Apocalipsis 21:4 - La'aqtaqa Ñim Lo'onatac 'Enauacna 2013

⁴ Ñimaye iỹore'c naua lache' namayepi. Huaña, nache saishet da ileu, nataqa'en saishet da ỹe'eguelaxalec da nỹeetac, huo'otaq da na'alaqtapiguiñi, huo'otaq da huo'o da nqui'ic, cha'aye 'enauac nam huo'o co'ollaxa qalaq nagui 'enauac da imeuo.»

Nuevo Testamento Toba Sur

⁴ Nachi ñimayi iÿodeec 'enauaque naua lachi' namayipi. Huaña, nachi sa ishit da ileu ca shiÿaxaua, qataq sa ishit da noÿiitac, huo'otaq da n'alaqtapiguiñi, huo'otaq da huo'o da nqui'ic. Cha'ayi 'enauac na seloqtaigui nagui 'enauac imeuo.

Nuevo Testamento Toba Sombrero Negro

⁴ Qama'le joñe'me yiyo'y yema naa'me lachi'y ga'me jiyaĝadipi. Ja yitaĝa ta'le 'uo da'me yeleu ga'me jiyaĝaua, uotaĝa ta'le 'uo joga'me noyetac. Male qaya'te lachoĝode'j, nach'e ena'am da'me qaya'te layaliaĝa'j, qa'a ena'uaque jogaa'me 'uaechidiñe, nayi male ja yitaĝa ta'le uo'oe.

Apocalipsis 21:4 Referans Kwoze

Isaías 25:8

Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

1 Corintios 15:26

Qaq que'eca pa'atec da qanauec qome, nachera da nleuaxa.

Isaías 60:20

Qaq añi nala' saishet qome da qaltaq inoxooñi, qataq ñi ca'agoxoic saishet qome da deqat na le'eraxa, cha'aye Aỹem maye Aỹem Nataxala', nachaỹem qome maye chochaq tatec 'arcoỹaraxanaqte, qaq naua na'axa'te maye 'arasouaxaqui' qalaq imereuo qome.

Isaías 35:10

Qaq nam nca'alaxatecpi Ñim Nataxala', do'onaxaatagui qome souaxat da ntonaxac qom inoxoneua'a ye Sión, qataq nache 'eetai' qome da machiguiñi. Qaq huaña nache ỹanata da ntonaxac qataq da lamaicỹaxac. Nache da naquicoxo qataq da qui'ic imeuo qome.

1 Juan 2:17

Qalaxaye nam qauemaicpi ana 'alhua qataq 'enauac nam ỹachaxaatac, mashe huotaique da imeuo. Qalaxaye cam ỹo'ottac cam damaxasoxoolec Ñim Lo'onatac 'Enauacna, camaye nache 'eetai' da nca'altauec.

Isaías 51:11

Qaq 'era da 'eetec nataqa'en qome nam lca'alaqtacpi Ñim Nataxala', ỹa'alaqtagui da ntonaxac qom inoxoneua'a ye Sión, da lasheguiỹaxac qalaq nache 'eetai' qome da machiguiñi, cha'aye ỹanata da lamaicỹaxac qataq da na'achecỹaxac, qaq imeuo qome da nqui'ic qataq nnoinaxac.

Jeremías 31:13

Na qa'ampiolec qalaq dasottagui qome souaxat da ntonaxac, nache 'eetec qome nataqa'en na nsoxoppiolec qataq na ỹa'axaiquipi. Aỹem sanem qome da lamaicỹaxac namayepi, qaq da laquicoxo qalaq nmeneguet ñaqa'en da lamaicỹaxac, qataq sanem da ỹactec da lamaicỹaxac napacalec da nqui'ic co'ollaxa.

Mateo 24:35

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Isaías 30:19

Qaq qami' Sión le'ecpi maye qoñiitaña na Jerusalén, mashe saishet qome da queta da qannoinaxaqui. Cha'aye Ñim Nataxala' qami' ichoxore'n qom qami' hua'axaỹalo da qaỹaxañiỹaique ca qantaunaguiqui, qaq qom choche qami' hua'axaỹalo nache qami' ỹasategueta.

Apocalipsis 21:1

Ime, nache sela'a so piguem dalaxaic qataq aso 'alhua dalaxai, cha'aye so hua'auchiguiñi piguem qataq aso hua'auchiguiñi 'alhua mashe imeuo. Qataq aso auaxai nataqa'en mashe imeuo.

Apocalipsis 20:14

Ime, nache so nleuaxa qataq da lo'onataxanaxac somaye qaỹasaxayingui so lta'araic norec. Qaq nam tangui se'eso lta'araic norec, nache chochaq tatec da sa nauane' Ñim Lo'onatac 'Enauacna.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Apocalipsis 22:3

Qaq yi'iye nỹecpi qaica da hueta'a ca sa ỹaỹamaxaren Ñim Lo'onatac 'Enauacna. Yemaye, nache hueta'a añi nso'onaxaqui Ñim Lo'onatac 'Enauacna qataq Ñim Qagueta Llalec, qaq nam lo'onataxanaxanecpi Ñimaye, nache ỹo'oxoreetac.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

1 Corintios 7:31

qataq nam iqopitaxaatac da ỹacoota'aguet nam yo'oqchigui maye huetalecna, qaq no'on da saishet da ime'eguet. Cha'aye na yo'oqchigui maye huetalecna, taỹa'a da imeuo.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Salmos 144:4

Cha'aye ca shiỹaxaua 'eeta'am da 'oonolec qancosaueegue na na'at, da nachaalataxac qalaq sa ilaua'ague 'eeta'am ca lpaqal.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Jeremías 31:12

Nache anac da do'onaxan souaxat da ntonaxac da huetalec añim qaỹoqotcheguemec Sión, nache ntootapeguec nam no'on maye chegoqo'ot Ñim Nataxala': qaq namaye nachena na trigo, lataxa qataq na aceite, ana qaguetapi qataq na huacapi. Qaq namayepi 'eeta'am qome ca nanaxanaqa' maye qaicottalec, nache saishet da qaltaq deqat da la'añaxac.

2 Corintios 5:17

Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

Hebreos 12:27

Ñimaye da 'enapec: «Aỹem qaltaq she'eguelaxalec,» nache saỹatenaq da Ñimaye nqat qome 'enauac na maiche lo'onatacpi nam ishet da qanqochenaxat, da yaqto' nache ỹaataña nam saishet da ishet da qanqochenaxat.

Apocalipsis 20:13

Qaq nam ileuangui aso auaxai nataqa'en nachaateua'a Ñim Lo'onatac 'Enauacna da yaqto' Ñimaye nmit namayepi, nataqa'en nam huetaigui da lo'onataxanaxac da nleuaxa, nachaateuo da nataqa'en qanmit. Nache 'enauac na leuaxaicpi qanmit ñi 'oonolec qaipagaqchiichigui nam ỹo'otpi.