Apocalipsis 22:14 - La'aqtaqa Ñim Lo'onatac 'Enauacna 2013

¹⁴ Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Nuevo Testamento Toba Sur

¹⁴ Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Nuevo Testamento Toba Sombrero Negro

¹⁴ Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

Apocalipsis 22:14 Referans Kwoze

Apocalipsis 21:27

Qalaxaye saishet da inoxoneua'a yemaye ca nshepaxan maye sa ỹaỹamaxaren Ñim Lo'onatac 'Enauacna; qataq saishet da inoxoneuo nam ỹo'oxoreetac nam qanatameetacotpi maye saq 'en, nachaqnata na nanettaua'a aso lere Ñim Qagueta Llalec. Asa'aso nere nanettaua'a na le'enaxatpi nam ỹaconeguet cam nca'alaxa maye chochaq tatec.

1 Juan 5:3

Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

1 Juan 3:3

'Enauac nam iuattaique qataq huo'o da lpi'iỹaxac da 'enauac ipacchigui de'era, nache ỹataqta ỹauo'o da na'añaxataxac da ỹo'ot ca ỹaỹamaqchiguiñi, 'eeta'am da 'eetec co'ollaxa So Jesús.

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

1 Corintios 7:19

Na'aictaxa da huo'o ca na'anaxashet na lo'oc ca shiỹaxaua, huo'otaq qaica, qalaxaye nache 'ena'am. Cha'aye nachaqcata ca ỹo'ot ca 'eetapeguec Ñim Lo'onatac 'Enauacna, nacheca ca ỹaỹamaxareeta.

Apocalipsis 22:2

Qaq nam laiñi so nqa'aic maye laiñiguishec se'eso nỹecpi, nache nacchiguingui se'eso 'etaxat. Qaq naua loiguiye se'eso tala huo'o ana qo'oipaq maye huo'o ana ala ye 'oonolec ca'agoxoic, qaq damaye 'eeta' doce da huo'o ana ala ye 'oonolec vi'i. Qaq ana ala ỹan da nca'alaxa chochaq tatec, qaq ana laue qalaq natannaxanaqte da nataren na lalolaxapi 'enauac na shiỹaxauapi maye huetalec ana 'alhua.

Juan 10:7

Nache So Jesús qaltaq ỹe'eguelaxalec da da'aqtaxan, 'eeta': –Ỹataqta 'eesa de'era qami' sa'axatema, 'eeta': Aỹem maye Nachaỹem lasom, maye Aỹem llegueuo ana qagueta.

Juan 10:9

Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

Salmos 112:1

¡Qaỹo'oxoren qome Ñim Nataxala'! Ỹataqta machiguiñi ca shiỹaxaua maye huo'o naq 'enec naqa'en Ñim Nataxala', qataq ỹauoteque naua lamaxasoxonaxaco Ñimaye.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

Apocalipsis 21:12

Qaq na pa'auec somaye huo'o so lpaqtaxat ỹataqta logoraic qataq lta'araic coleesop somaye. Qaq se'eso lcopaqtaxat, huo'oi soua doce laso'omi lta'al maye ñeguereuo; qaq ñi 'oonolec soua ñeguereuo, nache hueta'a so 'oonolec namaxashec piguem le'ec da ilotague'. Qataq ñi 'oonolec soomaye nanettalec ñi 'oonolec nam le'enaxatpi soua doce llalqa so Israel.

1 Corintios 9:5

Qataq nataqa'en ishet da ñenaigaqtague' aca qarhua de'era qoyecỹaxac, 'eeta'am da 'eetec na laỹepi lamaxashecpi So Qarataxala' Jesús, qataq soua lalamaqa'ate lqaỹa't, nataqa'en so Pedro.

1 Corintios 8:9

Qaq qomi' na'aictaxa da qomi' huesochiguiñi da maicheye ca sacheguenaq. Qalaxaye iuen da ñetelaqa'a na qara'amqaanataxanaxauapi maye saxanaxa da da'añi da lpi'iỹaxac.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 4:12

Som hua'au qarta'a Jacob co'ollaxa qomi' no'onaxata'agueta ana'ana lli'illoxoqui. Anamaye, nachana co'ollaxa ana nỹomtapigui qataq soua llalqa, qataq som na'atetpi. Qaq ¿'am peta'a 'anapacaleco' somaxa?

Daniel 12:12

Qaq ỹataqta machiguiñi qome cam huo'o da lpi'iỹaxac, choche inoxootre'c naqa'en caua mil trescientos treinta y cinco na'axa'te.

Génesis 2:9

Ime, nache ñaxaalec naqa'en 'enauac ana ỹotta'a't no'on qo'oipaq, anam huo'o ana ala maye ishet da qanallec. Qaq na laiñi som nanqa' ana nañiguishepi, qalaq ỹanangui aso qo'oipaq maye chegaqaigui da nca'alaxa, qataq aso qo'oipaq maye chegaqaigui da qaỹauatton da no'on qataq da qauem.

Génesis 3:22

Qataq 'enapeco': «Nagui dam shiỹaxaua, damaye 'eeta'ama qomi', da ỹaỹaten da no'on qataq da qauem. Qaq saiueno'o' da nataqa'en nqat ana ala ara qo'oipaq maye chegaqaigui da nca'alaxa, cha'aye da chec nache chochaq tatec da lca'alaxa.»

Éxodo 19:10

Nache Ñim Nataxala' 'enapeco' da la'aqtac: «'Aue, ña naỹamaxat 'anqa'en ye shiỹaxauapi, da yaqto' aỹem ỹo'oxoren nagui qataq qonte'. Qataq qonapega da iỹoi' naua alogo,

Salmos 118:20

Cha'aye nachenaua naua naso'omi Ñim Nataxala', qataq nachenaua naua lleguereuo ca pe'etega Ñimaye.