Apocalipsis 22:10 - La'aqtaqa Ñim Lo'onatac 'Enauacna 2013

¹⁰ Nataqa'en aỹem 'enapega, 'eeta': «Saishet qome da 'oxooñi de'era la'aqtaxanaxac Ñim Lo'onatac 'Enauacna maye nanettalec ana'ana nere. Cha'aye mashe saqaỹapeque ye laloqo' da ipacchiguilo naua nanettrañi.

Nuevo Testamento Toba Sur

¹⁰ Qataq aÿim 'enapega, 'eeta': –Sa ishit qome da 'oxojñi de'eda l'aqtaxanaxac ñi Dios mayi nanettalec ana'ana nede. Cha'ayi mashi sa qaÿapeque yi laloqo' da ipacchiguilo naua qai'axa't.

Nuevo Testamento Toba Sombrero Negro

¹⁰ Qama'le nach'e ena'am jayem 'yaĝatem da'me dojo': “Ena'te jetaque auoĝotetapiñe da'me napaĝaguenataĝanaĝac jo'ne joote uetalegue janjo' nede, qa'a male qoyoqo'ta ga'me nolo' da'me male yepaquichiguilo yemeda naa'me jo'ne joote qo'yaĝate'tape.

Apocalipsis 22:10 Referans Kwoze

Daniel 8:26

Qaq som 'arauanaqchec co'ollaq 'am qaỹachaxana so avit qataq nte'eta, somaye ỹataqta 'eesa, qalaxaye 'am saishet qome da 'aua'axattac, cha'aye somaye ipacchigui qome da yo'oq qom qaỹoqteguelo naua vi'iye.

Apocalipsis 1:3

¡Ñim Lo'onatac 'Enauacna ỹami' da nqouagaxa cam itaxaỹaxan de'era na'aqtaxanaxac da ỹalectaigui na laỹepi shiỹaxauapi! ¡Qataq nataqa'en ỹaalec da nqouagaxa 'enauac nam na'axaỹaxaatega de'era na'aqtaxanaxac qataq ỹalaxaguet! ¡Mashe nayeetai' ca na'a'q da Ñim Lo'onatac 'Enauacna ipacchigui naqa'en 'enauac ne'ena ỹa'axattac ana'ana nere!

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.

Apocalipsis 10:4

Qaq aỹem mashe sauotaique da shiyiñi da la'aqta'c soua siete nvilỹaxaco co'ollaq sa'axaỹa so na'aqtac chemqot na piguem da aỹem 'enapega 'eeta': «Saishet qome da 'iyiñi da la'aqta'c soua siete nvilỹaxaco maye 'eeta'ama na nalataxa, nachaqrata da qaica ca ỹaỹate'n 'anqa'en.»

Mateo 10:27

Da huo'o ca sa'axat da huaigui na napalaxa, qalaq qaua'axacheeuec qom qoviitaigui ca yo'oqchiguiñi. Qataq da huo'o ca qami' ño'otaxaatoto ỹa'aqtac qalaq qaua'axachem 'enauac na shiỹaxauapi.

Daniel 12:9

Nache somaye aỹem ỹasateguet, 'eeta': 'Am Daniel, qoquetegue qome da 'anqa'aicỹaxac, cha'aye de'era iuen da saishet da qaỹa'axattac, choche ivitta'a cam loga't.

Daniel 12:4

Qalaxaye 'am Daniel, saishet qome da 'aua'axattac de'era, qataq 'aunana't ana'ana nere, nache 'autoqoolec aca 'ara'anaxanaqte da 'auapogui, choche ivitta'a qome da ivita cam loga't. Qalota qome ca shiỹaxauapi maye coleetega't, nmittaique da nquigaxatec da lauattonaxanaxac.

Ezequiel 12:23

Qaq ỹoqo'oye qonapega qome, qoneta': ‹'Era da la'aqtac Ñim Nataxala': Aỹem so'ot qome da saishet da qaltaq qaỹe'eguelaxalec de'era na'aqtac ne'ena Israel.› Qataq nataqa'en 'aua'aqtaxanem qome da mashe nayeetai' ca na'a'q maye huaigui da ipacchigui qome 'enauac nam ỹa'axatta'a co'ollaxa so nloxocpi.

Romanos 13:12

¡Mashe yaqta'a da ivita ye laloqo'! Qaq ỹoqo'oye nagui saxanaxañi da so'otaqtac da qaye'etaxaloxo, cha'aye da qaỹo'ottac damaye, nache 'eeta'am da qanayeetaigui na napalaxa. Nachaqrata da so'otaq ca ỹaỹamaqchiguiñi maye 'eeta'am da qanayeetaigui da yo'oqchiguiñi. Ñellaqañi da qarqopitaxanaqtaic maye qomi' ỹauecta'alo da so'otaq ca qauem, ime, nache ño'onaxataq da qarataxac, 'eeta'am da ima'ape naua na'axa'te da souaqtaigui ye na'a'q. Saishet da ñeqo'onaxa ca naponaxac maye huaña da sa qailo'ogue da nataxac, saishet da qomi' taxaiqa qataq saishet da qomi' quisheguetaxaiqa, qataq saishet da qolaqtague' da qaramanaxanaqtaic, qataq saishet da ñimitaqta'a da loquiaxac, qataq saishet da qomi' ca'alaxanaxaiqa. Nachaqrato' da sa'axasoqta'a So Jesucristo da qomi' npaxattaleguete qataq qomi' itauaata'ape da se'enaxataq da maiche lataxac.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Apocalipsis 5:1

Qaq aỹem sela'a aso nere qainaata'a't huetaigui na lhuaq aloiguishec so nso'ootangui aso so'onaxaqui. Ana lauepi asomaye qalaq 'enauaque naua laỹel da huo'o na leraxat. Qaq asomaye qaitoqootaleguete soua siete na'anaxanaqtel da qaỹapotagui.

2 Ts 2:3

Saishet da qanashiñiiuo da huo'o ca qami' ỹatenache't. Cha'aye que'eca na'a'q saishet da ivita da saxanaxa da nachaxan na ipa'agueetacpi Ñim Lo'onatac 'Enauacna qataq da nchoxot da dataỹa'aguet Ñimaye qataq da huetoigui da nachaañi que'eca ỹale qauemaic cam taỹa'a da qailaxachigui.

Isaías 13:6

Ña qanỹeñi qome, cha'aye mashe saqaỹapeque cam na'a'q maye lviraxaqui Ñim Nataxala', qom nvi' camaye nache qami' nlaxaayiñi Ñim Qaica ca Ỹaqalanapec.

Isaías 8:16

Ỹataqta qauaỹamaxacheetec qome na iqataxacpi qataq qaỹo'oxochiichiguiñi da ỹapaxaguenataxanaxac.

Apocalipsis 22:20

Qaq som ỹa'axattac de'era 'eeta': «Aja', Aỹem ỹoqta 'eesa da saqaỹaloq da ñanac.» ¡Aja', nache 'eetec! ¡Ña 'auanac, 'am Qarataxala' Jesús!

Romanos 13:11

Qaq 'enauac de'era sheetega da qami' iuen da qauloỹa'alo ne'enaua na'axa'te maye souaqtaiguilo, qaq qami' qoviitaigui da 'eeta'am da qauo'ocheeta. ¡Mashe ivita ye laloqo' da qanloiuec! Mashe saqaỹapeque ca na'a'q da Ñim Lo'onatac 'Enauacna qomi' nca'alaxatre'c; ỹataqta 'eesa da saqaỹapeque saq 'ena'am co'ollaq cheta'ague da sa'amaqtenaq So Jesús.

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

Apocalipsis 22:9

Qalaxaye somaye aỹem 'enapega, 'eeta': «Saishet da nache qonetec de'era, 'avio'oxoren Ñim Lo'onatac 'Enauacna, cha'aye 'enauac qomi' lo'onataxanaxanecpi Ñimaye, 'am qataq aỹem qataq na la'aqtaxanaxanecpi, qataq 'enauac nam ỹalaxaguet da la'aqtac Ñimaye.»

Apocalipsis 22:18

Qaq 'enauac qome na hua'aqchigui de'era la'aqtaxanaxac Ñim Lo'onatac 'Enauacna maye nanettalec ana'ana nere, aỹem seqata namayepi, sheeta': Da huo'o ca nqottenec nam nanettalec ana'ana nere, nache Ñim Lo'onatac 'Enauacna ỹauo'o ca lta'araic nque'eenaxac, iuaxaneque naua napaxaco maye nanettaleguete ana'ana nere.