Apocalipsis 22:18 - La'aqtaqa Ñim Lo'onatac 'Enauacna 2013

¹⁸ Qaq 'enauac qome na hua'aqchigui de'era la'aqtaxanaxac Ñim Lo'onatac 'Enauacna maye nanettalec ana'ana nere, aỹem seqata namayepi, sheeta': Da huo'o ca nqottenec nam nanettalec ana'ana nere, nache Ñim Lo'onatac 'Enauacna ỹauo'o ca lta'araic nque'eenaxac, iuaxaneque naua napaxaco maye nanettaleguete ana'ana nere.

Nuevo Testamento Toba Sur

¹⁸ Qaq 'enauac qome na hua'aqchigui de'eda l'aqtaxanaxac ñi Dios mayi nanettalec ana'ana nede, aÿim saqata namayipi, shiita': Da huo'o ca chochi ÿoqotteneu'a ne'enapi ca sa lataxac, nachi camayi ÿacteec da iuaxanque ñi Dios naua napaxaco mayi nanettalguete ana'ana nede.

Nuevo Testamento Toba Sombrero Negro

¹⁸ Yemeda da'me ami jo'ne anaquiaĝañiyalo naa'me 'naqataqa jo'ne napaĝaguenataĝanaĝaco 'me qoyedetedalegue janjo' nede: male ami jaqataĝanaĝana'aque da'me qom 'uo ga'me anoqoteñegue naa'me naajo' 'naqataqa, qama'le Dios nach'e ena'am da'me en yaguegue qomle da'me en ane'uaĝanaguequi q'ae'n jogaa'me napite'nadi' jo'ne nach'egaua 'me qoyedetedalegue janjo' nede.

Apocalipsis 22:18 Referans Kwoze

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Deuteronómio 4:2

Qataq saishet qome da qanqotchiñiiuec, huo'otaq da huo'o ca qanqache ne'enaua na'aqtaqa maye qami' samaxaleguete, nacherata da qaualaqaigueta qome ne'enaua lamaxasoxonaxaco Ñim Nataxala' maye Qanatamnaxala'ai.

Proverbios 30:6

Saishet qome da huo'o ca 'anquigaxatapeguec na la'aqtacpi Ñimaye, ten qom 'am iviraxato'ot nache 'eeta'am naqa'en da 'am tenataxanaxaic.

Apocalipsis 1:3

¡Ñim Lo'onatac 'Enauacna ỹami' da nqouagaxa cam itaxaỹaxan de'era na'aqtaxanaxac da ỹalectaigui na laỹepi shiỹaxauapi! ¡Qataq nataqa'en ỹaalec da nqouagaxa 'enauac nam na'axaỹaxaatega de'era na'aqtaxanaxac qataq ỹalaxaguet! ¡Mashe nayeetai' ca na'a'q da Ñim Lo'onatac 'Enauacna ipacchigui naqa'en 'enauac ne'ena ỹa'axattac ana'ana nere!

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

Levítico 26:18

Qaq da ñaq 'eetalec da saishet da Aỹem qaualaqaiguet, nache siete da she'eguelaxalec da qami' seuaxa'n souaxat da qaye'etaxalqoi.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Apocalipsis 15:1

Qaq aỹem sela'a so hueto'ot na piguem ỹataqta sa qaỹauanapega: soua siete namaxa'she piguem lashe', ỹacheta'ape soua pa'atre'c napaxaco maye talec naqa'en qome ana 'alhua. Qaq qom ime de'era, nache da layeloxo Ñim Lo'onatac 'Enauacna vi'iiguet.

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Mateo 15:13

Qalaxaye So Jesús 'enapeco': –Ñi Ita'a ỹo'otec qome na fariseopi da 'eeta'am ca ilotague' ca nañiguishe lma' da napoc aca qo'oipaq maye saishet da ỹaañi co'ollaxa: nmachitcheguem na lpa'a', ime nache ỹasaxauec.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Apocalipsis 15:6

Qaq nache chegoqtroiguilo soua siete namaxa'she piguem lashe' ỹachetra'c soua siete napaxaco maye qaica ca 'ena'am da lche'c maye taỹa'alo da yo'o'q. Nataqa'en soomaye ỹaatrañi soua alogo maye chegaqaiguilo na lino, maye ỹataqta qaỹoqtegue añi lasheue ỹataqta qui'itte' qataq qashelectrapiguiñi, qataq naua ltogue npaxattaleguete na lpaqtaxanaxa't ndota't na chegaqaigui na lcat le'enaxat oro.

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Efesios 4:17

Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

Levítico 26:37

Qataq ỹe'egueetega'tpi, 'eeta'am ca dataueeguesop ca alaataxac, na'aictaxa da qaica ca ncaatague', nache qaica ca 'oonolec da qoñiita ca ishet da dataỹa'aguet ca npa'aguenaxauapi.

Apocalipsis 20:15

Qaq nacheye nataqa'en ye qaỹasaxangui 'enauac nam saishet da nanettalec ca le'enaxat aso naneraxalate nam chochaq tatec da nachaalataxac.

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

Apocalipsis 22:9

Qalaxaye somaye aỹem 'enapega, 'eeta': «Saishet da nache qonetec de'era, 'avio'oxoren Ñim Lo'onatac 'Enauacna, cha'aye 'enauac qomi' lo'onataxanaxanecpi Ñimaye, 'am qataq aỹem qataq na la'aqtaxanaxanecpi, qataq 'enauac nam ỹalaxaguet da la'aqtac Ñimaye.»

Apocalipsis 22:10

Nataqa'en aỹem 'enapega, 'eeta': «Saishet qome da 'oxooñi de'era la'aqtaxanaxac Ñim Lo'onatac 'Enauacna maye nanettalec ana'ana nere. Cha'aye mashe saqaỹapeque ye laloqo' da ipacchiguilo naua nanettrañi.