Apocalipsis 21:7 - La'aqtaqa Ñim Lo'onatac 'Enauacna 2013

⁷ Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

Nuevo Testamento Toba Sur

⁷ Qaq cam dauegaxan qome, nachi qoÿami' 'enauac ne'ena, 'eeta'am da nshiitenaxat qanqoÿin. Nachi camayi aÿim lta'a Dios, qaq camayi ÿalec.

Nuevo Testamento Toba Sombrero Negro

⁷ Gaa'me yaqanate't da'me noma't naa'me ja 'noe'n, nach'egaua jo'ne yacoteguet qomle yema da'me dojo' jo'ne qoyen lomataĝanaĝa'j, qa'a naqayem mach'e Nedios, nataq'aen jogaa'me mach'e yalaqa.

Apocalipsis 21:7 Referans Kwoze

2 Corintios 6:18

Yaqto' Nachaỹem maye Aỹem Qarta'ai. Qaq qami', qalaq qami' ỹalqa qataq qami' ỹalel. Qaq 'era dam shenapec, Aỹem Nataxala' maye qaica ca seqalanapec.»

Hebreos 8:10

Ỹoqo'oye da dalaxaic ñaỹamaxataxac da ñaỹamaxate' na Israel le'ecpi, damaye 'eeta': So'otec namayepi da ỹataqta saishet da icoua'ai na ỹapaxaguenataxanaxacpi, qataq nachena na ỹaueca'aguet da nachaalataxac. Nache namayepi, Aỹem Lataxala', qaq namayepi, nache ỹalamaxatpi. Qaq de'era san ỹa'aqtac, damaye ỹataqta 'eesa.

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Mateo 19:29

Nache 'enauac nam no'onaxatchigui na lma'pi, huo'otaq ca lqaỹañecpi ỹalleppi qataq 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na na'alhuapi, souaxat Aỹem, nache camaye ivi' qome ca cien nam qoỹami'pi. Nataqa'en qoỹami' dam nca'alaxa maye chochaq tatec.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Zacarías 8:8

nache ñauega ye Jerusalén da yaqto' nache naña yemaye. Huaña, nache ne'ena nhuo' le'ecpi ỹataqta ỹalamaxatpi qome, qataq Nachaỹem da Aỹem Natamnaxala' qome namayepi, Aỹem maye so'ot da nalochiguiñi lataxac, qataq Aỹem 'eesa.»

Proverbios 3:35

Na ỹaanaxanaxaicpi qalaq huo'o da la'amaqchec, na qaica ca ỹaỹaana'a qalaq qaica ca la'amaqchec.

1 Samuel 2:8

Ñim Lo'onatac 'Enauacna nachaalataxaañi cam choxoraq maye huetaiya', qataq nqateeguesop ca lasoguiñi cam deuenaxaatapigui', da yaqto' nso'ona'ai' naqa'en na 'amaqtaqaic shiỹaxauapi, nache ỹanagui cam lo'onataxanaxac maye huo'o da llo'oxoyec, cha'aye Ñim Nataxala' nacheñi ñim ỹo'o't co'ollaxa soua nlletrañi ana 'alhua, qaq nache ỹanaleguete da yaqto' na'atchiguiñi naqa'en ana 'alhua.

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Apocalipsis 2:25

da nache queto'ot da Aỹem ỹa'amaqteetac, choche ivitta'a ca laloqo' da ñe'eguelaq.

Marcos 10:17

Qaq So Jesús co'ollaq queta, nache nvi' so ỹale nqalgoqtalec Somaye. Nache ỹa'aroto naua l-llectel, nache inattac So Jesús, 'eeta': –'Am Napaxaguenataxanaq maye 'am soxoraic, Aỹem 'aua'aqtaxanem ¿negue't ca so'ot da yaqto' Aỹem taỹot ca nca'alaxa maye qaica ca loga't?

Isaías 65:9

Qataq so'ot qome da so Jacob huo'o nam chegoxoguetpi, qataq huo'o qome na shiỹaxauapi ye Judá da netalec aye ñeqasoxonaxapi. Qaq nam lleca'aguishecpi qalaq nalec qome na 'alhua, qaq na ỹamaxashecpi qalaq nache hueta'a qome yemaye.

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

2 Samuel 7:14

Qaq camaye nache Aỹem lta'a, qataq camaye ỹataqta ỹalamaxat ỹalec. Ỹoqo'oye camaye da huo'o ca lsomaxac, nache Aỹem seuaxan qataq salashen, sheeta'am ca camachaqca nta'a da ỹauota'a ca lalashenaxanaxat da iuaxan, qataq ỹalashen ca llalec.

Salmos 89:26

Nache ñimaye aỹem iỹaxana qome, 'eeta': ‹'Am, nache 'am ita'a, 'Am Ñatamnaxala', qataq coma' maye ica'alaxaqui.›

Mateo 25:21

Nache so ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

Romanos 8:14

Qaq 'enauac nam quetague' So Saqcha'a La'añaxac Ñim Lo'onatac 'Enauacna, namayepi ỹataqta llalaqpi Ñimaye.

Romanos 8:19

'Enauac nam lo'onatacpi Ñim Lo'onatac 'Enauacna iuatta'a qataq ỹataqta lta'araic da lachetataic, da Ñimaye 'enauac qomi' ỹachaxanalo na huetalec ana 'alhua da ỹataqta qomi' llalqa.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»