ot co'ollaxa.

2 Timoteo 4:8

Saỹaten da Ñimaye maye sa depe'enaxan da nmit 'enauac na shiỹaxauapi. Ñimaye aỹem ỹami' ca nsheetenaguec da ñachaalataxac maye lasheue da ỹalaxayec. Qaq saishet da nachaỹemta da aỹem ỹami', maye nataqa'en 'enauac na shiỹaxauapi maye ỹayeeta'aguet ca lle'eguelaxasoxoc Ñimaye.

1 Corintios 16:22

Da huo'o ca saishet da ỹauotec So Qarataxala' Jesucristo, nache Ñim Lo'onatac 'Enauacna talec naqa'en ca qauem. ¡'Am Qarataxala', saqaỹaloq qome da 'añe'eguelaq!

Apocalipsis 22:10

Nataqa'en aỹem 'enapega, 'eeta': «Saishet qome da 'oxooñi de'era la'aqtaxanaxac Ñim Lo'onatac 'Enauacna maye nanettalec ana'ana nere. Cha'aye mashe saqaỹapeque ye laloqo' da ipacchiguilo naua nanettrañi.

Isaías 25:9

Qaq que'eca na'a'q qoỹenapec qome: «'Eñi Ñim Qanatamnaxala', Ñimaye sepi'iỹaqa'a nache Ñimaye qomi' nca'alaxatrec. Nache qaramachiguiñi qataq ñetonaqtapigui', cha'aye Ñimaye qomi' nca'alaxatrec.»

Apocalipsis 22:18

Qaq 'enauac qome na hua'aqchigui de'era la'aqtaxanaxac Ñim Lo'onatac 'Enauacna maye nanettalec ana'ana nere, aỹem seqata namayepi, sheeta': Da huo'o ca nqottenec nam nanettalec ana'ana nere, nache Ñim Lo'onatac 'Enauacna ỹauo'o ca lta'araic nque'eenaxac, iuaxaneque naua napaxaco maye nanettaleguete ana'ana nere.

Juan 21:25

Nataqa'en ỹataqta qalota co'ollaxa na laỹepi ỹo'otpi So Jesús, qaq namayepi ctaxa da 'enauac da qoỹiyiñi, nache aỹem sepeta'a da saishet da nalolec ana 'alhua aca nerepi maye ishet da qoỹeraxaalec. Aja', nache 'eetec de'era.

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Cantares 8:14

¡'Am ỹauotaxat, ñaq 'analoxo qome, qoneta'am ana ñi'imshe qataq na chegaxango llalec da nqalgoqtapeguelec ana qasoxonaxapi maye ỹoqta nlaqtelec na ama da laitaỹaxac!

Hebreos 10:37

Cha'aye da la'aqtac Ñim Lo'onatac 'Enauacna, maye nanettalec ana nere maye huetalec na la'aqtacpi Ñimaye 'eeta': «Ỹataqta saqaỹaloq da nvi' cam iuen da anac, ¡mashe yaqta'a da nvi'!

Apocalipsis 2:16

Qaq ỹoqo'oye, no'on da 'avi'eguelaxa da 'aualaxaguet Ñim Lo'onatac 'Enauacna, cha'aye da saishet da nache qonetec de'era, nache 'am ñeqo'ona da 'am seroleguete da la'añaxa'c naua ỹa'aqtaqa da sauo'o ca 'anhuaxanaguec qataq nam nicolaitapi qataq nam quetague' namayepi.