Apocalipsis 22:13 - La'aqtaqa Ñim Lo'onatac 'Enauacna 2013

¹³ Qaq Aỹem maye Nachaỹem la'auaxanec, qataq Aỹem loga't, Nachaỹem maye sa'auchiguiñi qataq sepa'atec.»

Nuevo Testamento Toba Sur

¹³ Qaq aÿim mayi nachaÿim l'auaxanec, qataq sepa'ateec, nachaÿim l'atchiguiñi, qataq aÿim loga't 'enauacna, shiita'am aca l'auaxana ana leetrapi qataq aca pa'ateec.

Nuevo Testamento Toba Sombrero Negro

¹³ Naqayem jo'ne alfa nataq'aen da'me omega, jayem jo'ne je'uaechiñe nataq'aen naqayem jo'ne jep'ategue, jayem jo'ne lamo nataq'aen jayem loiquiaqa' ena'uac.”

Apocalipsis 22:13 Referans Kwoze

Apocalipsis 21:6

Ime qaq aỹem 'enapega, 'eeta': «¡Mashe sogote da ime! Aỹem maye Nachaỹem la'atchiguiñi qataq sepa'atec. Qaq cam ilem na laquip, nache Aỹem sanem ca 'etaxat maye npaxaatasheguem qataq chegaqaigui da nca'alaxa chochaq tatec. Qaq camaye qaca aca lasheue.

Apocalipsis 1:8

Ñim Nataxala' maye qaica ca 'ena'am da la'añaxac, Ñim nache 'eetai' da huo'o qataq Ñim do'onataxaatac nagui qataq Ñim mashe nayeetai', 'eeta' da la'aqtac: [«Aỹem maye Nachaỹem la'atchiguiñi, qataq Nachaỹem pa'atec.»]

Isaías 44:6

Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.

Isaías 48:12

Ñaq Aỹem 'aua'axaỹa 'am Jacob, qataq 'am Israel maye 'am seỹaxana co'ollaxa: Aỹem nachaỹemta Atamnaxala', Aỹem sa'auchiguiñi co'ollaxa qataq sepa'atec.

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Isaías 41:4

¿Negue't co'ollaxa cam ỹo'ot de'era lataxac? qataq ¿negue't ca ỹo'ot da llecỹaxac nam shiỹaxauapi dam chegoqta'ague? Aỹem Nataxala', nachaỹemta da Aỹem Atamnaxala', Aỹem sa'auchiguiñi qataq sepa'atec.

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Apocalipsis 2:8

«'Auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Esmirna. Qoneta': ‹Aỹem maye Aỹem la'auaxanec qataq sepa'atec. ¡Aỹem seleu co'ollaxa, qalaxaye qaltaq she'eguelaxalec da ñeca'alec! Ñaq 'ana'axaỹaxana dam 'am sa'aqtaxanem:

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Juan 13:32

Qaq da ne'ena Shiỹaxaua Llalec da ỹachaxan da llo'oxoyec Ñim Lo'onatac 'Enauacna, nache Ñimaye nataqa'en ỹachaxan qome da llo'oxoyec namaye, qaq mashe saqaỹaloq da ỹachaxan damaye.