Apocalipsis 22:16 - La'aqtaqa Ñim Lo'onatac 'Enauacna 2013

¹⁶ «Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Nuevo Testamento Toba Sur

¹⁶ –Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

Nuevo Testamento Toba Sombrero Negro

¹⁶ “Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

Apocalipsis 22:16 Referans Kwoze

Apocalipsis 5:5

Qalaxaye huo'o so 'oonolec som nqueroxonecpi aỹem 'enapega, 'eeta': «Saishet da qoqueto'ot da 'anỹeetac, cha'aye Ñim talec da lo'onataxanaxac co'ollaxa so nta'a David, Ñim qaiỹaxana naxa da quiyoc lỹa maye chegoxoguet so Judá, Ñimaye mashe dauegaxan. Qaq ỹoqo'oye nachaqñita da huo'o da 'enec da nqa't naua siete na'anaxanaqtel qataq ishet da ỹauachigui ara nere.»

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Isaías 11:1

Qaq asa'aso qo'oipaq lamo, maye nacheso so Jesé, huo'o qome aca llaxataxa, qaq aca'aca llaxataxa chegoqtoiguilo qome naua lpa'aye.

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

Apocalipsis 22:20

Qaq som ỹa'axattac de'era 'eeta': «Aja', Aỹem ỹoqta 'eesa da saqaỹaloq da ñanac.» ¡Aja', nache 'eetec! ¡Ña 'auanac, 'am Qarataxala' Jesús!

Mateo 22:42

–¿Negue't ca chegoxoguet cam Lca'aguishec Ñim Lo'onatac 'Enauacna? ¿Chaq negue't llalec camaxa? Nache somayepi 'enapeco': –Qomye camaye chegoxoguet so nta'a David.

Apocalipsis 22:6

Ime, nache so namaxashec piguem le'ec aỹem 'enapega, 'eeta': «Ne'ena na'aqtacpi ỹataqta 'eesa, qaq namayepi ishet da qaipi'iỹa'a. Qaq Ñim Lo'onatac 'Enauacna maye Nataxala' Ñim ỹanem So Saqcha'a la'añaxac nam la'aqtaxanaxanecpi nacheñi Ñim namaq na lamaxashec da yaqto' ỹachaxana na lo'onataxanaxanecpi nam mashe nayeeta'a da yo'oq.» Nache So Jesús 'enapeco':

Apocalipsis 1:1

Ñim Lo'onatac 'Enauacna ỹachaxana So Jesucristo, nam mashe nayeeta'a da yo'oq da yaqto' Somaye ỹaỹaanaxanaxanec na lo'onataxanaxanecpi. Qaq ỹoqo'oye So Jesucristo da'aqtaxanem so Juan maye lamaxashec, ỹachegoxotchigui so lamaxashec piguem le'ec Ñim Lo'onatac 'Enauacna; qaq so Juan, nache ỹiyiñi 'enauac de'era na'aqtaxanaxac maye ỹataqta 'eesa.

Mateo 2:2

Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

Zacarías 6:12

Qaq nache qonapega qome, qoneta': ‹Ñim Nataxala' maye Qaica ca Ỹaqalanapec, ỹataqta 'eesa da la'aqtac, da ñim ỹale maye le'enaxat Llaxataxa, ñaxatsheguem qome chegoqtoiguilo naua maiche lpa'aye, nache qaltaq no'oxoosheguem qome añi atamnaxaqui maye ỹalamaqte.

Números 24:17

Aỹem huo'o da selota'a qalaxaye ñaq natauo, selota'a qalaxaye ñaq qaỹoqtaique, anamaye, huaqaañi maye chegoxoguet so Jacob, nta'a maye nachaañi qome chegoqtoigui na Israel. Nache ilaxachigui qome ye Moab qataq nlaxaañi na llalaqpi so Set.

Apocalipsis 3:22

Da huo'oi naua qartelai lauacolli', qaq no'on da qana'axaỹaxañiỹa da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.

Apocalipsis 3:13

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»

Apocalipsis 3:6

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»

Romanos 9:5

Namayepi chegoxoguet soua hua'au' qarta'al, qataq Som ỹale maye Lca'aguishec Ñim Lo'onatac 'Enauacna nataqa'en chegoxoguet soomaye. Somaye ilo'ogue 'enauacna, qataq nacheso so Lo'onatac 'Enauacna ¡Da ño'oxonnataguec Ñimaye ỹataqta chochaq tatec! Aja', nache 'eetec de'era.

Apocalipsis 22:11

'Aua'aqta'a ca 'etaxaloxoic da queto'ot da ỹo'ottac ca qauem; qaq ca nshepaxan da ntoonaxac, nache queto'ot da ỹo'ottac nam lataxacpi maye nshepaxan. Qaq cam ỹo'ottac cam ỹaỹamaqchiguiñi, nache 'aua'aqta'a da queto'ot da ỹo'ottac, qaq cam ỹanot da nachaalataxac Ñim Lo'onatac 'Enauacna, nache 'aua'aqta'a da ỹataqta nañanot Ñimaye.» Nache So Jesús 'enapeco':

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Lucas 1:78

Ñim Lo'onatac 'Enauacna ỹataqta lta'araic da lauotaxanaqtaic da shenaqta, ỹoqo'oye chegoqtot naqa'en na piguem da qomi' namaxalo ca Qarca'alaxaqui, 'ena'am naqa'en añi nala' da nnoxoosheguem ye dalaxaic na'a'q.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Mateo 1:1

So Jesús chegoxoguet so David qataq so Abraham. Qaq 'ana ana lmalate 'enauac som lauo' le'ecpi maye hua'auñipi, co'ollaq saxanaxa da nvi' Somaye:

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Isaías 14:12

¡Ca 'eeteco' da 'auanaañi da 'auachegoqtot na piguem, 'am chi'ishe maye 'am yo'oxoñi lalaqte! 'Am maye 'anauectalec naxa na ỹotta'a't shiỹaxauapi, 'am qaỹanataqcheelec ana 'alhua.

Romanos 15:12

Nataqa'en so na'aqtaxanaxanec le'enaxat Isaías ỹiyiñi da la'aqtac Ñim Lo'onatac 'Enauacna, 'eeta': «'Oonolec qome ca chegoxoguet ñi Jesé da nachaañi qataq huo'o da la'añaxac. Camaye ilo'ogue qome na ỹotta'a't shiỹaxauapi; nache namayepi 'oonolec da pe'etega camaye.»

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Lucas 20:44

Qaq ¿hua'ago' ca 'eetec da cam Lca'aguishec Ñim Lo'onatac 'Enauacna da chegoxoguet so David, ye som David da iỹaxana camaye nache Lataxala'?