Apocalipsis 22:2 - La'aqtaqa Ñim Lo'onatac 'Enauacna 2013

² Qaq nam laiñi so nqa'aic maye laiñiguishec se'eso nỹecpi, nache nacchiguingui se'eso 'etaxat. Qaq naua loiguiye se'eso tala huo'o ana qo'oipaq maye huo'o ana ala ye 'oonolec ca'agoxoic, qaq damaye 'eeta' doce da huo'o ana ala ye 'oonolec vi'i. Qaq ana ala ỹan da nca'alaxa chochaq tatec, qaq ana laue qalaq natannaxanaqte da nataren na lalolaxapi 'enauac na shiỹaxauapi maye huetalec ana 'alhua.

Nuevo Testamento Toba Sur

² Qaq nam laiñi so nqa'aic mayi lainguishic se'eso la ciudad, nachi nacchiguingui se'eso tala. Qaq naua loiguiyi se'eso tala nachi queteguelo ana qo'ipaq mayi chigoqtapoigui da nca'alaxa. Qaq ana'ana qo'ipaq da inoxoneec ñi ca'agoxoic, qataq huo'o ana ala. Qaq doce da ÿi'iguelaxalec da huo'o ana ala ñi 'oonolec vi'i. Qaq ana laue ana'ana qo'ipaq taiguet da latannaxanaqte na ÿotta'a't shiÿaxauapi.

Nuevo Testamento Toba Sombrero Negro

² Chane'eja jena'me laeñi di'me naq'aec jo'ne uañe laeñi jodi'me noic, choqonaa'me lael di'me ñache naje'ma jana'me epaq jo'ne ya'uo da'me nec'alaĝa, qama'le da'me nejalayaĝac onolqa'tape naa'me auoĝoyaqa da'me ya'uo jana'me jala, nalo'taguet doce da'me ya'uo naa'me onolqa'tape 'uoidi. Qama'le nach'e ena'am jaa'me layoqote jogaa'me ep'a onaĝaic da'me yeloteguet queda'me nec'alaĝategue ena'uac joga'me noyaqapi jo'ne aleua laje'pi.

Apocalipsis 22:2 Referans Kwoze

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Génesis 2:9

Ime, nache ñaxaalec naqa'en 'enauac ana ỹotta'a't no'on qo'oipaq, anam huo'o ana ala maye ishet da qanallec. Qaq na laiñi som nanqa' ana nañiguishepi, qalaq ỹanangui aso qo'oipaq maye chegaqaigui da nca'alaxa, qataq aso qo'oipaq maye chegaqaigui da qaỹauatton da no'on qataq da qauem.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Proverbios 3:18

Da naỹaanec chegaqaigui da nachaalataxac cam ỹaconeguet, qaq ỹataqta machiguiñi cam ỹaỹamaxattec damaye.

Apocalipsis 22:19

Qataq da huo'o ca nqat ca 'oonolec ne'ena la'aqtaxanaxacpi Ñim Lo'onatac 'Enauacna maye nanettalec ana'ana nere, nache Ñim Lo'onatac 'Enauacna saishet da ỹashenem da ỹacona ana ala ara qo'oipaq maye chegaqaigui da nca'alaxa, qataq saishet da ỹashenem da hueta'a ye nỹecpi maye ỹataqta qui'itta, ipacchigui da la'aqtaxanaxac ana'ana nere.

Apocalipsis 21:24

Qaq nam ỹotta'a't shiỹaxauapi maye huetalec ana 'alhua, na le'eraxa se'eso nỹecpi nache huetaigui namayepi. Qaq nam nta'alpi maye huetalec ana 'alhua nache ndotega qataq ỹami' da lsallaxa.

Apocalipsis 21:21

Qaq soua doce laso'omi, qalaq chegaqaigui ana perla. Qaq ñi 'oonolec lasom, qalaq ndotelec ana 'oonole perla da qaỹo'ot. Qaq so nqa'aic ye nỹecpi maye laiñiguishec, qalaq ndotec na oro, ỹataqta chauec, 'eeta'am na 'etaxat da ỹataqta qui'itta.

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Ezequiel 47:1

Qaq se'eso shiỹaxaua qaltaq aỹem ỹe'eguelaxata so ñegueuo aso atamnaxaqui. Qaq huaña nache sela'a da na pa'aguiñi so lasom, chegoqtapoigui so mpaxaatauec 'etaxat, qaq somaye taỹa'ague da pa'aỹa'ague da taguiñi, dam datata'ague aso atamnaxaqui. Qaq se'eso 'etaxat nache queto'ot na pa'aguiñi maye pa'aỹa'ague da aloic aso atamnaxaqui, dam pa'aigue da taguiñi aso nca'atoxonaxalate.

Salmos 147:3

Ñimaye nataren na dolata da lquiyaqteỹaxac, qataq ỹauo'o na laxataxat da ỹapolec na lque'emaxapi.

Oseas 14:4

Da la'aqtac Ñim Nataxala', 'eeta': «Aỹem saỹamaxaañi qome da qauem lataxac namayepi, nache choche sechoxoren, souaxat da sauotec namayepi, cha'aye da ỹayeloxo mashe ca'ai ñaqa'en namayepi.

Jeremías 17:14

Aỹem 'anataren, 'Am Nataxala', nache aỹem no'oita qome, aỹem 'anca'alaxatec, nache aỹem ñeca'alec qome, cha'aye nache 'amta da 'am sho'oxoreetac.

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

Zacarías 14:8

Qaq huaña, nache ye Jerusalén chegoqtegueua'a qome ca 'etaxat maye ỹataqta attom, maye quetac da nvi' ye no'omaxa, qataq ye napaxaỹaxa, qaq tachiguingui na laiñi ca ipaxaneuga aye auaxai leuaxai, qaq ca laỹe qalaq ipaxaneuga aso auaxai maye le'enaxat Mediterráneo.